Ruma 6:21 - Hanunuu

²¹ Hintay nguna pag masulung kanyu nakitan ati katpung? Tunda lang pag manga buwat kanyu pag-ikay-a taynguna, dahil kay patabgan ngani kamatayan.

Ruma 6:21 Iomraidhean Croise

1 Hari 2:26

Bag-u magkun si Hari Sulumun sa kan Manug-asiwa Abyatar, “Pag-uli kawu sa kanyu tanman sa Anatut. Matyun diman mana kawu, dapat balaw niku kawu matyun taynguna dahil kawu ti ikinatiwala sa Kaban Panginuun Diyus katpung kaibahan waya nimu kang ama si Dabid, ag kaibahan niya kawu sa tanan niya manga inagwanta.”

Isra 9:6

Magkun aku, “Diyus niku, magkay-a gid aku. Unman aku makatangda sa kanmu sa masyadu pag kay-a, dahil masyadu gid kanmi manga kasalanan; ga lapaw yi inda sa kanmi manga ulu ag nag-aput yi sa langit.

Hub 33:27

Bag-u sumabi siya sa manga tawu, ‘Nagsalan aku, ag nagbuwat balaw mayad, dapat unman niku natanggap ti parusa angay mana sa kangku.

Hub 40:4

“Balaw aku dapat sumagut sa kanmu. Unu ti isagut niku? Balaw yi lang aku mangingay.

Hub 42:6

Nakan magkay-a aku sa tanan niku manga binagaw tungkul sa kanmu, ag pag-iampu niku sa panab-anan pagtukaw sa galbuk hanggan sa dapug.”

Kanta 73:17

tugka sa nag-atag aku sa kanmu Balay, ag ati naintindihan niku nu hintay ti mangyari sa manga daut.

Kabagawan 1:31

Nakan anihun niyu ti burak niyu manga pagbuwatun hanggan paggayakun daut.

Kabagawan 14:12

Mahimu ti isip tawu sa matadlung siya pag dalan, dapat kamatayan ngap maaw kay patabgan.

Kabagawan 16:25

Kanmu isip sa matadlung kawu pag dalan, dapat sa kay suru maaw inda kamatayan.

Isayas 3:10

Sabihun niyu sa manga matadlung mapalad sida, dahil anihun nida ti burak manga mayad buwat nida.

Hirimyas 12:13

Kang manga nasakupan mamamgas tirigu, dapat mangani sida dugi. Mangungud sida sa tarabahu dapat unman sida may pakinabangun. Mangani sida kakay-ahan dahil sa kang masyadu pangagalit.”

Hirimyas 17:10

Aku, ti Panginuun, mag-usisa sa tagipusuun ag isip tawu. Balusan niku ti kada usa angay sa kay pag-ugaliun ag manga buwat.

Hirimyas 3:3

Imaw kay dahilan nu hayga unman mag-uran sa udas tig-ururan. Dapat madi katida, maganit diman kanyu ulu parihu sa usa ka babayi baraydan, balaw yi magkay-a.

Hirimyas 31:19

Nagpakarayu kami sa kanmu kaybi, pat-ay nag-ampu yi duy kami taynguna. Pagka naalaman nimi kuntay nagkasala kami, tinaptap duy nimi kanmi manga dubdub sa pag-ampu. Magkay-a kami sa kanmi manga binuwat kaybi sa kanmi kalay-awan.”

Hirimyas 8:12

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.

Isikil 43:11

Nu mangay-a sida sa tanan nida manga binwat, mustarahan sa kanda kay pagbuwat inda, hanggan kay manga lakawan ag manga mustara. Suratan nimu ti manga surundanun sa pagbuwat habang magbantay sida hampay masunud gid nida inda mayad.

Danyil 12:2

Buhiun ti tanan nagkaramatay. Ti iba sa kanda makatanggap buhi unman may katapusan, dapat ti iba saadan ag ipauli sa kakay-ahan unman may katapusan.

Ruma 1:32

Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

Ruma 5:12

Usa ka tawu ti pinun-an kasalanan sa kalibutan bag-u ti kasalanan pinun-an maan kamatayan. Siyun ginan ti kamatayan magkalakawan tanan pag manga tawu dahil nagkasala ti tanan tawu.

