Ruma 7:5 - Hanunuu

⁵ Kaybi kanta mag-ugali waya angay sa kanta daan pagkatawu. Pinulaw Kasuguan kanta makasalanan pag kagustuhan imaw ti nag-udyuk sa kanta hampay magamit kita kamatayan kay yi suruguun sa pagbuwat kadautan.

Ruma 7:5 Iomraidhean Croise

Matiyu 15:19

Dahil ginan ngani sa tagipusuun ti manga daut pag naisipan, ti maglibun sa tawu, ti mag-uragin, ti magpamabayi, ti magpanlalaki, ti magtakaw, ti magkastigus sa bukun tutuu, ti magmuransa.

Huwan 3:6

Pagka ti tawu ainanak niya gurang, may buhi yi kay bilug. Dapat nu ainanak siya Ispiritu Banal, mangulian sa kanya inda pag Ispiritu Banal.

Ruma 1:26

Nakan pinasibut-an sida Diyus sa mahalay pag kagustuhan nida naisipan. Una manga babayi nagdayu yi sa natural pag malahalan sa lalaki tag sa babayi bag-u kaparihu ngap babayi tigkaraibgan.

Ruma 3:20

Nakan unman gid may tawu pagkilalan-un Diyus kuntay siya matadlung nu dahil lang sa kay pagtupad sa Kasuguan. Kabay ginan ngap sa Kasuguan pag makilala ti kasalanan.

Ruma 4:15

Ti Kasuguan imaw yi ti dahilan sa kay pagkagalit Diyus. Nu unman may Kasuguan, unman diman may malabag.

Ruma 5:20

Ipinakaun ti Kasuguan hampay yumamu ti maglabag. Dapat nu nagyamu ti kasalanan, lalu man daka kay pangaawa Diyus.

Ruma 6:13

Danga niyu ipasakup sa kapangyarihan kasalanan una naan pag bahagi bilug niyu para gamit sa kadautan. Bagkus ngap pasakup kamu sa Diyus. Kamu pag manga namatay yi ag binuhi uman, ipakaun niyu sa Diyus kanyu buu pagkatawu hampay gamit yi sa katadlungan.

Ruma 6:19

Maghampang aku angay lang sa ugali tawu hampay balaw makuri maintindihan niyu. Kaybi ipinasakup ngani niyu kanyu sadili sa kayagtingan ag sa kadautan hanggan di mag-amat. Taynguna kailangan ipasakup ngap niyu lubus kanyu sadili sa katadlungan hampay gamitun kamu Diyus.

Ruma 6:21

Hintay nguna pag masulung kanyu nakitan ati katpung? Tunda lang pag manga buwat kanyu pag-ikay-a taynguna, dahil kay patabgan ngani kamatayan.

Ruma 6:23

Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

Ruma 7:23

Dapat naungdan niku may tuhay pag magpangyari sa manga gamit niku bilug laban sa mayad pag kagustuhan niku naisipan. Nakan aku sinakup kapangyarihan kasalanan nangulian sa manga gamit niku bilug.

1 Kurintu 15:56

Ginan sa kasalanan may kapangyarihan ti kamatayan hampay magpakuri. Ginan maan sa Kasuguan ti kabisugan kasalanan.

2 Kurintu 10:3

Madi kanmi mag-ugali parihu diman sa manga iba tawu, unman kami maglaban angay sa buruwatun manga taga kalibutan.

Galasya 3:10

Ti tanan manga magsarig sa kanda magtupad sa Kasuguan, nasakup sa saad. Dahil isinurat sa Banal Kasuratan magkun, “Saadan ti unman mag-alaala magtupad sa tanan isinurat sa ribru Kasuguan.”

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Ipisu 2:11

Isipun niyu kanyu daan pag kahamtangan. Kamu inanak manga balaw Hudiyu. Pagkumnun kamu manga Hudiyu kuntay balaw tinuri. Inda pag manga Hudiyu pagkumnun manga tinuri angay lang sa kanda binwat sa kanda bilug.

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

Santiyagu 1:15

Pagka ti daut pag kagustuhan nagtubu, nan-gamut yi, kay kasuruhan kasalanan. Pagka namhan ti kasalanan, kay kasuruhan yi kamatayan.

Santiyagu 4:1

Hintay nguna kanyu pagpun-an irisgan nakan mag-arawayan? Unman aw lugud ti daut pag manga kagustuhan namugad sa kanyu nalub-anan sa kada usa sa kanyu? Nakan pudu lalabanan basad naisipan.

1 Huwan 3:4

Una hintay pag tawu nu magbuwat kasalanan, unman siya magpasakup sa Kasuguan. Dahil ti ibug sabihun kasalanan, nu unman magpasakup sa Kasuguan.