Ruma 4:6 - Hanunuu

⁶ Inda imaw yi ngani pagka sinabi ni Dabid kuntay papaladan Diyus ti tawu nu kinilala siya Diyus matadlung balaw dahil sa kay manga binwat mayad.

Ruma 4:6 Iomraidhean Croise

Kanta 112:1

Dayawun ti Panginuun! Mapalad ti tawu nu maggalang sa Panginuun ag magbaya gid magsunud sa kay manga sugu.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Hirimyas 22:6

Inda ti pagsabihun Panginuun tungkul sa balay hari sa Huda: “Para sa kangku, kanmu karinuan parihu sa Gilyad ngatay sa katayungtungan bantud Libanun. Dapat buwatun niku kawu ga pangawakawaan, parihu sa usa ka banwa unman may mag-uli.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Matiyu 25:19

“Pagka dugay pag timpu nagluwang maan kay amu tunda pag manga panawuhun bag-u kay inusisa ti kuwarta sa kanda.

Ruma 1:17

Dahil pagsabihun sa Mayad pag Barita nu kabitay pagkilalan-un Diyus ti tawu kuntay matadlung, tunda sa panab-anan lang pagsarig. Angay sa nisurat sa Banal Kasuratan magkun, “May buhi ti tawu pagkilalan-un Diyus kuntay matadlung dahil sa kay pagsarig sa Diyus.”

Ruma 3:27

Hintay nangus kanta ipadayaw-dayaw? Unman duy may ipadayaw-dayaw kita. Hayga unman? Dahil lang aw nguna sa kanta nagtupad sa Kasuguan? Bukun ay, nu unman dahil sa kanta pagsarig sa kan Kiristu.

Ruma 4:11

Tinuri siya bilang pinagkatanda sa kay pagkilala Diyus sa kanya kuntay matadlung siya dahil sa kay pagsarig una udwaya siya tinuri. Nakan siya yi ti pinagkagurang tanan tawu magsarig sa Diyus. Siyun ginan sida kinilala waydi Diyus kuntay manga matadlung una manga balaw tinuri.

Ruma 4:24

nu unman para diman sa kanta. Kita diman kinilala Diyus kuntay manga matadlung dahil sa kanta magsarig sa kanya, sa binmuhi maan sa kanta Panginuun Hisus.

Ruma 4:5

Dapat pagkilalan-un kita Diyus matadlung, una makasalanan kita balaw dahil sa kanta binwat mayad, nu unman dahil sa kanta pagsarig sa kanya.

Ruma 4:7

“Pinapaladan Diyus ti tawu nu kay paglaban ipinatawad yi niya, ag nu kay manga kasalanan natakluban yi.

Ruma 4:9

Inda pag manga papalad para lang aw sa manga tinuri pag manga Hudiyu? Bukun lang duy, inda hanggan diman para sa manga balaw tinuri, manga balaw Hudiyu. Pagsabihun kabay nita angay sa Banal Kasuratan magkun, “Pagkilalan-un Diyus si Abraham kuntay siya matadlung dahil sa kay pagsarig.”

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 3:14

Linukat kita ni Kiristu hampay ti manga papalad kay itinaratu Diyus sa kan Abraham tanggapun manga balaw Hudiyu ginan sa kan Kiristu Hisus. Nakan ngani nu sumarig kita sa kanya, tanggapun nita ti Ispiritu angay sa kay itinaratu Diyus.

Galasya 4:15

Nakabaya gid kamu ati katpung. Hintay lugud ti nangyari? Aku makapatutuu gid nu abi mahimu luwatun kanyu mata, linwat mana niyu hampay ipakaun sa kangku.

Ipisu 1:3

Pagpasalamat kita sa Diyus Ama nita Panginuun Hisu-Kiristu. Ipinakaun niya sa kanta ti tanan ipinapalad Ispiritu Banal sa langit dahil sa kanta magpakiusa sa kan Kiristu.

Diyuturunumiyu 33:29

Pinapaladan kamu, manga nasakupan Israil! Unman may pumarihu sa kanyu — usa ka nasyun irinibri Panginuun. Ti Panginuun imaw ti mag-alaga ag mag-awat sa kanyu, ag siya ti lumaban para sa kanyu. Manyapang kanyu manga kalaban atag sa kanyu, ag tat-an niyu sida sa dayu.”

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

Santiyagu 2:18

Dapat abi may magsabi magkun, “May pagsarig kawu, aku bay sa buwat.” Kang sagut waydi, ipakakit duy nimu kanmu pagsarig nu unman may tapil buwat. Ipakilala diman waydi niku sa kanmu kang pagsarig dahil sa kang manga buwat.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.