Ruma 7:23 - Hanunuu

²³ Dapat naungdan niku may tuhay pag magpangyari sa manga gamit niku bilug laban sa mayad pag kagustuhan niku naisipan. Nakan aku sinakup kapangyarihan kasalanan nangulian sa manga gamit niku bilug.

Ruma 7:23 Iomraidhean Croise

Kanta 142:7

Palpasi aku sa kang pagkapirisu hampay madayaw niku kawu. Rargu mantipun sa kang sangput ti manga matadlung dahil mayad kawu sa kangku, Panginuun.

Manugtudlu 7:20

Unman gid may tawu sitay sa kalibutan ti pirmi magbuwat matadlung ag unman magsalan.

Ruma 6:13

Danga niyu ipasakup sa kapangyarihan kasalanan una naan pag bahagi bilug niyu para gamit sa kadautan. Bagkus ngap pasakup kamu sa Diyus. Kamu pag manga namatay yi ag binuhi uman, ipakaun niyu sa Diyus kanyu buu pagkatawu hampay gamit yi sa katadlungan.

Ruma 6:19

Maghampang aku angay lang sa ugali tawu hampay balaw makuri maintindihan niyu. Kaybi ipinasakup ngani niyu kanyu sadili sa kayagtingan ag sa kadautan hanggan di mag-amat. Taynguna kailangan ipasakup ngap niyu lubus kanyu sadili sa katadlungan hampay gamitun kamu Diyus.

Ruma 7:14

Alam yi nita, ti Kasuguan kay turunu tawu tagipusuun dapat ay aku nu sa kang lang sadili pagkatawu malumuy ag panawuhun kasalanan.

Ruma 7:21

Inda kang pagtandaan ti magpangyari, nu gustu niku magbuwat mayad, arani ngap sa kangku ti daut.

Ruma 7:25

Diyus ngani ti pumaribri sa panab-anan nita Panginuun Hisu-Kiristu. Salamat gid ungud sa kanya. Nakan kainda kang kahamtangan. Nu sa kang naisipan magsirbi aku sa kay manga bilin Diyus, dapat nu sa kang sadili pagkatawu may kalumuyan, magsirbi aku sa kasalanan.

Ruma 7:5

Kaybi kanta mag-ugali waya angay sa kanta daan pagkatawu. Pinulaw Kasuguan kanta makasalanan pag kagustuhan imaw ti nag-udyuk sa kanta hampay magamit kita kamatayan kay yi suruguun sa pagbuwat kadautan.

Ruma 8:2

Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

Galasya 5:17

Dahil ti daut kagustuhan pagkatawu maglaban sa kagustuhan Ispiritu ag ti kagustuhan Ispiritu laban waydi sa daut kagustuhan pagkatawu. Maglalabanan sida duwa nakan unman niyu mabwat ti gustu niyu buwatun.

Hibriyu 12:4

Sa kanyu maglaban sa kasalanan, udwaya nabuhus kanyu dugu sa kamatayan.

Santiyagu 3:2

Kita tanan pirmi magsalan. Una si unu pag tawu nu unman magsalan sa kay bagaw, unman yi may ikasabi sa kanya. Mapinigilun siya sa kay sadili bilug.

Santiyagu 4:1

Hintay nguna kanyu pagpun-an irisgan nakan mag-arawayan? Unman aw lugud ti daut pag manga kagustuhan namugad sa kanyu nalub-anan sa kada usa sa kanyu? Nakan pudu lalabanan basad naisipan.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.