Ruma 8:39 - Hanunuu

³⁹ una sa kaabwatan, una sa kaabasadan, una si unu waya kay linalang Diyus unman gid may bumulag sa kanta ginan sa kay pagmahal Diyus. Ipinakilala Diyus kay pagmahal sa kanta sa panab-anan ni Kiristu Hisus kanta Panginuun.

Ruma 8:39 Iomraidhean Croise

Kanta 64:6

Maggayak sida daut ag magkumun, “Mayad gid kanta gayak!” Balaw gid masalman ti kaisipan ag tagipusuun tawu!

Kabagawan 20:5

Mahimu ti kaisipan tawu parihu sa abasad pag danum, dapat magkasalman inda madunung pag tawu.

Kanta ni Sulumun 3:4

Udwaya aku nikarayu ginan sa manga guwardiya, nakitan niku kang mahal. Hinagkung niku siya mahigpit, unman yi niku siya binul-iwan tugka sa nadara niku siya sa balay niku ina, ati sa sulud-sulud nu naan aku nabuu.

Isayas 10:33

Pagpatingi kamu! Ti Panginuun Makamaskihan ti manwayak sa manga taga Asirya sa panab-anan niya makadululaw pag kamaskihan, ga magpungpung lang manga sanga kayu. Ipakababa niya ti manga marapadayaw parihu sa magpukan arabwat pag puun kayu.

Isayas 24:21

Sa ati pag sirang, parusahan Panginuun ti manga makapangyarihan pag linalang sa langit, hanggan ti manga hari sitay sa kalibutan.

Danyil 4:11

Linmangba ag inmabwat waya gid inda tugka sa inmaput sa langit ag mag-akitan una sa pinakaarayu ginan pag bahagi kalibutan.

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Huwan 16:27

Dahil pagmahalun yi gid kamu Ama. Nakan kamu kay pagmahalun dahil sa kanyu pagmahal sa kangku ag dahil kamu magsarig kuntay aku nagsitay ginan sa Diyus.

Huwan 17:26

Ipinakilala yi niku kanmu ngaran sa kanda, ag ipakilala waya gid niku kawu agud kanmu pagmahal sa kangku asan diman sa kanda, ag hanggan aku asan diman sa kanda.”

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Ruma 11:33

Abunda gid ungud kay kayamanan ti Diyus. Udyi kaya isipun tawu kay kadunungan hanggan kay kaalaman niya. Udyi magkatabu magkasuyasid kay manga turunu hanggan kay pamaraan.

Ruma 5:8

Dapat nagbuwat ti Diyus usa ka puruyba tungkul sa kay pagmahal sa kanta, pagka si Kiristu namatay para sa kanta, katpung kita makasalanan waya.

Ruma 6:23

Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

Ruma 8:1

Nakan ngani dayi sintinsiyahan Diyus ti manga magpakiusa sa kan Kiristu Hisus.

Ruma 8:35

Si unu waya ti bumulag sa kanta ginan sa pagmahal ni Kiristu? Ti kakurian aw, ti pag-unuunu aw, ti lun-us aw, ngatay nu kurang yi ti panulung, kadilikaduhan aw, ngatay nu maayangan yi aw ti baladaw?

2 Kurintu 11:3

Dapat naala-ala niku barang maakit kanyu naisipan ga kan Iba nadaya waydi ulay, barang kamu rumamig sa marig-un niyu pagmahal sa kan Kiristu.

2 Kurintu 2:11

Hampay kita dayu madaya ni Satanas. Alam di waydi ngap nita kay turunu.

Ipisu 1:4

Udwaya nalalang ti kalibutan, daan kita pinili pinausa Diyus sa kan Kiristu hampay kita manga sakup yi Diyus ag udyi may ikasaway sa kay magbantay niya. Dahil sa kay pagmahal Diyus,

Pilipus 3:12

Unman kuntay sa nakaaput yi aku ag unman waya aku kang-ud. Dapat lalu ngapu magparargu aku hampay maaput niku ti turunu kay ihinanda ni Kiristu para sa kangku, pagka aku kay binutung.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Pilipus 3:8

Balaw lang kang pagtupad sa Kasuguan, hanggan ti tanan pag manga buruwatun kang sinipagan kaybi pag-isipun niku udyi gid ngap mahalaga sa kangku taynguna. Dahil ti pinakamahalaga sa kangku kang pagkilala hanggan kang pakiusa sa kan Kiristu Hisus sa kang Panginuun. Dahil sa kanya dinayu yi niku ti tanan pag manga bagay, ga paruk yi lang balaw yi pagpahalagahan niku hampay sa kangku yi si Kiristu, imaw ti tutuu gid mahalaga,

2 Tisalunika 2:4

Siya yi gid ti Manuglaban. Magpalabi-labi siya laban sa tanan pag-ingarnan manga tawu kuntay diyus hanggan sa tanan pag manga pagsambahun nida. Pagka dugay ipaabwat niya kay sadili, sumaka siya sa Balay Diyus, tumukaw siya ati akuun niya kuntay Diyus siya.

1 Huwan 4:16

Magkaalaman yi nita ag kanta diman pagsarigan kay pagmahal Diyus sa kanta. Ti Diyus gid ti may gimpuunan pagmahal. Ti tawu nu magparargu sa pagmahal, dayu mag-iblag ginan sa Diyus ag ti Diyus nangulian diman sa kanya.

1 Huwan 4:19

Kita may pagmahal dahil ti Diyus waydi ti un-an nagmahal sa kanta.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 2:24

“Dapat may pagsabihun waya aku sa kanyu sa manga iba taga Tiyatira, sa manga unman nagsunud sa kay daut pag tudlu ni Hisibil ag unman nagdunung sa kanda pagkumnun manga madalum pag tudlu ni Satanas. Balaw yi pakan-an niku kamu ga manga mabuyat pag paras-anun.

Ipinakakit 20:3

Ayinmut siya tag sa kaabasad-basadan bag-u tinalakpan ag sinusihan anghil hampay udyi siya makaluwang ag udyi makadaya sa manga nasyun tawu hanggan sa udwaya matapus ti usa ka libu ka timpu. Nu makalawuy ti usa ka libu ka timpu, palpasan maan siya ngalay-ngalay lang.

Ipinakakit 20:7

Nu makalawuy ti usa ka libu ka timpu, palpasan maan si Satanas ginan sa kay pirisuhan.