Ruma 4:5 - Hanunuu

⁵ Dapat pagkilalan-un kita Diyus matadlung, una makasalanan kita balaw dahil sa kanta binwat mayad, nu unman dahil sa kanta pagsarig sa kanya.

Ruma 4:5 Iomraidhean Croise

Habakuk 2:4

Kaindaay kanmu isurat: “Bantayi ti manga tawu palabi-labihun! Manga daut sida pag tawu. Dapat ti matadlung pag manga tawu mangabuhi dahil sa kanda pagsarig.

Markus 9:23

Sinabi ni Hisus sa kanya, “Hayga kanmu sabi, ‘Nu may mabuwat kawu’? Ti tanan pag manga bagay kaya mabuwat Diyus sa tawu nu siya magsarig.”

Huwan 5:24

“Ungud duy kang pagsabihun sa kanyu, nu ti tawu magtanggap sa kang bagaw ag magsarig sa Diyus sa nagsugu sa kangku, tunda pag tawu may tutuu pag buhi unman may katapusan. Balaw yi sakup siya sa sintinsiya aban. Kay patabgan balaw yi kamatayan, bagkus ngap buhi kay patabgan.

Huwan 6:29

Sinmagut si Hisus magkun, “Inda ngani kay gustu Diyus kanyu buwatun, pagsarig kamu sa kay sinugu Diyus.”

Ruma 10:3

Dahil unman naintindihan nida kay paraan Diyus hampay kay pagkilalan-un niya ti manga tawu kuntay manga matadlung. Unman nida sinunud ti paraan Diyus. Bagkus ngap nanipag sida sa kanda sadili paraan hampay pagkilalan-un sida Diyus kuntay manga matadlung.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

Ruma 4:24

nu unman para diman sa kanta. Kita diman kinilala Diyus kuntay manga matadlung dahil sa kanta magsarig sa kanya, sa binmuhi maan sa kanta Panginuun Hisus.

Ruma 4:3

Dahil ngani pagsabihun sa Banal Kasuratan magkun, “Nagsarig sa Diyus si Abraham, nakan siya kinilala Diyus kuntay matadlung.”

Ruma 4:6

Inda imaw yi ngani pagka sinabi ni Dabid kuntay papaladan Diyus ti tawu nu kinilala siya Diyus matadlung balaw dahil sa kay manga binwat mayad.

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

Huswi 24:2

Magkun si Huswi sa tanan tawu, “Imaw inda ti pagsabihun Panginuun, ti Diyus Israil: Sa kabag-u, kanyu manga ginurang mag-uli sa dipay Sapa Iyupratis ag nagsamba sa iba ka manga diyus. Usa sa kanda si Tira kay ama ni Abraham ag ni Nahur.