Ruma 8:23 - Hanunuu

²³ Ag balaw lang sida. Una hanggan kita. Natanggap nita ti Ispiritu, ipinauna ipinakaun Diyus sa kanta. Ga mag-arunghung sa kanta tagipusuun kita sa pakaalagad sa kaudasan nu kay ipaburayhaw Diyus kanta kahamtangan bilang kay manga anak, kay ibug sabihun nu iribri yi aban kanta buu pagkatawu.

Ruma 8:23 Iomraidhean Croise

2 Krunika 31:5

Pagka naipaalam yi inda sa manga tawu, maluag nagpakaun ti manga Israilita un-an pag patubas nida tirigu, irinmun ubas, lana ulibu, daykut, ag sa iba waya pag manga patubas sa daga. Ipinakaun nida ti ikasampulu tanan nida pag pinatubas.

Lukas 20:36

Parihu yi sida sa manga anghil. Udyi mahimu sida mamatay, manga anak sida Diyus, dahil sida binuhi yi uman ginan sa kamatayan.

Lukas 21:28

Dapat nu mag-umpisa mangyari inda pag manga bagay, ipaatngaw gid kanyu manga ulu pagbantay kamu dahil arani yi kamu iribri.”

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Ruma 5:3

Bukun lang tunda. Magbaya yi ngap kita sa kanta manga pag-agwantahun, dahil magkaalaman diman nita nu kita may pag-agwantahun amat-amat kita magmatiniisun.

Ruma 5:5

Dayu kita mibuyu sa kanta pag-asa, dahil kay pagmahal Diyus ilinubus yi sa kanta manga tagipusuun sa panab-anan Ispiritu Banal, imaw ti ipinakaun Diyus sa kanta.

Ruma 7:24

Kaawaawa ungud kang kahamtangan. Si unu ti pumaribri sa kangku ginan sa kang bilug inda kay patabgan kamatayan?

Ruma 8:19

Ti tanan linalang Diyus magpatigagad yi gid sa kaudasan nu mipaburayhaw yi Diyus aban kay manga anak niya.

1 Kurintu 1:7

Nakan kang-ud yi gid ti tanan pakaun Diyus kanyu natanggap hanggan sa kanyu mag-alagad waya sa kay pagras-ug nita Panginuun Hisu-Kiristu.

2 Kurintu 1:22

Tinandaan niya kita kuntay kita kanya. Ipinakaun niya sa kanta ti Ispiritu mag-uli sa kanta tagipusuun, imaw kay puruyba matanggap nita kay manga itinaratu.

2 Kurintu 7:5

Katpung sa Masidunya kami udyi may pahari, pasay kakurian kanmi nalakawan, may kalaban una naan ginan baliwa, pagkulbaan waya kanmi nalub-anan.

Galasya 5:5

Dapat ay dahil sa Ispiritu alam nimi pihu gid kami aban kilalan-un Diyus manga matadlung dahil sa kanmi pagsarig sa kan Kiristu.

Ipisu 1:14

Ti Ispiritu ti ipinakaun sa kanta imaw kay puruyba tupadun Diyus kay manga taratu sa kanta, sa manga pinili niya, hampay dayu umalinlangan kita hanggan sa udwaya kita lubus miribri Diyus. Dayawun nita kay kadayawan!

Ipisu 4:30

Danga pagpakan-i niyu karukuan ti Ispiritu Banal Diyus dahil siya yi ngani ti pinagkapirma Diyus sa kanyu, ti puruyba hampay kamu kay pagkilalan-un aban nu rumas-ug ti taning kaudasan nu kita kay yi iribri.

Ipisu 5:9

Dahil ti ugali sa marayaw kay burak lunsay mayad, matadlung hanggan tutuu.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Huwan 3:2

Taynguna duy, kita manga anak yi ngani Diyus. Udwaya ipinaburayhaw Diyus sa kanta nu kabitay kita aban. Dapat maalaman diman nita nu miburayhaw aban si Kiristu, kita parihu diman waydi ga kanya, dahil makitan yi gid nita siya kay histuda.