Ruma 9:14 - Hanunuu

¹⁴ Nu katunda masabi aw nita kuntay unman matadlung ti Diyus? Bukun ngap unman matadlung ti Diyus.

Ruma 9:14 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

2 Krunika 19:7

Paggalang kamu sa Panginuun, ag pagpihu kamu matadlung dahil balaw pagpasnuan Panginuun nita Diyus ti unman may katadlungan, ti maghusay may pagkilingan, ag ti magtanggap suhul.”

Hub 35:2

“Mag-isip aw kawu kuntay kang-ud kawu sa kanmu pagsabihun kuntay unman kawu may kasalanan sa atubangan Diyus?

Hub 8:3

Balaw mahimu pihitun Diyus Makamaskihan ti katutuuhanan aw ngatay likuun ti katadlungan.

Kanta 145:17

Panginuun, matadlung kawu sa tanan nimu paraan, ag matinupadun kawu sa tanan nimu pagbuwatun.

Kanta 92:15

Pag-ipakakit lang inda matadlung ti Panginuun kang palalan-iban pag batu; unman gid may kadautan sa kanya.

Hirimyas 12:1

Panginuun nu aku magriklamu sa kanmu pirmi duy matadlung kanmu sagut. Dapat aku taynguna may manga ipaingana duy tungkul sa kanmu katadlungan: Hayga duy ti daut pag tawu mag-abunda? Hayga ti manga tawu madaya sa kanmu may kahusayan kay buhi?

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Ruma 2:11

Dahil ti Diyus balaw may pag-apihun.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Ruma 3:1

Hintay ti mahalaga sa ngaran Hudiyu may sa balaw Hudiyu? Hintay kay pakinabang nu tinuri ti tawu?

Ruma 9:30

Kainda ti gustu niku sabihun, ti manga balaw Hudiyu una unman nanipag sa mayad pag buwat hampay sida mahimu pagkilalan-un Diyus kuntay manga matadlung, lalu ngap kinilala niya sida kuntay manga matadlung dahil sa kanda pagsarig sa Diyus.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Ipinakakit 16:7

Nadnugan niku may nagbagaw ginan sa surunugan manga pag-isagda sa Panginuun magkun, “Panginuun Diyus, kawu ti makamaskihan sa tanan, tutuu matadlung ngani ag kang-ud kanmu pag sintinsiya.”