Ruma 6:12 - Hanunuu

¹² Danga yi maghari ti kasalanan sa kanyu manga bilug may kamatayan hampay udyi kamu pilitun sumunud sa manga daut kagustuhan niyu naisipan.

Ruma 6:12 Iomraidhean Croise

Gimpuunan 4:7

Nu kawu mana magbuwat lang mayad, man-aw masulung diman kawu. Dapat nu dayu kawu magbuwat mayad, bilang ga mablitangan sa kanmu sabian ti kasalanan, mag-alagad wadi sa kanmu pasaka, bag-u aban kawu yi kay suruguun. Nakan kailangan kawu di gid ti panalu.”

Kanta 119:133

Giyahi aku sa panab-anan nimu manga bagaw; danga humari ulian aku kadautan.

Kanta 19:13

Awati diman aku balaw makatikis makabwat salan. Danga nimu ipahintulut aku panawuhun kadautan, agud unman may ikasabi sa kang buhi ag makalpas aku sa mayamu pag kalasi kasalanan.

Libitiku 13:40

Nu ti usa ka tawu nakalbu sa may bangas arani ngatay sa kay aripudwan, malinis di siya.

Bilang 33:55

“Dapat nu balaw niyu paighitun ti manga mag-uli ati, ti manga nasawad sa kanda bumaliw pakuri ga paruk sa kanyu manga mata ag ga dugi sa kanyu manga tululnan. Pumakaun ngap sida manga kakurian sa kanyu magpangulian ati.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 2:8

Dapat mahigpit pag galit kay ganti Diyus sa manga magbuwat kaguluhan, sa manga dayu magpaniwala sa katutuuhanan, bagkus naniwala di ngap sa kadautan.

Ruma 5:21

Nakan nu hinmari ngani ti kasalanan sa panab-anan kamatayan, katunda diman humari ti pangaawa Diyus nu pagkilalan-un niya ti manga tawu kuntay manga matadlung, hampay karubtan nida ti buhi unman may katapusan sa panab-anan nita Panginuun Hisu-Kiristu.

Ruma 6:14

Dahil udyi kailangan maghari sa kanyu ti kasalanan, kabay udyi kamu sakup sa Kasuguan, kamu sakup ngap sa kay pangaawa Diyus.

Ruma 6:16

Alam diman niyu nu kamu napasakup una sa kantapu bilang ga panawuhun, panawuhun yi ngap kamu niyu pinagkaamu, nu ngatay manga panawuhun yi kasalanan siyun ginan ti patabgan kamatayan. Aw ngatay panawuhun yi Diyus bag-u ti patabgan katadlungan ngani.

Ruma 8:11

Nu nangulian sa kanyu ti Ispiritu Diyus ti nagbuhi uman sa kan Hisus, ti Diyus ti nagbuhi uman sa kan Kiristu Hisus sa kamatayan, pumakaun waydi buhi sa kanyu manga bilug may kamatayan sa panab-anan niya Ispiritu nangulian sa kanyu.

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

2 Kurintu 4:11

Pirmi kami mag-iuli sa karamatyanun dahil sa kanmi magsirbi sa kan Hisus, hampay makitan diman kay buhi ni Kiristu sa kanmi bilug may kamatayan.

2 Kurintu 5:4

Hanggan kita sitay waya sa kanta bilug inda ga turda, kita talaga magkakurian, magpakabitay waya balaw waydi tunda kuntay sa lukasun kanta bilug para sa daga, nu unman hampay ilsan yi bilug para sa langit. Nu katida, kanta buhi may katapusan ilsan aban buhi unman may katapusan.

Galasya 5:16

Inda kang gustu sabihun, pag-ugali kamu angay sa udyuk Ispiritu, hampay dayi pasibut-an niyu ti daut kagustuhan niyu naisipan.

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

Ipisu 4:22

Tayaki yi niyu kanyu daan pag ugali. Bul-a yi niyu kanyu daan pagkatawu mag-idamhak dahil sa daut pag kagustuhan naisipan.

Diyuturunumiyu 7:2

Bag-u nu ipabahala yi sida Panginuun niyu Diyus sa kanyu ag natalu niyu sida, rurisa niyu sida lubus bilang handug sa Panginuun. Danga kamu magbuwat kasunduan ngatay magpakakit pangaawa sa kanda.

1 Tisalunika 4:5

Danga kay sadili daut pag kagustuhan ti pagtupada, danga parihu sa ugali manga unman magsarig sa Diyus.

2 Timutiyu 2:22

Nakan iwasi yi nimu ti hilig sa daut buwat manga kalay-awan. Hingabtun nimu mangabuhi matadlung, matinupadun hanggan mapinasunaidun. Pag-ugali kawu sa mahusay kaibahan manga tawu malumpiyu kay tagipusuun sa kanda magdangup sa Panginuun.

Titu 2:12

Inda pag pangaawa ti magbutung sa kanta hampay tayakan ti daut pag ugali hanggan ti irisipun makasadili angay sa ugali kalibutan. Bag-u makaugali kita mahusay, matadlung ag angay sa kagustuhan Diyus sitay sa kalibutan.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”

Talaghusay 2:3

Nakan taynguna, balaw niku sida paighitun sa kanyu daga. Bumaliw ga dugi sida sa kanyu lakawan ag kanda manga diyus bumaliw daka pag ka suduk sa kanyu.”