Ruma 6:3 - Hanunuu

³ Unman aw lugud niyu naintindihan kuntay kita tanan ti itinulbaw sa kan Kiristu Hisus, ay nipausa sa kan Kiristu kamatayan?

Ruma 6:3 Iomraidhean Croise

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Binwat 19:5

Pagka tunda ngani pag manga patar-ari sa Ipisu nakadnug sa kan Pablu paliwanag, napatulbaw yi ngani sida napasakup sa kay ngaran Panginuun Hisus.

Binwat 2:38

Nagsagut si Pidru magkun, “Ampuan niyu kanyu kasalanan ag paghagad kapatawadan sa Diyus. Pagpatulbaw ti kada usa sa kanyu, pagpasakup sa ngaran ni Hisu-Kiristu hampay patawadun yi kanyu manga kasalanan. Bag-u ipakaun Diyus sa kanyu ti Ispiritu Banal.

Binwat 8:16

Dahil sida tanan udwaya sinuldan Ispiritu Banal. Itinulbaw di waya sa danum ipinasakup sa ngaran Panginuun Hisus.

Ruma 6:16

Alam diman niyu nu kamu napasakup una sa kantapu bilang ga panawuhun, panawuhun yi ngap kamu niyu pinagkaamu, nu ngatay manga panawuhun yi kasalanan siyun ginan ti patabgan kamatayan. Aw ngatay panawuhun yi Diyus bag-u ti patabgan katadlungan ngani.

Ruma 6:8

Magpaniwala kita kuntay pihu mabuhi kita kaibahan ni Kiristu nu kita namatay waydi kaibahan niya.

Ruma 7:1

Manga patar-ari, nakaalam yi waydi kamu tungkul sa batas, nakan ngani naintindihan niyu ti tawu nasakup batas hanggan sa udwaya mamatay siya.

1 Kurintu 10:2

Sida tanan napaminsan sa kan Muysis, pagka sida ga itinulbaw sa rurum ag sa dagat.

1 Kurintu 12:13

Usa lang ka Ispiritu ti nagtulbaw sa kanta tanan sa bilug ni Kiristu, una kita Hudiyu, una kita Giriyigu, una manga panawuhun, una manga balaw panawuhun, kita tanan pinainum sa usa lang ka Ispiritu.

1 Kurintu 15:29

May manga tawu magpatulbaw para sa manga namatay yi. Ta, hintay kay pulus kanda pagbuwatun nu balaw waydi buhiun ti manga namatay?

1 Kurintu 3:16

Unman aw niyu alam kamu kay Balay Diyus? Ti Ispiritu Diyus ti nangulian sa kanyu.

1 Kurintu 5:6

Unman mayad kanyu magpadayaw-dayaw. Unman aw niyu alam una diit lang pag pamadaka, magpahabuk sa pinkul arina.

1 Kurintu 6:19

Unman aw niyu alam kanyu bilug ulian Ispiritu Banal kanyu tinanggap ginan sa Diyus? Balaw yi kamu makapamahala sa kanyu sadili bilug, nu unman Diyus yi ti bahala,

1 Kurintu 6:9

Unman aw waya lugud niyu alam ti manga magbuwat kalukuhan dayu masakup sa kay paghari Diyus. Danga kamu magsarig, dahil ti manga magpanguragin, ti manga magsamba sa diyus-diyusan, ti magpamabayi hanggan ti magpanlalaki, tigkaraibgan sa kaparihu lalaki,

1 Kurintu 9:13

Unman aw niyu alam ti manga magsirbi ati sa Balay Diyus pagpakan-an karan-unun ginan sa Balay Diyus? Hanggan ti manga magsirbi sa handugan may kahuray waydi sa hayup ihinandug sa Diyus.

1 Kurintu 9:24

Alam diman niyu nu may mag-urunahan, magpalagiw sida tanan dapat usa lang ti makatanggap pirimyu. Nakan ngani kaayad nu magpalagiw hampay matanggap niyu ti pirimyu.

2 Kurintu 13:5

Pagpihua gid niyu mayad-mayad sa kanyu sarig nu ngatay kanyu buhi angay sa kanyu sarig. Usisaa niyu kanyu sadili tagipusuun. Unman aw lugud niyu nasalman sa kanyu sadili si Kiristu Hisus nangulian sa kanyu? Purya lang nu kamu balaw mapatutuuhanan kuntay napasakup sa kanya.

Galasya 3:27

Dahil kamu ti manga itinulbaw sa kan Kiristu, ga isinlung yi niyu kay buhi ni Kiristu.

Santiyagu 4:4

Unman duy kamu makatiwalaan. Unman aw waya niyu alam nu kanyu pagmahalun ti ugali kalibutan, kamu kalaban yi ngap Diyus. Nakan una hintay ti may gustu magmahal sa ugali kalibutan, kalaban yi ngap siya Diyus.

1 Pidru 3:21

Ti danum halimbawa sa tulbaw magribri taynguna sa kanta. Ti tulbaw balaw sa kuntay makalumpiyu uring sa bilug. Ti kahulugan tulbaw magtaratu kita sa Diyus balaw yi kita magbuwat manga bagay balaw mayad sa kanya. Pag-iribri kita tulbaw dahil sa kay pagkabuhi uman ni Hisu-Kiristu.