Ruma 7:15 - Hanunuu

¹⁵ Unman magkaintindihan niku kang sadili buwat. Dahil ti gustu mana niku, unman ngap pagbuwatun niku. Bagkus ngap ti kang gid pagdayuun imaw ngap ti pagbuwatun niku.

Ruma 7:15 Iomraidhean Croise

1 Hari 8:46

Nu magkasala sida sa kanmu — dahil unman waydi una di usa ti unman magsalan — ag sa kanmu pangagalit ipinatalu nimu sida sa kanda manga kalaban ag binihag sida sa arayu ngatay sa arani pag rugar,

Kanta 1:6

Dahil pag-alagaan Panginuun ti manga magkabuhi matadlung, dapat ti magkabuhi sa kadautan, kadautan diman ti dumara tag sa kadamhakan.

Kanta 101:3

ag balaw niku pahintulutan ti kadautan. Kalaban gid niku ti manga pagbuwatun manga tawu magpakarayu sa Diyus; balaw gid niku tunda huwadun.

Kanta 119:104

Sa panab-anan nimu manga surundanun, maglawak kang pan-intindi, nakan pagkadat-an niku ti tanan daut buwat.

Kanta 119:113

Pagkadat-an niku ti manga tawu balaw matinupadun sa kanmu, dapat pagmahalun niku kanmu kasuguan.

Kanta 119:128

ag dahil pagsundun niku ti tanan nimu surundanun, pagkadat-an niku ti tanan daut pag buwat.

Kanta 119:163

Pagkadat-an niku ag pagkagalitan ti kapudilan, dapat pagmahalun niku kanmu kasuguan.

Kanta 119:32

Paghingbutun gid niku sumunud sa kanmu manga sugu dahil pagdugangan nimu kang pan-intindi.

Kanta 119:40

Gustu niku magsunud sa kanmu manga surundanun. Dahil kawu matadlung, bag-uha nimu kang buhi.

Kanta 19:12

Nu kas-a unman magkaalaman tawu kuntay nagsalan siya. Nakan Panginuun, lumpiyuha aku sa manga kasalanan balaw niku magkaalaman!

Kanta 36:4

Una mahuwayan siya maggayak di daut. Paghingabtun niya makabuwat balaw mayad, ag balaw niya pagbugyahan ti daut.

Kanta 65:3

Nu tungkul sa kanmi manga kasalanan, una mayamu inda, pagpatawadun di nimu.

Kanta 97:10

Ti manga magmahal sa Panginuun kailangan magbugya sa kadautan. Dahil pag-alagaan Panginuun ti buhi niya matinupadun pag nasakupan, ag pag-iribri niya sida sa kamang manga daut.

Kabagawan 13:5

Ti matadlung pag tawu magkagalit sa magpudil, dapat ti daut pag tawu magbuwat makakaray-a pag manga bagay.

Kabagawan 8:13

Ti maggalang sa Panginuun magkadaut sa daut. Pagkadat-an niku ti marapadayaw-dayaw, ti marapalabilabihun, ti daut pag-ugali, hanggan ti marapudil.

Manugtudlu 7:20

Unman gid may tawu sitay sa kalibutan ti pirmi magbuwat matadlung ag unman magsalan.

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Nahum 1:7

Mayad ti Panginuun; marig-un siya pag darangpan sa udas kakurian, ag pag-alagaan niya ti magdangup sa kanya.

Lukas 11:48

Siti pag mag-akitan kamu magpaangay diman waydi sa binwat daut niyu manga ginurang. Dahil kanda minatay ti manga purupita ati kaybi bag-u kamu tigbuwat parinu sa kanda manga lubung.

Huwan 15:15

Balaw yi pag-ingarnan niku kamu manga panawuhun, dahil unman alam panawuhun ti buruwatun niya amu. Kamu ngani kang pagmayadun pag manga tawu dahil ti tanan itinultul Ama sa kangku, kang itinultul maan sa kanyu.

Ruma 12:9

Pag-ungud yi gid kanyu pagmahal. Pagsuku yi kamu sa daut, mayada niyu ti kaayadan.

Ruma 14:22

Kawu lang ag Diyus ti dapat makatau sa kanmu intindi tungkul siti. Masulung ti tawu nu pagbuwatun niya ti pag-isipun niya mayad bag-u nu unman pagtamyawun siya niya tagipusuun.

Ruma 7:16

Dapat ay nu pagbuwatun niku ti bukun gustu niku, pagpaangayan niku kuntay mayad ti Kasuguan.

Galasya 5:17

Dahil ti daut kagustuhan pagkatawu maglaban sa kagustuhan Ispiritu ag ti kagustuhan Ispiritu laban waydi sa daut kagustuhan pagkatawu. Maglalabanan sida duwa nakan unman niyu mabwat ti gustu niyu buwatun.

2 Timutiyu 2:19

Dapat marig-un kay ipinakana Diyus pag manga tudlu magkun, “Magkakilala di Panginuun nu si unu ti sa kanya.” Ag “Ti kada tawu magtawag sa Panginuun, pagpakarayu sa magbuwat kadautan.”

Hibriyu 1:9

Minayad nimu ti katadlungan ag kinagalitan nimu ti kadautan, nakan ti Diyus, kanmu ngani Diyus, ti nagpili sa kanmu ag balaw sa kanmu manga kaibahan. Binuhusan kawu lana hampay kawu maghari yi may kabayaan.”

Santiyagu 3:2

Kita tanan pirmi magsalan. Una si unu pag tawu nu unman magsalan sa kay bagaw, unman yi may ikasabi sa kanya. Mapinigilun siya sa kay sadili bilug.

Hudas 1:23

Ti iba bawia niyu ga ginan sa apuy. Ti iba kaawai diman waydi niyu, dapat ay lang pagmaaman kamu barang kamu mamaliwan waydi nida kayagtingan. Una kanda manga rutay namaliwan yi kahalayan.