Ruma 6:6 - Hanunuu

⁶ Alam nita ti daan nita pagkatawu ipinaku sa kurus kaibahan ni Kiristu, hampay udyi may kapangyarihan kanta pagkatawu makasalanan ag sa udyi kita baliwun panawuhun kasalanan.

Ruma 6:6 Iomraidhean Croise

2 Hari 5:17

Magsabi si Naaman, “Nu dayu nimu inda tanggapun, mahimu aw pahintuluti yi lang aku kargahan niku daga sitay ginan kang duwa ka kabayu, ag daran-un niku inda sa kanmi. Nakan kainda ginan dayi aku manhandug manga handug pagsunugun ag tuhay waya pag manga handug sa tuhay pag diyus nu unman sa Panginuun lang.

Isayas 26:13

Panginuun nimi Diyus, pagdumarahan kami tuhay pag panginuun, dapat kawu lang kanmi pagsambahun.

Ruma 6:12

Danga yi maghari ti kasalanan sa kanyu manga bilug may kamatayan hampay udyi kamu pilitun sumunud sa manga daut kagustuhan niyu naisipan.

Ruma 6:22

Dapat taynguna kamu pinaribri yi ginan sa kasalanan, kamu manga panawuhun yi Diyus bag-u gamitun kamu Diyus sa kay turunu tungkul sa buhi unman may katapusan.

Ruma 7:14

Alam yi nita, ti Kasuguan kay turunu tawu tagipusuun dapat ay aku nu sa kang lang sadili pagkatawu malumuy ag panawuhun kasalanan.

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

2 Kurintu 5:14

Dahil ngani kay pagmahal ni Kiristu tigpil-it sa kanmi. Kanmi ngani nasalman ti usa namatay tungkul sa tanan tawu. Nakan ngani masabi nita ti tanan tawu namatay.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Galasya 6:14

Nu bay aku, kay kamatayan lang nita Panginuun Hisu-Kiristu sa kurus ti kang pag-ipakatultul. Dahil ginan sa kamatayan ni Kiristu ti ugali kalibutan bilang ga namatay yi nu sa kangku, ag aku ga namatay yi nu sa ugali kalibutan.

Ipisu 4:22

Tayaki yi niyu kanyu daan pag ugali. Bul-a yi niyu kanyu daan pagkatawu mag-idamhak dahil sa daut pag kagustuhan naisipan.

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.