Ruma 7:11 - Hanunuu

¹¹ Dahil ginamit kasalanan ti bilin agud aku dayaun ag sa katunda kay yi ngap minatay aku.

Ruma 7:11 Iomraidhean Croise

Gimpuunan 3:13

Pinaingana Panginuun Diyus ti babayi, “Hintay inda kanmu binwat?” Nagsagut ti babayi, “Dinaya ngani duy aku ulay, nakan aku nagkaun.”

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Hirimyas 17:9

“Ti tagipusuun tawu madaya subra sa tanan, ag lubus gid daut; si unu ti makaalam inda?

Hirimyas 49:16

Ipagpadayaw niyu kuntay mag-uli kamu sa mabatu ag sa arabwat pag rugar. Dapat sa pagpalabaw ag pagpadala niyu tunda sa iba, pagdayaun niyu kanyu sadili. Dahil una mag-uli kamu sa pinakaabwat pag rugar parihu sa pagpugadan agila, ipaababa waya diman niku kamu. Aku, ti Panginuun, ti magsabi inda.”

Ubadyas 1:3

Magkumun kamu unman may tumalu sa kanyu dahil mag-uli kamu sa mabatu ag abwat pag rugar. Dapat ay sa inda pag magpayabang niyu, pagdayaun lang niyu kanyu manga sadili.

Ruma 3:20

Nakan unman gid may tawu pagkilalan-un Diyus kuntay siya matadlung nu dahil lang sa kay pagtupad sa Kasuguan. Kabay ginan ngap sa Kasuguan pag makilala ti kasalanan.

Ruma 7:13

Kay gustu aw sabihun ti Kasuguan madi mayad imaw aw ngap ti nagpakaun kamatayan sa kangku? Bukun duy katida. Ti kasalanan ngap ti nagmatay sa kangku sa panab-anan mayad pag Kasuguan hampay siti ginan pag ipakilala ti kasalanan kay kadaka pag kadautan.

Ruma 7:8

Dapat dahil sa bilin, pinulaw kasalanan kang naisipan sa tanan kalasi hirak. Dahil nu unman may Kasuguan ga tigbak lang ti kasalanan.

Ipisu 4:22

Tayaki yi niyu kanyu daan pag ugali. Bul-a yi niyu kanyu daan pagkatawu mag-idamhak dahil sa daut pag kagustuhan naisipan.

Hibriyu 3:13

Kailangan kamu magpararig-unan sirang-sirang hanggan may udas waya masabi taynguna. Barang una si unu sa kanyu dayaun di kasalanan ag gumanit kay tagipusuun laban sa Diyus.

Santiyagu 1:22

Pag-ugali kamu angay sa Bagaw Diyus. Nu pagpatingihan lang niyu ti Bagaw Diyus bag-u unman diman pagtupadun, pagdayaun niyu kanyu sadili.

Santiyagu 1:26

Nu ti tawu maghantup sa kay sadili kuntay siya matadlung, bag-u unman waydi mapinigilun siya sa kay dila, pagdayaun lang ngap niya kay sadili, unman may pulus kay mayad pag buwat magsamba sa Diyus.