Ruma 8:19 - Hanunuu

¹⁹ Ti tanan linalang Diyus magpatigagad yi gid sa kaudasan nu mipaburayhaw yi Diyus aban kay manga anak niya.

Ruma 8:19 Iomraidhean Croise

Isayas 65:17

“Pagpatingi kamu! Mamuwat aku bag-u pag langit ag bag-u pag daga. Ti daan pag langit hanggan daga kalimtan yi.

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Matiyu 5:9

Papaladan Diyus ti manga tawu madunung magpanab-anan sa mayad pag kasunduan, dahil sida ingarnan gid manga anak Diyus.

Huwan 1:12

Dapat una si unu ti nagtanggap ag nagsarig sa kanya pinakan-an niya karampatan hampay sida manga anak yi Diyus.

Binwat 3:21

Kailangan mag-alagad dap si Hisus sa langit hanggan sa udwaya bag-uhun Diyus ti tanan pag manga bagay. Imaw ngani kay binagaw Diyus kaybi di waya ipinadakit yi manga purupita.

Ruma 8:14

Dahil ti tanan manga tuludluan Ispiritu Diyus, imaw ti manga anak Diyus.

Ruma 8:16

Ti Ispiritu ngani tigpatutuu minsan sa kanta tagipusuun kuntay kita manga anak Diyus.

Ruma 8:18

Sa sadili isip niku ti paglakawan nita kakurian kainda pihu unman tumimbang sa kadayawan miburayhaw aban sa kanta.

Ruma 8:23

Ag balaw lang sida. Una hanggan kita. Natanggap nita ti Ispiritu, ipinauna ipinakaun Diyus sa kanta. Ga mag-arunghung sa kanta tagipusuun kita sa pakaalagad sa kaudasan nu kay ipaburayhaw Diyus kanta kahamtangan bilang kay manga anak, kay ibug sabihun nu iribri yi aban kanta buu pagkatawu.

Ruma 9:26

Nu naan sida pagsabihun magkun, ‘Kamu bukun Nasyun niku’, siyun ngap ingarnan sida manga anak Diyus buhi.”

1 Kurintu 1:7

Nakan kang-ud yi gid ti tanan pakaun Diyus kanyu natanggap hanggan sa kanyu mag-alagad waya sa kay pagras-ug nita Panginuun Hisu-Kiristu.

1 Kurintu 1:8

Si Hisu-Kiristu diman ti pumarig-un sa kanyu hanggan tugka sa katapusan hampay unman may ikasabi sa kanyu sa kaudasan pagras-ug nita Panginuun Hisu-Kiristu.

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Pilipus 1:20

Daka gid kang kagustuhan ag may pag-asa aku dayu gid aku umalinlangan. Bagkus pirmi matutum kang naisipan lalu waya ngap inmamat taynguna agud sa mamatay sa mabuhi man hampay nu makitan aku manga iba, lalu waya dayawun nida si Kiristu.

Kulusas 3:4

Si Kiristu ti tutuu pag buhi. Nu miburayhaw siya aban, miburayhaw diman hanggan kamu kaibahan niya, miusa sa kadayawan niya.

Hibriyu 12:27

Pagka kay sinabi magkun, “kas-a waya,” kay ibug sabihun ti manga natandug pag manga linalang Diyus bul-un yi niya aban. Ti unman matandug balaw ngap duraun.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Huwan 3:1

Pag-isipa niyu nu kabitay kay kadaka ti pagmahal Ama sa kanta. Daka gid kay pagmahal nakan iningarnan kita manga anak Diyus. Tutuu gid ngani kita manga anak Diyus. Nakan pagdayuun kita manga taga kalibutan dahil dinayu waydi nida ti Diyus.

1 Huwan 3:2

Taynguna duy, kita manga anak yi ngani Diyus. Udwaya ipinaburayhaw Diyus sa kanta nu kabitay kita aban. Dapat maalaman diman nita nu miburayhaw aban si Kiristu, kita parihu diman waydi ga kanya, dahil makitan yi gid nita siya kay histuda.

Ipinakakit 21:7

Inda ti matanggap tawu nu manalu. Aku yi ti Diyus niya, siya kang yi waydi gid anak.