Ruma 5:11 - Hanunuu

¹¹ Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Ruma 5:11 Iomraidhean Croise

Kanta 104:34

Mana magbaya siya sa kang pag-isip-isipun. Masulung aku sa Panginuun;

Kanta 149:2

Pagbaya ti manga taga Israil dahil sa kanda Manuglalang. Pagbaya ti nasakupan Siun dahil sa kanda Hari.

Kanta 32:11

Kamu pag manga matadlung, pagmasulung ag pagbaya sa Panginuun. Kamu pag manga magkabuhi sa hustu, paghuyaw kamu sa kabayaan!

Kanta 43:4

Bag-u makapakarani aku sa kanmu harandugan, Diyus, kawu tigpakaun sa kangku kabayaan. Magdayaw aku sa kanmu, Diyus niku, sa panab-anan pagpatnug alpa.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Lukas 1:46

Kay sinabi ni Marya, “Pagdayawun niku ti Panginuun sa kang tagipusuun.

Huwan 1:12

Dapat una si unu ti nagtanggap ag nagsarig sa kanya pinakan-an niya karampatan hampay sida manga anak yi Diyus.

Ruma 11:15

Pagka sida dinayu Diyus bag-u pinaunyun ngap Diyus ti manga nasyun taga kalibutan tabug sa kanya. Nu bay tanggapun maan Diyus ti manga Hudiyu, tunda ga magpakaun buhi sa namatay.

Ruma 2:17

Dapat pagsabihun nimu kawu Hudiyu magpaniwala sa Kasuguan ni Muysis, kanmu pag-ipadayaw-dayaw kanmu pakiusa sa Diyus.

Ruma 5:1

Nakilala yi ngani kita Diyus kuntay manga matadlung dahil sa kanta sarig sa kanta Panginuun Hisu-Kiristu. Nakan ginan diman sa kanta pagsarig sa kan Kiristu pinaunyun kita atag sa Diyus.

Ruma 5:10

Kaybi di waya kita manga kalaban Diyus. Dapat ay taynguna kita pinaunyun niya atag sa kay sadili sa panab-anan pagkamatay niya Anak. Nakan ngani lalu gid kita iribri dahil buhi di si Kiristu.

Ruma 5:3

Bukun lang tunda. Magbaya yi ngap kita sa kanta manga pag-agwantahun, dahil magkaalaman diman nita nu kita may pag-agwantahun amat-amat kita magmatiniisun.

Ruma 8:23

Ag balaw lang sida. Una hanggan kita. Natanggap nita ti Ispiritu, ipinauna ipinakaun Diyus sa kanta. Ga mag-arunghung sa kanta tagipusuun kita sa pakaalagad sa kaudasan nu kay ipaburayhaw Diyus kanta kahamtangan bilang kay manga anak, kay ibug sabihun nu iribri yi aban kanta buu pagkatawu.

Ruma 9:10

Dapat balaw lang waydi tunda. Dahil kan Ribika manga anak duwa ka bilug usa-usa kanda ama si Isaak kanta ginurang kaybi.

1 Kurintu 10:16

Ti ungut may papalad pagpasalamatan nita sa Diyus. Unman aw lugud kita may kabahagi sa dugu ni Kiristu nu kita mag-inum sa tunda pag ungut? Nu kita magkaun sa tinapay kanta pagpika-pikahun, unman aw lugud kita may kabahagi sa bilug ni Kiristu?

2 Kurintu 8:19

Balaw lang tunda. Siya diman ti pinili manga iglisya hampay kaibahan nimi sa kanmi maglakaw ag hampay awatan niya kami sa pag-asikasu sa inda pag kuwarta ipinakaun manga iglisya. Ti kainda pag sirbi sa ikadayaw sa Panginuun. Siti pag maalaman ti daka pag kagustuhan nimi mangawat sa manga patar-ari.

Galasya 4:9

Dapat taynguna kanyu yi nakilala ti Diyus, aw mayad man nu sabihun taynguna kamu nakilala yi Diyus. Hayga lugud kamu magbalik magsirbi maan sa manga kapangyarihan maghari sa kalibutan balaw may pulus ag unman waydi may kabuluhan. Hayga lugud kamu magkaibug maan magpasakup sa siyun pag manga kapangyarihan?

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Pilipus 3:1

Inda waya duy, manga patar-ari, kang mana sabihun sa kanyu, pagbaya kamu dahil sa kanyu pakiusa sa Panginuun. Una kas-a waya kang ulitun kang isinurat sitay, unman may makuri sa kangku. Dapat imaw ngap tigparig-un sa kanyu.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!

Kulusas 2:6

Nagpasakup yi kamu sa kan Kiristu Hisus sa kanyu Panginuun, nakan pag-ugali kamu magpakiusa sa kanya.

1 Pidru 1:8

Balaw duy nakitan niyu si Kiristu kaybi ginan, dapat malu kanyu minahal diman siya. Unman waya waydi nakitan niyu siya hanggan taynguna tugka, dapat kanyu ngap pagsarigan siya. Nakan ngani malapwasan diman sa kanyu tagipusuun kanyu kabayaan, balaw yi kaya mitultul tunda pag kabayaan.

1 Samwil 2:1

Nandarangin si Hana magkumun, “Magbaya aku sa Panginuun. Dahil sa kay binwat, nadura yi kang magkay-a. Pagkasarin-an niku taynguna kang manga kalaban. Magbaya aku sa kay pagribri sa kangku.