Ruma 8:11 - Hanunuu

¹¹ Nu nangulian sa kanyu ti Ispiritu Diyus ti nagbuhi uman sa kan Hisus, ti Diyus ti nagbuhi uman sa kan Kiristu Hisus sa kamatayan, pumakaun waydi buhi sa kanyu manga bilug may kamatayan sa panab-anan niya Ispiritu nangulian sa kanyu.

Ruma 8:11 Iomraidhean Croise

Isayas 26:19

Dapat utru mabuhi kanmu manga nasakupan namatay. Bumangun kanda manga bangkay ag kumanta sa kabayaan. Nu kabitay ti tun-ug magparamig sa daga, kawu diman Panginuun ti utru bumuhi sa manga namatay.

Isikil 37:14

Ipakaun niku kang Ispiritu sa kanyu ag mabuhi kamu, bag-u pauliun niku kamu sa kanyu sadili daga. Bag-u maalaman niyu aku ti Panginuun. Nu unu kang pagsabihun, pagtupadun niku. Aku, ti Panginuun, ti magsabi inda.”

Huwan 14:17

Tunda pag Manug-awat imaw yi ti Ispiritu tigtudlu katutuuhanan tungkul sa Diyus. Dayu mahimu makapasakup sa Ispiritu ti manga taga kalibutan, dahil unman mag-akitan nida siya, unman diman kanda nakilala. Dapat kamu duy nakakilala yi sa kanya, dahil siya kanyu yi kaibahan ag aban mangulian yi siya sa kanyu tagipusuun.

Huwan 5:21

Dahil nu kabitay pagbuhiun uman Ama ti manga namatay, katunda diman waydi pagbuhiun uman Anak una hintay pag tawu kay gustu buhiun uman.

Binwat 2:24

Dapat binuhi di siya Diyus ag irinibri sa kapangyarihan kamatayan, sa ungud, una ti kamatayan unman may kapangyarihan amparahun siya.

Ruma 16:10

Katunda diman sa kan Apilis, kilala waydi nita kay matinupadun sa kan Kiristu. Ipadakit waydi niyu kang kamusta sa kay magtal-anakan ni Aristubulu,

Ruma 16:3

Ipadakit niyu kang kamusta sa kanda ni Pirisila ni Akila, sa kang manga kaawat sa buruwatun sa kan Kiristu Hisus.

Ruma 16:7

Ipadakit waydi niyu kang kamusta sa kanda ni Anduruniku ni Hunya, manga kaparihu niku Hudiyu, manga kaibahan niku sa pirisuhan. Nakilala sida manga apustul yi waydi, un-an man sa kangku pag nagtanggap sida sa kan Kiristu.

Ruma 16:9

hanggan sa kan Urbanu, imaw kanta kaawat sa buruwatun ni Kiristu, hanggan sa kang pagmahalun pag patar-ari sa kan Istakis.

Ruma 6:12

Danga yi maghari ti kasalanan sa kanyu manga bilug may kamatayan hampay udyi kamu pilitun sumunud sa manga daut kagustuhan niyu naisipan.

Ruma 8:1

Nakan ngani dayi sintinsiyahan Diyus ti manga magpakiusa sa kan Kiristu Hisus.

Ruma 8:12

Nakan ngani duy manga patar-ari, danga yi mag-ugali kita angay sa kanta sadili kagustuhan pagkatawu.

Ruma 8:2

Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

Ruma 8:9

Dapat kamu udyi mag-ugali angay sa sadili lang kagustuhan niyu pagkatawu. Bagkus ngap kamu mag-ugali angay sa Ispiritu, nu ungud nangulian yi sa kanyu ti Ispiritu Diyus. Dapat una si unu nu unman may Ispiritu ni Kiristu, unman sakup siya sa kan Kiristu.

1 Kurintu 15:16

Nu abi unman buhiun uman ti manga namatay, unman diman binuhi uman si Kiristu.

1 Kurintu 6:14

Binuhi uman Diyus ti Panginuun, kay kamaskihan bumuhi diman uman sa kanta.

2 Kurintu 4:11

Pirmi kami mag-iuli sa karamatyanun dahil sa kanmi magsirbi sa kan Hisus, hampay makitan diman kay buhi ni Kiristu sa kanmi bilug may kamatayan.

2 Kurintu 4:14

Dahil alam ngani nimi, ti Diyus pinmabuhi uman sa Panginuun Hisus imaw diman waydi maan ti bumuhi sa kanmi ginan sa kamatayan kaibahan ni Kiristu. Darahun diman niya kami kaibahan niyu atag sa kay atubangan.

2 Kurintu 5:4

Hanggan kita sitay waya sa kanta bilug inda ga turda, kita talaga magkakurian, magpakabitay waya balaw waydi tunda kuntay sa lukasun kanta bilug para sa daga, nu unman hampay ilsan yi bilug para sa langit. Nu katida, kanta buhi may katapusan ilsan aban buhi unman may katapusan.

Galasya 6:8

Nu ti tawu kay naisipan, ga sa magpamgas, sa manga bagay angay lang sa sadili daut kagustuhan, kamatayan ti maani. Nu ti tawu kay naisipan, ga sa magpamgas, sa manga bagay angay sa Ispiritu, tutuu pag buhi unman may katapusan kay maani.

Ipisu 2:5

Una kaybi kita manga tigbak dahil sa kanta paglaban sa Diyus, dapat binuhi niya kita kaibahan ni Kiristu. Naribri kamu dahil lang sa kay mayad nabubut-un Diyus.

Pilipus 3:21

Gamitun niya kay kamaskihan hampay kanta malumuy pag ginhawa bag-uhun niya agud pumarihu sa kay sadili bilug may kadayawan. Tunda pag kamaskihan imaw diman kay paggamitun hampay masakup niya ti tanan pag manga bagay tabug sa kay sadili.

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

1 Pidru 1:21

Dahil sa kan Kiristu nakan kamu nakasarig sa Diyus, imaw waydi ti nagbuhi uman sa kan Kiristu ag ti nagpakaun kadayawan. Dahil sa kan Kiristu nakan ngani kamu may pagsarig ag pag-asa sa Diyus.

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.

Ipinakakit 11:11

Pagka nakalawuy yi ti tulu ka sirang may tunga, binuhi maan sida Diyus, tinmindug. Balaw basta pag kulba ti manga nakakit.