Ruma 8:7 - Hanunuu

⁷ Ti tawu nu mag-intindi sa kay lang sadili kagustuhan niya pagkatawu, siya kalaban yi Diyus, dahil dayu siya magsunud sa kay manga bilin Diyus, dayu gid waydi mahimu.

Ruma 8:7 Iomraidhean Croise

2 Krunika 19:2

sinulang siya ni Hihu kay anak ni Hanani ag magkun, “Hayga inawatan nimu ti daut ag kinaibgan ti maglaban sa Panginuun? Dahil sitay, nagalit ti Panginuun sa kanmu.

Hub 15:13

hampay mangisug gid kawu sa Diyus ag magbagaw tunda pag manga baragawun daut laban sa kanya?

Kanta 53:1

Magkun ti manga kurang kay intindi sa kanda sadili, “Unman may Diyus!” Daut sida tanan ag mayagting kanda manga pagbuwatun. Unman una di usa sa kanda ti magbuwat mayad.

Pag-ighit 20:5

Danga gid niyu inda pagsirbihi ngatay sambahun, dahil aku, ti Panginuun niyu Diyus, balaw gid magkaibug may pagsambahun kamu tuhay. Pagparusahan niku ti manga magkasala sa kangku, hanggan kay manga anak tugka sa ikatlu ag sa ikap-at pag sinulput manga magdayu sa kangku.

Hirimyas 13:23

Mailisan aw tawu mabiru kay kulay niya lukub? Mab-ul aw liyupardu kay riruk sa kay bilug? Unman gid! Katunda diman kamu pag manga taga Hirusalim, balaw kamu makabuwat mayad dahil ugali yi niyu ti magbuwat daut.

Isikil 14:5

Buwatun niku inda hampay bumalik sa kangku ti tanan Israilita nagpakarayu sa kangku dahil sa kanda manga diyus-diyusan.

Matiyu 12:34

Kamu ga linahi manga udtu adlaw. Kabitay pag masabi niyu ti mayad pag manga baragawun nu kamu ngap daut. Dahil nu hintay ti hinamnu tawu sa kay tagipusuun imaw diman kay pagbagawun.

Matiyu 5:19

Nakan una si unu ti magpasipala sa una lang diit pag sugu inda, bag-u nu magtudlu waya siya magkun dag paniwala sa sugu, kilalan-un siya pinakaababa sa kaharian langit. Dapat una si unu ti magtupad sa Kasuguan bag-u kay pag-itudlu sa manga tawu, siya ingarnan mahalaga pag tawu nu sa kaharian langit.

Huwan 7:7

Ti manga tawu taga kalibutan unman may pag-ikadaut sa kanyu. Dapat aku kanda pagkadat-an, dahil pirmi pag-ipaburayhaw niku kanda manga buwat daut.

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

Ruma 1:30

magpamauyauya, magkadaut sa Diyus, udyi may painu-inu, palabi-labihun, parayabang, parapathaw sa kadautan, manga maglaban sa gurang,

Ruma 3:31

Nu katida ibug aw sabihun udyi pagpahalgaan nimi ti Kasuguan? Bukun sa katida. Kanmi di ngap pagpahalgaan.

Ruma 5:10

Kaybi di waya kita manga kalaban Diyus. Dapat ay taynguna kita pinaunyun niya atag sa kay sadili sa panab-anan pagkamatay niya Anak. Nakan ngani lalu gid kita iribri dahil buhi di si Kiristu.

Ruma 7:22

Sa basadan niku tagipusuun pagbayaun gid niku kay manga bilin Diyus.

Ruma 8:4

Binwat niya ti tanan inda hampay ti pag-ibilin Kasuguan matupad sa kanta sa manga mag-ugali angay sa Ispiritu, balaw angay sa sadili lang kagustuhan nita pagkatawu.

1 Kurintu 2:14

Ti tawu nu udwaya inulian Ispiritu Banal unman tumanggap manga katutuuhanan ginan sa Ispiritu Diyus, dahil unman ngap may kabuluhan tunda sa kanya. Unman diman magkauninawan niya dahil tunda pag manga katutuuhanan magkaintindihan lang ginan sa Ispiritu.

1 Kurintu 9:21

Nu sa manga balaw Hudiyu balaw sakup sa Kasuguan ni Muysis, aku magpabagay sa manga balaw Hudiyu balaw sakup sa Kasuguan hampay sida magarya waydi niku. Balaw kuntay sa unman niku pagsundun ti sugu Diyus dahil aku sakup sa kasuguan ni Kiristu.

Kulusas 1:21

Kumun diman kamu, kaybi kamu arayu sa Diyus, kanyu naisipan lunsay yi lang gid laban sa Diyus. Kanyu buwat pudu kadautan.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

2 Timutiyu 3:4

Balaw lang tunda, paradaya waya sida, daluk-daluk, palabi-labihun, mahilig sa daut pag kasayahan, unman ngap pagpahalgaan nida ti Diyus.

Hibriyu 8:10

Magkun ti Panginuun, “Pagkatapus ati, buwatun niku inda pag taratu sa nasyun Israil. Ipauli niku kang manga Kasuguan sa kanda naisipan, ag isurat sa kanda manga tagipusuun. Aku kanda yi Diyus aban, sida aban kang yi nasyun.

Santiyagu 4:4

Unman duy kamu makatiwalaan. Unman aw waya niyu alam nu kanyu pagmahalun ti ugali kalibutan, kamu kalaban yi ngap Diyus. Nakan una hintay ti may gustu magmahal sa ugali kalibutan, kalaban yi ngap siya Diyus.

2 Pidru 2:14

Unman sida may paghanapun nu ud pararauragan lang. Ud magsuku sida sa magbuwat kasalanan. Pagtaban-tabanun nida ti manga malumuy tag sa kasalanan. Anad gid sida sa maramuun. Sida manga sinaadan yi Diyus.