Ruma 8:2 - Hanunuu

² Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

Ruma 8:2 Iomraidhean Croise

Kanta 51:12

Balikan sa kangku kang naramdaman pag kabayaan katpung irinibri nimu aku, ag pakan-i aku masurundun pag ispiritu.

Isikil 1:21

Nu maglakaw ngani ti buhi pag manga linalang, magkuyug diman sa kanda ti manga gulung, ag nu pumat-ung ngani sida, magpat-ung diman ti manga gulung. Ag nu pumatungud sida, magpatungud diman ti manga gulung, dahil kanda ispiritu asan sa manga gulung.

Huwan 4:10

Sinmagut si Hisus magkun, “Nu abi maalaman lang nimu nu hintay kay pag-ipakaun Diyus ag nu si unu ti naghagad kam danum, mahimu kawu ngap mana ti humagad sa kanya, hampay ipakaun niya sa kanmu ti danum imaw ti makapakaun buhi sa tawu.”

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Huwan 6:63

Ispiritu Diyus ti may gimpuunan buhi. Nu tawu lang unman makapakaun buhi. Nu tanggapun niyu kang manga bagaw, matanggap waydi niyu ti Ispiritu imaw ti makapakaun buhi sa kanyu.

Huwan 8:32

Makilala niyu ti katutuuhanan bag-u ti katutuuhanan ti makaribri sa kanyu ginan sa kanyu pagkapanawuhun.”

Huwan 8:36

Nakan ngani nu ti Anak Diyus ti nagparibri sa kanyu, tutuu ribri kamu.

Ruma 16:3

Ipadakit niyu kang kamusta sa kanda ni Pirisila ni Akila, sa kang manga kaawat sa buruwatun sa kan Kiristu Hisus.

Ruma 3:27

Hintay nangus kanta ipadayaw-dayaw? Unman duy may ipadayaw-dayaw kita. Hayga unman? Dahil lang aw nguna sa kanta nagtupad sa Kasuguan? Bukun ay, nu unman dahil sa kanta pagsarig sa kan Kiristu.

Ruma 5:21

Nakan nu hinmari ngani ti kasalanan sa panab-anan kamatayan, katunda diman humari ti pangaawa Diyus nu pagkilalan-un niya ti manga tawu kuntay manga matadlung, hampay karubtan nida ti buhi unman may katapusan sa panab-anan nita Panginuun Hisu-Kiristu.

Ruma 6:14

Dahil udyi kailangan maghari sa kanyu ti kasalanan, kabay udyi kamu sakup sa Kasuguan, kamu sakup ngap sa kay pangaawa Diyus.

Ruma 6:18

Kamu pinaribri ginan sa kasalanan, taynguna panawuhun yi kamu katadlungan.

Ruma 6:22

Dapat taynguna kamu pinaribri yi ginan sa kasalanan, kamu manga panawuhun yi Diyus bag-u gamitun kamu Diyus sa kay turunu tungkul sa buhi unman may katapusan.

Ruma 7:21

Inda kang pagtandaan ti magpangyari, nu gustu niku magbuwat mayad, arani ngap sa kangku ti daut.

Ruma 7:23

Dapat naungdan niku may tuhay pag magpangyari sa manga gamit niku bilug laban sa mayad pag kagustuhan niku naisipan. Nakan aku sinakup kapangyarihan kasalanan nangulian sa manga gamit niku bilug.

Ruma 7:4

Katunda diman manga patar-ari, nu para sa Kasuguan ni Muysis kamu namatay yi dahil kamu nakapaminsan yi sa kay bilug ni Kiristu hampay kamu ribri yi sa Kasuguan ag makapaminsan waydi sa kan Kiristu sa kay pagkabuhi uman hampay magamit kita Diyus kay yi manga suruguun.

Ruma 8:1

Nakan ngani dayi sintinsiyahan Diyus ti manga magpakiusa sa kan Kiristu Hisus.

1 Kurintu 15:45

Katunda diman ti isinurat sa Banal Kasuratan magkun, “Ti un-an pag tawu si Adam inarupan Diyus bag-u may buhi yi.” Ti sa uryan pag Adam imaw ti Ispiritu tigpakaun buhi sa tawu.

2 Kurintu 3:17

Kang pagkumnun Panginuun imaw ti Ispiritu. Nu naan ti Ispiritu Panginuun asan diman waydi ti kaluagan.

2 Kurintu 3:6

Pinakan-an niya kami kadunungan hampay magsirbi sa bag-u pag taratu, balaw nipuun sa nisurat pag Kasuguan bagkus ngap sa Ispiritu. Ti nisurat pag Kasuguan magpakaun kamatayan dapat ti Ispiritu magpakaun ngap buhi.

Galasya 2:19

Sa ungud, sa panab-anan ngap Kasuguan naalaman niku unman may kapangyarihan ti Kasuguan sa kangku. Nakan malaya yi aku mangabuhi para sa Diyus.

Galasya 5:1

Linukat kita ni Kiristu hampay kita balaw yi panawuhun Kasuguan. Pagpakarig-un ngani kamu danga yi kamu magpasnu buwatun maan panawuhun.

Galasya 6:2

Pag-arawatan kamu nu may mabuyat pag dararan-un. Nu katunda kanyu buwatun, matupad niyu ti sugu ni Kiristu.

Santiyagu 1:25

Dapat ti tawu nu magsuyasid sa Kasuguan bag-u parargu sa kay pagtupad, nu katida pihu papaladan siya Diyus sa tanan niya buruwatun, dahil siya balaw manugpatingi lang bag-u kay paglimtan lang kay nadnugan. Dahil ti Kasuguan unman may kakurangan, tutuu makaparibri sa tawu.

Ipinakakit 11:11

Pagka nakalawuy yi ti tulu ka sirang may tunga, binuhi maan sida Diyus, tinmindug. Balaw basta pag kulba ti manga nakakit.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.