Ruma 8:32 - Hanunuu

³² Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?

Ruma 8:32 Iomraidhean Croise

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

1 Huwan 4:10

Ti kang pagsabihun pagmahal, bukun kanta pagmahal sa Diyus, nu unman kay ngap pagmahal Diyus sa kanta. Sinugu niya kay Anak hampay bumaliwa mamatay sa kasalanan nita, agud may kapatawadan kita.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

1 Kurintu 2:12

Unman tinanggap nita ti pag-iisip taga kalibutan. Kanta ngap tinanggap ti Ispiritu ginan sa Diyus hampay makilala nita ti manga kaayadan kay ipinakaun Diyus sa kanta.

Ruma 6:23

Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

Ruma 4:25

Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Ipinakakit 21:7

Inda ti matanggap tawu nu manalu. Aku yi ti Diyus niya, siya kang yi waydi gid anak.

Gimpuunan 22:12

Magkun ti anghil, “Danga duy pagmatya kanmu anak! Taynguna, napatutuuhanan yi niku may dala kawu sa Diyus dahil balaw nimu inirangan kanmu bugtung pag anak.”

2 Kurintu 4:15

Ti tanan inda pag kakurian nimi sa mapakinabangan niyu hampay nu yumamu ti manga tawu magtanggap sa manga pakaun Diyus pag kaayadan, lalu ngap yumamu waydi ti manga magpasalamat magdayaw sa Diyus.

Ruma 11:21

Dahil nu unman hininayngan Diyus ti urungan pag manga sanga, ti manga Hudiyu ngani, unman waydi kawu hinayngan niya.

Matiyu 7:11

Madi kamu manga makasalanan, madunung diman kamu magpakaun mayad pag pakaun sa kanyu manga anak, lalu waya kanyu Ama sa langit madunung gid. Ipakaun gid niya ti manga marinu pag pakaun sa manga maghagad sa kanya.

2 Kurintu 6:10

Madi maruku-maruku dapat pirmi diman may kabayaan, ga anyu pugri dapat mayamu ngap tawu kanmi pagpayamanun. Ga anyu ud may kaasanan dapat sa kanmi ngap ti tanan bagay.