Ruma 6:16

Alam diman niyu nu kamu napasakup una sa kantapu bilang ga panawuhun, panawuhun yi ngap kamu niyu pinagkaamu, nu ngatay manga panawuhun yi kasalanan siyun ginan ti patabgan kamatayan. Aw ngatay panawuhun yi Diyus bag-u ti patabgan katadlungan ngani.

Ruma 6:23

Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

Ruma 7:5

Kaybi kanta mag-ugali waya angay sa kanta daan pagkatawu. Pinulaw Kasuguan kanta makasalanan pag kagustuhan imaw ti nag-udyuk sa kanta hampay magamit kita kamatayan kay yi suruguun sa pagbuwat kadautan.

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

Ruma 8:6

Dahil ti tawu nu kay pag-intindihun kay sadili lang kagustuhan niya pagkatawu kay patabgan ay kadamhakan. Dapat tigmasigasid tungkul sa Ispiritu Banal imaw ti may buhi hanggan kahusayan.

2 Kurintu 4:2

Dinayu nimi ti makakaray-a ag lihim pag manga buruwatun. Balaw kami magdaya, unman mag-uman kami Bagaw Diyus. Bagkus ngap ipinaburayhaw nimi ti katutuuhanan, nakan alistu kami pausisa una sa kantapu nu may pagkutubun sa atubangan Diyus.

2 Kurintu 7:11

Isipa niyu kanyu buhi nu hintay ti nangyari sa kanyu dahil sa kanyu karukuan ginan sa Diyus. Nanipag yi gid ungud kamu hampay makilala kuntay kamu unman may kasalanan sa siyun pag manga nangyari, magkaaburidu kamu sa kanyu sadili bilug, dinurnan kamu dala, magpatigagad yi sa kang pagras-ug, pagpakibudlayan niyu sa gustu lang niyu maparusahan ti nagkasala. Ipinakakit niyu lubus kuntay unman may labut kamu sa siyun pag manga nangyari.

Diyuturunumiyu 17:6

Mahimu matyun ti tawu nu napatutuuhanan nagkasala siya sa panab-anan pagsabi duwa ngatay tulu ka kastigus, dapat nu usa lang ka kastigus balaw siya mahimu matyun.

Diyuturunumiyu 21:22

“Nu ti usa ka tawu pinarusahan kamatayan dahil sa kay nabwat kasalanan, bag-u ibinitin sa kayu kay bangkay,

Pilipus 3:19

Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

Hibriyu 10:29

Pag-isip kamu nu kabitay kay kahigpit pag parusa ti isintinsiya sa tawu nu binul-an niya halaga ti Anak Diyus, ag nu kay linapastangan niya ti dugu ti itinalaghut sa taratu madi imaw ti naglumpiyu sa kanya, ag nu dinayu niya ti Ispiritu imaw tigpakaun kaayadan.

Hibriyu 6:8

Dapat nu tunda pag daga tubuan manga ilamnun dugihan kay iba, unman may gana tida pag daga ag udyi dugay aban saadan yi Diyus pihu irubun aban apuy.

Santiyagu 1:15

Pagka ti daut pag kagustuhan nagtubu, nan-gamut yi, kay kasuruhan kasalanan. Pagka namhan ti kasalanan, kay kasuruhan yi kamatayan.

Santiyagu 5:20

inda tandai niyu una si unu lang ti magbawi sa tawu makasalanan ginan sa kay naugalian salan, kay irinibri niya ti usa ka tawu karadwa sa kamatayan. Dahil sa kay nagbawi nakan mayamu pag kasalanan ti napatawad yi.

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?

1 Huwan 2:28

Kamu duy pag manga tuludluan niku, dagpablag gid kamu ginan sa kan Kiristu, hampay nu miburayhaw siya, balaw kita magkadala ag hampay kita balaw mangay-a sa kay atubangan sa kay pagras-ug aban.

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”

Ipinakakit 20:14

Bag-u ayinmut tag sa danaw apuy ti kamatayan hanggan ti ulian manga karadwa. Tunda pag danaw apuy imaw ti ikadwa pag kamatayan.