Ruma 8:1 - Hanunuu

¹ Nakan ngani dayi sintinsiyahan Diyus ti manga magpakiusa sa kan Kiristu Hisus.

Ruma 8:1 Iomraidhean Croise

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Isikil 18:9

Pagsundun niya mayad kang manga surundanun ag manga sugu. Matadlung inda pag tawu ag parargu siya mabuhi. Aku, ti Panginuun Diyus, ti magbagaw inda.

Huwan 14:20

Sa ati katpung pag sirang aban makilala niyu kuntay aku minsan sa Ama ag kamu minsan sa kangku, aku minsan diman sa kanyu.

Huwan 15:4

Dagpablag kamu sa kangku, ga kang diman napaminsan sa kanyu. Dayu bumurak ti sanga nu napablag yi sa kay puun. Ti sanga ubas bumurak lang nu angut ginan sa kay puun. Katunda diman waydi kamu unman may mabuwat nu napablag kamu sa kangku.

Huwan 5:24

“Ungud duy kang pagsabihun sa kanyu, nu ti tawu magtanggap sa kang bagaw ag magsarig sa Diyus sa nagsugu sa kangku, tunda pag tawu may tutuu pag buhi unman may katapusan. Balaw yi sakup siya sa sintinsiya aban. Kay patabgan balaw yi kamatayan, bagkus ngap buhi kay patabgan.

Ruma 16:3

Ipadakit niyu kang kamusta sa kanda ni Pirisila ni Akila, sa kang manga kaawat sa buruwatun sa kan Kiristu Hisus.

Ruma 16:7

Ipadakit waydi niyu kang kamusta sa kanda ni Anduruniku ni Hunya, manga kaparihu niku Hudiyu, manga kaibahan niku sa pirisuhan. Nakilala sida manga apustul yi waydi, un-an man sa kangku pag nagtanggap sida sa kan Kiristu.

Ruma 5:1

Nakilala yi ngani kita Diyus kuntay manga matadlung dahil sa kanta sarig sa kanta Panginuun Hisu-Kiristu. Nakan ginan diman sa kanta pagsarig sa kan Kiristu pinaunyun kita atag sa Diyus.

Ruma 5:16

Ti pakaun Diyus pag kaayadan subra higit balaw parihu sa kay nangyari ginan sa kay kasalanan ni Adam. Kay kasalanan dinmamay sa kayamuan tawu atag sa sintinsiya. Dapat ay pagka duru ti kasalanan sa Diyus, rinmas-ug ti pakaun kaayadan imaw ngap ti pinun-an kapatawadan.

Ruma 7:17

Nakan bukun yi aku ti may buwat tunda, dapat kasalanan ti nangulian sa kangku imaw ti may buwat.

Ruma 7:20

Nu pagbuwatun niku ti bukun kang gustu, balaw yi aku ti may buwat tunda nu unman ti kasalanan nangulian sa kangku imaw ngap ti may buwat.

Ruma 8:11

Nu nangulian sa kanyu ti Ispiritu Diyus ti nagbuhi uman sa kan Hisus, ti Diyus ti nagbuhi uman sa kan Kiristu Hisus sa kamatayan, pumakaun waydi buhi sa kanyu manga bilug may kamatayan sa panab-anan niya Ispiritu nangulian sa kanyu.

Ruma 8:14

Dahil ti tanan manga tuludluan Ispiritu Diyus, imaw ti manga anak Diyus.

Ruma 8:2

Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

Ruma 8:34

Hintay waya gid ti sumintinsiya sa kanta atag sa kaparusahan? Udyi! Si Kiristu Hisus sa kay yi sikun baliwa Diyus. Siya waya ngani ti namatay bag-u binuhi uman Diyus. Taynguna siya yi ti nagbaliwa sa kanta.

Ruma 8:39

una sa kaabwatan, una sa kaabasadan, una si unu waya kay linalang Diyus unman gid may bumulag sa kanta ginan sa kay pagmahal Diyus. Ipinakilala Diyus kay pagmahal sa kanta sa panab-anan ni Kiristu Hisus kanta Panginuun.

Ruma 8:4

Binwat niya ti tanan inda hampay ti pag-ibilin Kasuguan matupad sa kanta sa manga mag-ugali angay sa Ispiritu, balaw angay sa sadili lang kagustuhan nita pagkatawu.

Ruma 8:9

Dapat kamu udyi mag-ugali angay sa sadili lang kagustuhan niyu pagkatawu. Bagkus ngap kamu mag-ugali angay sa Ispiritu, nu ungud nangulian yi sa kanyu ti Ispiritu Diyus. Dapat una si unu nu unman may Ispiritu ni Kiristu, unman sakup siya sa kan Kiristu.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Kurintu 15:22

Ti tanan tawu may kamatayan dahil kabilang ni Adam. Katunda diman ti tanan tawu may pagkabuhi uman, dahil sa kanda pakiusa sa kan Kiristu.

2 Kurintu 12:2

May kilala aku usa ka tawu napasakup sa kan Kiristu. Dinara siya atabug sa ikatlu pag langit, sampulu yi may upat ka timpu ti nakalawuy taynguna tugka. Unman lang niku mapihu nu ngatay ipinakakit Panginuun tunda aw ngatay tutuu tunda nangyari sa kanya. Diyus lang ti makaalam.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Galasya 3:28

Udyi may tuhay-tuhay una Hudiyu, una Giriyigu, una panawuhun, una bukun panawuhun, una lalaki, una babayi. Kamu tanan urusa dahil sa kanyu pakiusa sa kan Kiristu Hisus.

Galasya 5:16

Inda kang gustu sabihun, pag-ugali kamu angay sa udyuk Ispiritu, hampay dayi pasibut-an niyu ti daut kagustuhan niyu naisipan.

Galasya 5:25

Ti Ispiritu ti nagpakaun buhi sa kanta nakan ngani kailangan kita pasirung sa kapangyarihan Ispiritu.

Ipisu 1:1

Inda ti may surat si Pablu, kay apustul ni Kiristu Hisus angay sa kagustuhan Diyus, tabug sa manga banal sa Ipisu, sa manga matinupadun sa kanda pakiusa sa kan Kiristu Hisus.

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.