Ruma 6:2 - Hanunuu

² Unman duy. Kita tigbak yi gid sa kasalanan, nakan ngani udyi kailangan kita mag-ugali magkasala.

Ruma 6:2 Iomraidhean Croise

Gimpuunan 39:9

Unman yi duy may tumupung sa kangku sa inda pag magtal-anakan. Ikinatiwala niya sa kangku ti tanan purya lang sa kanmu dahil asawa niya kawu. Nakan balaw duy niku mabuwat tunda sa kang amu ag magkasala sa Diyus.”

Kanta 119:104

Sa panab-anan nimu manga surundanun, maglawak kang pan-intindi, nakan pagkadat-an niku ti tanan daut buwat.

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Ruma 6:15

Taynguna bumuwat aw waya kita kasalanan dahil udyi kita sakup sa Kasuguan ag sakup yi kita sa kay pangaawa Diyus? Bukun duy katida.

Ruma 7:4

Katunda diman manga patar-ari, nu para sa Kasuguan ni Muysis kamu namatay yi dahil kamu nakapaminsan yi sa kay bilug ni Kiristu hampay kamu ribri yi sa Kasuguan ag makapaminsan waydi sa kan Kiristu sa kay pagkabuhi uman hampay magamit kita Diyus kay yi manga suruguun.

Ruma 7:6

Dapat ay taynguna udyi sakup kita sa Kasuguan, dahil nu para sa Kasuguan imaw ti nakasakup sa kanta, kita tigbak yi napausa yi sa kan Kiristu kamatayan. Nakan kita magsirbi sa Diyus balaw angay sa un-an nisurat pag manga bilin dapat angay ngap sa bag-u buhi sa sirung kapangyarihan Ispiritu.

Galasya 2:19

Sa ungud, sa panab-anan ngap Kasuguan naalaman niku unman may kapangyarihan ti Kasuguan sa kangku. Nakan malaya yi aku mangabuhi para sa Diyus.

Galasya 6:14

Nu bay aku, kay kamatayan lang nita Panginuun Hisu-Kiristu sa kurus ti kang pag-ipakatultul. Dahil ginan sa kamatayan ni Kiristu ti ugali kalibutan bilang ga namatay yi nu sa kangku, ag aku ga namatay yi nu sa ugali kalibutan.

Kulusas 2:20

Namatay yi kamu kaibahan ni Kiristu, udyi kamu sirung kapangyarihan kadautan maghari sa kalibutan? Hayga kamu mag-ugali waya ga manga taga kalibutan waya? Hayga kamu magpaniwala sa manga tun-anun magkun,

Kulusas 3:3

Dahil namatay yi kamu, kanyu tutuu pag buhi nakatagu sa Diyus, kaibahan ni Kiristu.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

1 Huwan 3:9

Una hintay pag tawu ti nianak Diyus unman mag-ugali sa kasalanan, dahil kay tinanggap yi ti bag-u buhi ginan sa Diyus. Dayu mahimu siya mag-ugali sa kasalanan dahil Diyus yi kay Ama.