Ruma 9:1 - Hanunuu

¹ Magdungug di si Kiristu tutuu kang pagsabihun, unman aku magpudil. Maghiling diman ti Ispiritu Banal lumpiyu kang tagipusuun sa kang pagsabihun sa kanyu magkun,

Ruma 9:1 Iomraidhean Croise

Ruma 1:9

Pirmi diman kamu kang pag-idarangin. Inda alam di gid Diyus imaw kang pagsirbihan buu niku tagipusuun sa kang magtudlu sa Mayad pag Barita tungkul sa kay Anak.

Ruma 2:15

Kanda yi buwat tigpakilala kuntay ti pagsabihun Kasuguan nisurat yi sa kanda manga tagipusuun. Pagpatutuuhanan diman inda nida naisipan, dahil nu kas-a ginan pagtamyawun sida nida naisipan ag nu kas-a ginan kanda diman sadili naisipan tigpatutuu kuntay unman nagbuwat kasalanan.

Ruma 8:16

Ti Ispiritu ngani tigpatutuu minsan sa kanta tagipusuun kuntay kita manga anak Diyus.

Ruma 9:2

masyadu kang karukuan balaw mab-ul kang mag-asaydan sa kang tagipusuun, tungkul sa kang manga kanasyun, sa kang manga kasimanwa. Mayad waya abi sa kangku nu saadan yi lang aku miblag ginan sa kan Kiristu basta maribri mana sida.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

2 Kurintu 1:23

Maghiling di ti Diyus, una sa kang tagipusuun. Nakan balaw dap aku nag-asan sa Kurintu dahil kamu kang pagdahanan diman.

2 Kurintu 11:10

Dahil ti katutuuhanan ni Kiristu nangulian sa kangku nakan aku dayu umapas kang magpadayaw-dayaw sa inda pag ugali niku una naan katpung aku sa daga Akaya.

2 Kurintu 11:31

Bukun gid ungud aku magpudil. Tunda ungud alam di Diyus, imaw kay Ama Panginuun Hisus, dayawun kay ngaran hanggan aban.

2 Kurintu 12:19

Kanyu aw lugud isip kang lang pag-iiwas kang sadili bilug? Bukun duy. Magbagaw aku sa atubangan Diyus angay sa kanta pakiusa sa kan Kiristu. Kamu kang gid pagmahalun. Ti tanan kang pagbuwatun sa ikarig-un di niyu pagsarig.

Galasya 1:20

Tungkul sa inda pag bagay kang isinurat sa kanyu, alam di Diyus unman aku nagpudil.

Pilipus 1:8

Alam di Diyus tutuu kang pagsabihun nu kabitay kang maghanap sa kanyu tanan parihu ga kan Kiristu Hisus diman magmahal sa kanyu.

1 Tisalunika 2:5

Alam diman waydi niyu sa kanmi pagtudlu kaybi balaw kami magpakakit-kakit lang sa atubangan manga tawu ag alam di Diyus sa kanmi pagtudlu kaybi unman diman waydi kami may pag-itagu ugali maramuun.

1 Timutiyu 1:5

Kailangan katida kanmu bilinan sida hampay may pagmahal sida ginan sa kanda malumpiyu pag tagipusuun ag ginan sa naisipan nu udyi may pag-alalahanun kasalanan, hanggan ginan sa kanda pagsarig balaw magpabalhinguun.

1 Timutiyu 2:7

Nakan ngani pinili aku Diyus manugtudlu hanggan apustul hampay itudlu niku sa manga balaw Hudiyu ti tutuu pag sarig. Kang pagsabihun inda tutuu gid, balaw pudil.

1 Timutiyu 5:21

Sa atubangan Diyus ag ni Kiristu Hisus hanggan sa atubangan niya pinili pag manga anghil, kang pagsuguun kawu hampay tupadun nimu inda pag manga bilin sa unman may pagkampihan sa baliw-baliw, kailangan paghimasii kaayad.