Ruma 8:9 - Hanunuu

⁹ Dapat kamu udyi mag-ugali angay sa sadili lang kagustuhan niyu pagkatawu. Bagkus ngap kamu mag-ugali angay sa Ispiritu, nu ungud nangulian yi sa kanyu ti Ispiritu Diyus. Dapat una si unu nu unman may Ispiritu ni Kiristu, unman sakup siya sa kan Kiristu.

Ruma 8:9 Iomraidhean Croise

Isikil 11:19

Bag-uhun niku kanyu tagipusuun ag kanyu kaisipan. Balaw yi bumaliw maganit kanyu manga ulu nu unman bumaliw yi matinupadun kamu sa kangku.

Lukas 11:13

Madi kamu manga makasalanan, madunung diman kamu magpakaun mayad pag pakaun sa kanyu manga anak. Lalu ipakaun niyu Ama sa langit ti Ispiritu Banal sa tawu nu maghagad sa kanya.”

Huwan 14:17

Tunda pag Manug-awat imaw yi ti Ispiritu tigtudlu katutuuhanan tungkul sa Diyus. Dayu mahimu makapasakup sa Ispiritu ti manga taga kalibutan, dahil unman mag-akitan nida siya, unman diman kanda nakilala. Dapat kamu duy nakakilala yi sa kanya, dahil siya kanyu yi kaibahan ag aban mangulian yi siya sa kanyu tagipusuun.

Huwan 14:23

Sinmagut si Hisus magkun, “Una hintay pag tawu nu magmahal siya sa kangku, tumupad siya sa kang manga bilin bag-u mahalun gid siya niku Ama. Bag-u kang Ama hanggan aku umasan yi mangulian yi sa kanya.

Huwan 3:34

Ti sinugu Diyus imaw tig barita manga bagaw ginan sa Diyus dahil pag-ilubus Diyus kay Ispiritu sa kanya.

Huwan 3:6

Pagka ti tawu ainanak niya gurang, may buhi yi kay bilug. Dapat nu ainanak siya Ispiritu Banal, mangulian sa kanya inda pag Ispiritu Banal.

Binwat 16:7

Pagka rinmas-ug sida sa katpadan daga Misya, kanda mana gayak lumakaw sa daga Bitinya, dapat unman sida pinasibut-an Ispiritu ni Hisus.

Ruma 7:5

Kaybi kanta mag-ugali waya angay sa kanta daan pagkatawu. Pinulaw Kasuguan kanta makasalanan pag kagustuhan imaw ti nag-udyuk sa kanta hampay magamit kita kamatayan kay yi suruguun sa pagbuwat kadautan.

Ruma 8:1

Nakan ngani dayi sintinsiyahan Diyus ti manga magpakiusa sa kan Kiristu Hisus.

Ruma 8:11

Nu nangulian sa kanyu ti Ispiritu Diyus ti nagbuhi uman sa kan Hisus, ti Diyus ti nagbuhi uman sa kan Kiristu Hisus sa kamatayan, pumakaun waydi buhi sa kanyu manga bilug may kamatayan sa panab-anan niya Ispiritu nangulian sa kanyu.

Ruma 8:2

Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

1 Kurintu 15:23

Dapat ti kada usa angay sa kaayusan. Si Kiristu tig-una sa tanan bag-u ti manga sa kan Kiristu sa kay pagsitay niya aban.

1 Kurintu 3:16

Unman aw niyu alam kamu kay Balay Diyus? Ti Ispiritu Diyus ti nangulian sa kanyu.

1 Kurintu 6:17

Dapat ti magpakiusa sa Panginuun, nakapakiusa sa kanya dahil sa Ispiritu.

1 Kurintu 6:19

Unman aw niyu alam kanyu bilug ulian Ispiritu Banal kanyu tinanggap ginan sa Diyus? Balaw yi kamu makapamahala sa kanyu sadili bilug, nu unman Diyus yi ti bahala,

2 Kurintu 10:7

Kanyu pagbantayan lang ti manga bagay mag-akitan sa mata. Nu may tawu magpaniwala kuntay siya sa kan Kiristu, isipa niya kami hanggan parihu ga kanya, sa kan Kiristu diman.

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Galasya 4:6

Dahil kita manga anak yi Diyus nakan ipinakaun niya sa kanta ti Ispiritu niya Anak mangulian sa kanta tagipusuun imaw tig-ingaran sa kanya magkun, “Amang.”

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Ipisu 1:13

Dahil sa kan Kiristu, kamu pag manga balaw Hudiyu nagpatingi sa tutuu pag barita Diyus, sa Mayad pag Barita imaw tigpakaun karibrihan. Dahil diman sa kan Kiristu kamu nagsarig sa Diyus. Nakan ngani ipinakaun Diyus sa kanyu ti Ispiritu Banal imaw kay itinaratu Diyus, bilang puruyba kuntay kamu pinili Diyus hampay kay yi manga sakup.

Ipisu 2:22

Dahil sa kanyu magpakiusa sa kanya, kamu hanggan ga manga kalap yi diman waydi sa panab-anan Ispiritu Banal hampay ulian Diyus.

Ipisu 3:17

hampay mangulian si Kiristu sa kanyu tagipusuun dahil sa kanyu magsarig sa kanya. Pag-idarangin diman niku kamu hampay manggamut ag rumig-un sa pagmahal,

Pilipus 1:19

dahil alam niku pihu di gid aku palpasan aban ginan sa pirisuhan, dahil aku kanyu pag-idarangin ag dahil sa kang-ud pag awat ginan sa Ispiritu ni Hisu-Kiristu.

2 Timutiyu 1:14

Kanmu mahalaga pag katungkulan kailangan alagaan nimu sa awat Ispiritu Banal, imaw ti nangulian sa kanta.

1 Pidru 1:11

Inusisa gid nida kaybi nu hintay pag tawu ag nu kapira pag mangyari ti pagtukuyun Ispiritu ni Kiristu sa kanda tagipusuun. Dahil ipinauna ipinaalam Ispiritu sa kanda ti malakawan kakurian ni Kiristu hanggan ti kadayawan kay matanggap niya.

1 Huwan 3:24

Tigtupad sa kay manga sugu Diyus dayu miblag ginan sa Diyus ag ti Diyus nangulian waydi sa kanya. Nakan makilala nita kuntay ti Diyus nangulian sa kanta dahil sa Ispiritu Banal imaw ti ipinakaun niya sa kanta.

1 Huwan 4:13

Nakan magkaalaman nita kita nangulian sa Diyus ag ti Diyus nangulian waydi sa kanta, dahil kita hinurayan waydi kay Ispiritu Banal.

1 Huwan 4:4

Manga anak, kamu duy sa Diyus, dinaug yi niyu ti manga pudilun pag purupita, dahil una makapangyarihan ti sa kalibutan, lalu man mamaski ti Ispiritu Banal, imaw ti nangulian sa kanyu.

Ipinakakit 13:8

Sumamba sa kanya ti tanan tawu magkabuhi sa babaw daga, purya lang ti manga tawu kay ngaran nisurat yi sa ribru kabuhian ginan waya sa pagkalalang kalibutan. Tunda pag ribru kay apu ti Anak Karanidu imaw ti minatay.

Ipinakakit 20:15

Ayinmut waydi sa danaw apuy una si unu ti unman nisurat kay ngaran sa ribru kabuhian.