Ruma 7:1 - Hanunuu

¹ Manga patar-ari, nakaalam yi waydi kamu tungkul sa batas, nakan ngani naintindihan niyu ti tawu nasakup batas hanggan sa udwaya mamatay siya.

Ruma 7:1 Iomraidhean Croise

Isra 7:25

“Kawu, Isra, angay sa ipinakaun Diyus pag kadunungan sa kanmu, pagpili kawu manga takinan hanggan manughusay may alam sa Kasuguan nimu Diyus. Manpatigayun sida sa tanan tawu sa purubinsiya isalpan Iyupratis. Ag ti manga tawu balaw nakaalam sa Kasuguan tudluan niyu.

Kabagawan 6:23

Dahil kanda manga pag-isugu ag pag-itudlu parihu sa sulu magparayaw sa kanmu. Ag ti pagtamyaw nida sa kanmu hampay tadlungun kanmu ugali, ikaayad ag ikalawig nimu buhi.

Ruma 1:13

Manga patar-ari, gustu niku maalaman niyu, balaw di pira ka pag-ulit kang gayak asan tag diman sa kanyu, dapat hanggan taynguna tugka pag-amparahun waya aku. Kang gustu diman bumutung sa manga tawu asan hampay sida sumarig waydi sa kan Kiristu, parihu diman sa kang binwat sa manga iba balaw Hudiyu.

Ruma 10:1

Manga patar-ari, imaw diman kang pagpakaisip-isipun hanggan pag-idarangin sa Diyus hampay miribri kang manga kaparihu kanasyun.

Ruma 10:4

Si Kiristu ti katugkaan Kasuguan ni Muysis. Nakan ngani una si unu ti sumarig sa kanya kilalan-un Diyus kuntay matadlung.

Ruma 6:14

Dahil udyi kailangan maghari sa kanyu ti kasalanan, kabay udyi kamu sakup sa Kasuguan, kamu sakup ngap sa kay pangaawa Diyus.

Ruma 6:3

Unman aw lugud niyu naintindihan kuntay kita tanan ti itinulbaw sa kan Kiristu Hisus, ay nipausa sa kan Kiristu kamatayan?

Ruma 7:6

Dapat ay taynguna udyi sakup kita sa Kasuguan, dahil nu para sa Kasuguan imaw ti nakasakup sa kanta, kita tigbak yi napausa yi sa kan Kiristu kamatayan. Nakan kita magsirbi sa Diyus balaw angay sa un-an nisurat pag manga bilin dapat angay ngap sa bag-u buhi sa sirung kapangyarihan Ispiritu.

1 Kurintu 9:8

Kang pagsabihun balaw tungkul lang sa ugali tawu. Una sa Kasuguan katida diman.

Galasya 4:21

Inda kang paingana sa kanyu, kamu magkaibug magpasakup sa Kasuguan, unman aw niyu pagpatingihan ti pagsabihun Kasuguan?