Ruma 7:18 - Hanunuu

¹⁸ Alam diman niku unman may mayad nangulian sa kangku, kang ibug sabihun sa kang makasadili pag naisipan. Kaya niku mataw-an maggayak mayad, dayu lang mabwat niku kang gayak mayad.

Ruma 7:18 Iomraidhean Croise

Gimpuunan 6:5

Pagka nakitan Panginuun ti manga pagbuwatun manga tawu sa kalibutan lunsay lang kadautan, ag kanda pag-isipun pirmi kadautan,

Gimpuunan 8:21

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.

Hub 14:4

May tawu aw lugud sa kanmu hurusayan magkabuhi matadlung gid? Unman! Dahil ti tanan iinanak makasalanan.

Hub 25:4

Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

Kanta 119:173

Mana alistu kawu pirmi sa pag-awat sa kangku, dahil pinili niku ti pagsunud sa kanmu manga surundanun.

Kanta 119:176

Tinmalang aku parihu sa nadura karanidu, nakan hanapa aku, kanmu manugsirbi, dahil unman niku pagkalimtan kanmu manga sugu.

Kanta 119:32

Paghingbutun gid niku sumunud sa kanmu manga sugu dahil pagdugangan nimu kang pan-intindi.

Kanta 119:40

Gustu niku magsunud sa kanmu manga surundanun. Dahil kawu matadlung, bag-uha nimu kang buhi.

Kanta 119:5

Daka gid kang gustu bumaliw matinupadun aku sa pagsunud sa kanmu manga surundanun.

Kanta 51:5

Daut aku ag nagsalan ginan waya sa kang pagkalusad.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Matiyu 15:19

Dahil ginan ngani sa tagipusuun ti manga daut pag naisipan, ti maglibun sa tawu, ti mag-uragin, ti magpamabayi, ti magpanlalaki, ti magtakaw, ti magkastigus sa bukun tutuu, ti magmuransa.

Lukas 11:13

Madi kamu manga makasalanan, madunung diman kamu magpakaun mayad pag pakaun sa kanyu manga anak. Lalu ipakaun niyu Ama sa langit ti Ispiritu Banal sa tawu nu maghagad sa kanya.”

Huwan 3:6

Pagka ti tawu ainanak niya gurang, may buhi yi kay bilug. Dapat nu ainanak siya Ispiritu Banal, mangulian sa kanya inda pag Ispiritu Banal.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 7:15

Unman magkaintindihan niku kang sadili buwat. Dahil ti gustu mana niku, unman ngap pagbuwatun niku. Bagkus ngap ti kang gid pagdayuun imaw ngap ti pagbuwatun niku.

Ruma 7:19

Dahil unman pagbuwatun niku ti mayad pag ginayak niku. Dapat ti daut kang mana dinayu imaw ngap ti kang pagbuwatun.

Ruma 7:25

Diyus ngani ti pumaribri sa panab-anan nita Panginuun Hisu-Kiristu. Salamat gid ungud sa kanya. Nakan kainda kang kahamtangan. Nu sa kang naisipan magsirbi aku sa kay manga bilin Diyus, dapat nu sa kang sadili pagkatawu may kalumuyan, magsirbi aku sa kasalanan.

Ruma 7:5

Kaybi kanta mag-ugali waya angay sa kanta daan pagkatawu. Pinulaw Kasuguan kanta makasalanan pag kagustuhan imaw ti nag-udyuk sa kanta hampay magamit kita kamatayan kay yi suruguun sa pagbuwat kadautan.

Galasya 5:17

Dahil ti daut kagustuhan pagkatawu maglaban sa kagustuhan Ispiritu ag ti kagustuhan Ispiritu laban waydi sa daut kagustuhan pagkatawu. Maglalabanan sida duwa nakan unman niyu mabwat ti gustu niyu buwatun.

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Pilipus 2:13

Dahil Diyus ti magbuwat sa kanyu kagustuhan hanggan kakayahan hampay makatupad kamu sa kagustuhan niya.

Pilipus 3:12

Unman kuntay sa nakaaput yi aku ag unman waya aku kang-ud. Dapat lalu ngapu magparargu aku hampay maaput niku ti turunu kay ihinanda ni Kiristu para sa kangku, pagka aku kay binutung.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.