Ruma 5:10 - Hanunuu

¹⁰ Kaybi di waya kita manga kalaban Diyus. Dapat ay taynguna kita pinaunyun niya atag sa kay sadili sa panab-anan pagkamatay niya Anak. Nakan ngani lalu gid kita iribri dahil buhi di si Kiristu.

Ruma 5:10 Iomraidhean Croise

2 Krunika 29:24

Pagkatapus, iniyaw manga manughandug ti manga kambing ag ibinuhus kay dugu inda sa harandugan bilang handug sa pag lumpiyu sa kasalanan tanan Israilita. Dahil nagsugu ti hari magpakaun manga handug pagsunugan ag manga handug sa pag lumpiyu para sa tanan Israilita.

Isikil 45:20

Kainda diman ti buwatun niyu sa ikapitu pag sirang sa imaw diman pag bulan para sa kan una si unu ti nagkasala balaw sinadya ngatay nagsalan balaw niya alam. Sa panab-anan inda malumpiyu niyu ti Balay Diyus.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Libitiku 6:30

Dapat nu ti dugu handug dinara sa Banal pag Sulud-sulud, ati sa sulud Turda agud ilukat sa kasalanan usa ka tawu, danga gid tunda pagkan-a pag handug, kailangan sunugun lang gid tunda.

Huwan 14:19

Udyi dugay aban bag-u dayi gid kumakit sa kangku ti manga taga kalibutan. Dapat kamu kumakit di sa kangku. May tutuu gid pag buhi aku, nakan una kamu may tutuu gid pag buhi.

Huwan 5:26

Nu kabitay ti Ama may gimpuunan buhi, katunda diman ipinakaun niya sa Anak ti karampatan hampay may gimpuunan siya buhi.

Huwan 6:40

Dahil inda yi ngani ti kagustuhan niku Ama hampay una si unu pag tawu ti nakakit sa Anak bag-u nagsarig sa kanya, makatanggap tutuu pag buhi unman may katapusan. Buhiun niku siya uman sa katapusan panahun aban.”

Huwan 6:57

“Ti Ama ti may gimpuunan buhi. Siya ti nagsugu sa kangku. Dahil sa Ama aku hanggan may gimpuunan buhi. Katunda diman waydi ti tawu nu magkaun siya kang bilug may tutuu siya pag buhi dahil sa kangku.

Ruma 11:28

Dinayu manga Hudiyu ti Mayad pag Barita, nakan nagbaliw sida manga kalaban Diyus. Bag-u pinakan-an ngap kamu pag manga balaw Hudiyu rugar hampay makakit karibrihan. Dapat ti manga Hudiyu pinili di Diyus, kay di gid pagmahalun sida dahil sa kay taratu sa kanda manga ginurang.

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Ruma 5:6

Dahil sa kay taning pag kaudasan, pagka unman kakayakaya waya kita, si Kiristu namatay hampay mabawi niya ti manga makasalanan.

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?

Ruma 8:34

Hintay waya gid ti sumintinsiya sa kanta atag sa kaparusahan? Udyi! Si Kiristu Hisus sa kay yi sikun baliwa Diyus. Siya waya ngani ti namatay bag-u binuhi uman Diyus. Taynguna siya yi ti nagbaliwa sa kanta.

Ruma 8:7

Ti tawu nu mag-intindi sa kay lang sadili kagustuhan niya pagkatawu, siya kalaban yi Diyus, dahil dayu siya magsunud sa kay manga bilin Diyus, dayu gid waydi mahimu.

2 Kurintu 5:20

Nakan ngani kami kay manga sinugu ni Kiristu. Bilang ti Diyus diman gid tigpaanyu sa kanyu ginan diman sa kanmi magkun, “Sa ngaran ni Kiristu kanmi pagpaanyuan kamu pagmipausa kamu sa Diyus.”

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Ipisu 2:16

Sa panab-anan niya kamatayan sa kurus nab-ul niya ti kalagalitan manga Hudiyu ag manga balaw Hudiyu. Parihu kita ipinabalik niya sa Diyus, bag-u binuu niya kita usa yi lang ka bilug.

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

Hibriyu 2:17

Nakan ngani kailangan siya parihu diman waydi sa kay manga patar-ari sa tanan manga bagay hampay siya usa ka pangulu manughandug sa Balay Diyus maawaun ag matinupadun sa kay magsirbi sa Diyus, hampay mapatawad Diyus ti kasalanan manga tawu.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

1 Huwan 2:1

Aku inda may surat tabug sa kanyu, sa kang manga anak, hampay kamu balaw magkasala. Dapat nu abi may patar-ari magkasala, may usa ka matadlung pag manugpamag-itan kita tabug sa Ama, si Hisu-Kiristu yi ngani.

1 Huwan 4:10

Ti kang pagsabihun pagmahal, bukun kanta pagmahal sa Diyus, nu unman kay ngap pagmahal Diyus sa kanta. Sinugu niya kay Anak hampay bumaliwa mamatay sa kasalanan nita, agud may kapatawadan kita.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.