Ruma 9:16 - Hanunuu

¹⁶ Nakan ngani kay magpili Diyus angay gid sa kay pangaawa, balaw angay sa kagustuhan una kasipagan tawu.

Ruma 9:16 Iomraidhean Croise

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Isayas 65:1

Nagsagut ti Panginuun, “Nagpakilala aku sa manga tawu balaw magpaingana tungkul sa kangku. Nasampakan nida aku una unman nida aku paghanapun. Ipinakilala niku kang sadili sa kanda una unman sida magtawag sa kangku.

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Matiyu 4:8

Tinaban maan siya diyablu tag sa usa ka bantud abwat gid, pinausdung siya nakitan niya ti tanan manga kaharian sa babaw daga hanggan kanda kadayawan.

Lukas 10:21

Ati katpung pinakan-an si Hisus lubus pag kabayaan Ispiritu Banal. Kay sinabi, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, dapat ipinakilala ngapu nimu sa manga tawu ga anak kay tagipusuun. Hu ngani duy Amang, dahil katunda yi kanmu kagustuhan.

Huwan 3:8

Maghuyup ti durus una naan ginan kay gustu. Mag-adnugan nimu kay hagunung, dapat unman nimu alam nu naan ginan kay umpisa ag nu naan tag kay turunu. Katunda diman ti kada tawu nu ainanak siya Ispiritu.”

Ruma 9:11

Ipinakilala Diyus kay nagpili sa usa lang ka anak sa kan Hakub angay sa kay sadili gayak Diyus, balaw angay sa buwat tawu. Dahil nu udwaya inanak ti manga anak, ag udwaya nakabuwat una daut una mayad, daan yi sinabi Diyus sa kan Ribika magkun, “Sumirbi ti aka sa kay ari.”

Galasya 2:2

Nakan aku nag-ati maan dahil ipinaalam ngani Panginuun sa kangku kailangan aku umatag. Napakihampang aku sa manga pinagkatakinan iglisya kami-kami lang, bag-u itinultul niku mayad-mayad sa kanda ti Mayad pag Barita kang pag-itudlu sa manga balaw Hudiyu. Nakan kang itinultul sa kanda dahil kang gustu danga maduraan kahulugan kang binudlayan ginan sa kabag-u hanggan taynguna tugka.

Ipisu 2:8

Dahil lang sa mayad nabubut-un Diyus naribri kamu pagka kamu nagsarig sa kan Kiristu. Inda pag karibrihan kay ipinakaun Diyus sa kanyu, balaw kanyu sadili buwat.

Pilipus 2:13

Dahil Diyus ti magbuwat sa kanyu kagustuhan hanggan kakayahan hampay makatupad kamu sa kagustuhan niya.

Santiyagu 1:18

Angay sa kay kagustuhan binag-u niya kanta buhi pagka ipinakilala niya sa kanta ti bagaw katutuuhanan, hampay kita bilang ga kay yi akaan burak sa tanan niya linalang.