Ruma 6:23 - Hanunuu

²³ Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

Ruma 6:23 Iomraidhean Croise

Gimpuunan 2:17

purya lang sa burak kayu magpakaun kadunungan nu hintay ti mayad ag ti daut. Dahil nu kan-un nimu tunda, sa tunda diman pag sirang pihu gid kawu mamatay.”

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

Kabagawan 11:19

Ti tawu magbuwat matadlung parargu mabuhi, dapat ti magbuwat daut mamatay.

Isayas 3:11

Dapat kaawaawa ti manga daut dahil rumas-ug sa kanda ti kadamhakan. Balusan sida angay sa kanda binuwat.

Isayas 3:9

Magkahalata sa manga uyahun nida kanda magsalan. Lantadan sida magbuwat kasalanan parihu sa Suduma. Balaw nida inda pag-itagu. Kaawaawa sida! Sida ngapu ti magpadamhak sa sadili nida.

Isikil 18:20

Ti nagkasala lang pag tawu ti mamatay. Ti anak balaw dapat parusahan dahil sa kasalanan niya ama, ag ti ama balaw dapat parusahan dahil sa kasalanan niya anak. Ti matadlung pag tawu papaladan sa kay matadlung pag manga pagbuwatun, ag ti daut pag tawu parusahan sa kay daut pag manga pagbuwatun.

Isikil 18:4

Patingihi niyu inda! Ti tanan buhi tawu kangku — ti buhi gurang ag anak. Ti nagkasala pag tawu imaw ti mamatay.

Matiyu 25:46

Tulakun sida tabug sa kaparusahan unman may katapusan. Dapat ti manga matadlung tumanggap tutuu pag buhi unman may katapusan.”

Huwan 10:28

Ti manga magpaminsan sa kangku pagpakan-an niku tutuu pag buhi unman may katapusan. Hanggan waya aban dayu gid sida ipadamhak sa kamatayan. Unman may umagaw sa kanda ginan sa kang kamang.

Huwan 17:2

Dahil ipinasirung nimu ti tanan-tanan sa kapangyarihan Anak hampay pakan-an niya tutuu pag buhi unman may katapusan ti tanan tawu kanmu iinintirga sa kanya.

Huwan 3:36

Nu ti tawu magsarig sa Anak, may tutuu pag buhi siya unman may katapusan. Dapat nu ti tawu unman magpaniwala sa Anak, dayu siya makatanggap buhi, bagkus ngap udyi madura sa kanya kay parusa Diyus.

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Huwan 4:36

Ti manug-ani magtanggap yi kay patabig. Pagtipunun niya ti burak atag sa buhi unman may katapusan. Nakan nakabaya ti manugpamgas hanggan ti manug-ani.

Huwan 5:24

“Ungud duy kang pagsabihun sa kanyu, nu ti tawu magtanggap sa kang bagaw ag magsarig sa Diyus sa nagsugu sa kangku, tunda pag tawu may tutuu pag buhi unman may katapusan. Balaw yi sakup siya sa sintinsiya aban. Kay patabgan balaw yi kamatayan, bagkus ngap buhi kay patabgan.

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

Huwan 6:40

Dahil inda yi ngani ti kagustuhan niku Ama hampay una si unu pag tawu ti nakakit sa Anak bag-u nagsarig sa kanya, makatanggap tutuu pag buhi unman may katapusan. Buhiun niku siya uman sa katapusan panahun aban.”

Huwan 6:68

Sinmagut si Simun Pidru, magkun, “Panginuun, hintay waya gid kanmi dangpan? Kanmu sinabi pag manga bagaw ti makapakaun tutuu pag buhi unman may katapusan sa manga tawu.

Ruma 1:32

Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

Ruma 5:12

Usa ka tawu ti pinun-an kasalanan sa kalibutan bag-u ti kasalanan pinun-an maan kamatayan. Siyun ginan ti kamatayan magkalakawan tanan pag manga tawu dahil nagkasala ti tanan tawu.

Ruma 5:17

Ginan sa usa ka tawu, sa kan Adam, hinmari ti kamatayan dahil sa kay kasalanan. Dapat ay ginan diman sa usa ka tawu, sa kan Hisu-Kiristu, lalu gid subra ti nakarubtan manga tawu lubus kinaawaan Diyus, dahil nakilala yi sida Diyus kuntay manga matadlung. Humari sida ag may buhi sida sa panab-anan ni Kiristu Hisus. Inda pag papalad ginan sa kan Kiristu balaw parihu sa nangyari ginan sa tunda pag kasalanan.

Ruma 5:21

Nakan nu hinmari ngani ti kasalanan sa panab-anan kamatayan, katunda diman humari ti pangaawa Diyus nu pagkilalan-un niya ti manga tawu kuntay manga matadlung, hampay karubtan nida ti buhi unman may katapusan sa panab-anan nita Panginuun Hisu-Kiristu.

Ruma 6:16

Alam diman niyu nu kamu napasakup una sa kantapu bilang ga panawuhun, panawuhun yi ngap kamu niyu pinagkaamu, nu ngatay manga panawuhun yi kasalanan siyun ginan ti patabgan kamatayan. Aw ngatay panawuhun yi Diyus bag-u ti patabgan katadlungan ngani.

Ruma 6:21

Hintay nguna pag masulung kanyu nakitan ati katpung? Tunda lang pag manga buwat kanyu pag-ikay-a taynguna, dahil kay patabgan ngani kamatayan.

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

Ruma 8:38

Napihu yi niku unman may bumulag sa kanta ginan sa pagmahal Diyus, una kamatayan, una buhi, una manga anghil, una manga labang, una manga paglakawan sa taynguna, una sa paratabgan waya, una manga kapangyarihan,

Ruma 8:39

una sa kaabwatan, una sa kaabasadan, una si unu waya kay linalang Diyus unman gid may bumulag sa kanta ginan sa kay pagmahal Diyus. Ipinakilala Diyus kay pagmahal sa kanta sa panab-anan ni Kiristu Hisus kanta Panginuun.

Ruma 8:6

Dahil ti tawu nu kay pag-intindihun kay sadili lang kagustuhan niya pagkatawu kay patabgan ay kadamhakan. Dapat tigmasigasid tungkul sa Ispiritu Banal imaw ti may buhi hanggan kahusayan.

Galasya 3:10

Ti tanan manga magsarig sa kanda magtupad sa Kasuguan, nasakup sa saad. Dahil isinurat sa Banal Kasuratan magkun, “Saadan ti unman mag-alaala magtupad sa tanan isinurat sa ribru Kasuguan.”

Titu 1:2

agud magsarig sida sa buhi unman may katapusan. Udwaya linalang ti kalibutan daan di itinaratu Diyus ti buhi unman may katapusan. Ti Diyus unman madunung magpudil.

Santiyagu 1:15

Pagka ti daut pag kagustuhan nagtubu, nan-gamut yi, kay kasuruhan kasalanan. Pagka namhan ti kasalanan, kay kasuruhan yi kamatayan.

1 Huwan 2:25

Inda yi kay itinaratu sa kanta ni Kiristu, ti buhi unman may katapusan.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”