Ruma 5:19 - Hanunuu

¹⁹ Dahil sa kay naglapastangan usa ka tawu, mayamu tawu ti binmaliw makasalanan. Katunda waydi mayamu tawu ti kinilala Diyus kuntay manga matadlung sa panab-anan masurundun ni Kiristu sa kagustuhan niya Ama.

Ruma 5:19 Iomraidhean Croise

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Ruma 11:32

Dahil pinahintulutan Diyus ti tanan pag manga tawu ga panawuhun yi nida ugali maglaban sa kanya hampay mipakilala waydi niya kay pangaawa sa kanda tanan.

Ruma 5:12

Usa ka tawu ti pinun-an kasalanan sa kalibutan bag-u ti kasalanan pinun-an maan kamatayan. Siyun ginan ti kamatayan magkalakawan tanan pag manga tawu dahil nagkasala ti tanan tawu.

Ruma 5:15

Dapat ay balaw pararihu inda pag duwa, dahil kay mayad pag pakaun Diyus subra gid daka kay pinakamayad, balaw di ga kay kasalanan ni Adam. Madi kay kasalanan ni Adam dinmamay sa mayamu tawu tag sa kamatayan, subra man daka kay pangaawa Diyus hanggan kay ipinakaun pag kaayadan rinmas-ug sa kayamuan tawu sa panab-anan usa ka tawu, sa panab-anan ni Hisu-Kiristu ngani.

Ruma 5:18

Nakan ngani nu kabitay ti kasalanan usa ka tawu dinmamay sa tanan tawu tag sa kaparusahan, katunda diman kay buwat katadlungan usa ka tawu pinun-an kapatawadan hanggan buhi sa tanan tawu.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Ipisu 1:6

Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.

Pilipus 2:8

Pagka siya nabilug tawu, nagpakumbaba siya, masurundun siya hanggan tugka sa kamatayan. Sa kurus paman pag namatay.