Ruma 8:36 - Hanunuu

³⁶ Angay sa isinurat sa Banal Kasuratan magkun, “Alang alang sa kanmu, madala yi lang kami matyun ginan sa surip hanggan sa malambung. Inunu-unu kami ga manga karanidu maratyun.”

Ruma 8:36 Iomraidhean Croise

Kanta 141:7

Sumabi sida, “Manwayak sa kalubngan kanta but-ul parihu sa manga batu naglinuwang nu pag-araduhun ti daga.”

Kanta 44:11

Ipinahintulut nimu magkaramatay kami parihu sa manga karanidu pinangiyaw. Ag pinanwayak nimu kami sa manga nasyun.

Kanta 44:22

Dapat dahil sa kanmi pagsunud sa kanmu, asan kami pirmi sa kadilikaduhan sa kamatayan. Parihu kami sa manga karanidu pag-iyawun.

Isayas 53:7

Inihid siya ag pinakurianan, dapat balaw siya nagdangup. Ga karanidu siya daran-un sa iriyawan hampay matyun, ngatay karanidu pag-uguyan ud mag-ingay.

Hirimyas 11:19

Aku parihu sa karanidu marignuk pagdaran-un sa iriyawan balaw niku magkaalaman. Unman alam niku kuntay pag gayakun maaw aku nida matyun. Magkun sida, “Matyun nita siya parihu sa magpukan puun kayu may manga burak, hampay madura siya sa kalibutan ag malimtan yi.”

Hirimyas 12:3

Dapat aku kilala duy nimu Panginuun. Mag-akitan nimu kang manga pagbuwatun hanggan alam nimu kang basad tagipusuun. Guyuda nimu inda pag manga tawu ga manga karanidu atag sa iriyawan. Ipablag duy nimu sida hampay iyawun.

Hirimyas 51:40

Darahun niku sida hampay iyawun ga manga karanidu ag manga kambing.

Huwan 16:2

Ipalwas kamu aban manga Hudiyu ginan sa kanda manga simbahan. Aban humantup ti manga tawu tinupad nida ti buruwatun Diyus nu kamu kanda minatay.

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 8:32

Inda ngani ti bahagi sa Banal Kasuratan kay pagbasahun magkun, “Parihu ga karanidu unman mag-ingay nu darahun tag sa kay maratyan, una ga anak karanidu unman mag-ingay sa atubangan manug-uguy, katunda diman siya, unman gid siya nag-ingay.

1 Kurintu 15:30

Hayga bati kami maglakaw diman sa madala kada udas?

1 Kurintu 15:31

Sirang-sirang arani yi lang aku sa kamatayan. Inda kang pag-ipakilala sa kanyu dahil kamu duy, manga patar-ari, kang pagbayaun dahil sa kan Kiristu Hisus, sa kanta Panginuun.

1 Kurintu 4:9

Sa kang isip lang, kami ti manga apustul binwat Diyus bilang ga madamhakan lang, ga manga inalistu maratyun, dahil binwat lang kami paranuudan manga taga kalibutan, manga anghil hanggan manga tawu.

2 Kurintu 1:9

Kanmi isip inda yi kanmi udas kamatayan. Dapat nangyari tunda hampay kami balaw magsarig sa sadili kabisugan, nu unman hampay kanmi ngap sarigan ti Diyus ti pumabuhi sa manga namatay.

2 Kurintu 11:23

Sida aw manga suruguun ni Kiristu? Magbagaw aku ga usa ka paung-paung, dapat aku lalu man mayad pag suruguun ni Kiristu balaw lang ga kanda. Subra man sa kanda kang nagbudlay, balaw lang pira ka pag-ulit aku napirisu, lagat-lagat paglipgutun, pirmi arani yi sa kamatayan.

2 Kurintu 6:9

Kami kanda pagsabihun balaw nida kilala dapat kilala ngap nida kami. Nu kas-a ga mamatay yi lang kami dapat mabisug di ay ungud. Una kami pagpakaparusahan, unman waydi kami magkamatay.

Pilipus 3:10

Kang gustu lang gid makilala si Kiristu, maungdan ti kamaskihan niya pagkabuhi uman ag masaydan niku kay kakurian ag miparihu aku sa kanya hanggan sa kay kamatayan.