Ruma 4:3 - Hanunuu

³ Dahil ngani pagsabihun sa Banal Kasuratan magkun, “Nagsarig sa Diyus si Abraham, nakan siya kinilala Diyus kuntay matadlung.”

Ruma 4:3 Iomraidhean Croise

Gimpuunan 15:6

Nagsarig sa Panginuun si Abram. Ag dahil sa kay pagsarig, ibinilang siya matadlung.

Kanta 106:31

Ti binwat ni Piniis pag-ibilang matadlung, alalahanun inda manga tawu hanggan aban.

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Matiyu 20:9

Nagpakarani ngani ti manga inupahan pagka malambung yi, ti kada tawu tinmanggap angay sa napagkasunduan pag halaga.

Markus 12:10

Unman aw nabasa niyu sa Banal Kasuratan magkun, ‘Ti batu dinayu manga manugbuwat balay, imaw ngap ti binwat mahalaga pag kalap.

Ruma 10:11

Pagsabihun sa Banal Kasuratan, “Balaw mibuyu una si unu pag tawu nu sumarig sa kanya.”

Ruma 11:2

Unman dinayu Diyus kay nasyun, kabay sa kabag-u di waya turunu niya kay yi pinili. Unman aw lugud niyu magkaalaman ti pagsabihun sa Banal Kasuratan tungkul sa kan Ilyas? Nangungud siya sa kay darangin sa Diyus laban sa manga taga Israil.

Ruma 4:11

Tinuri siya bilang pinagkatanda sa kay pagkilala Diyus sa kanya kuntay matadlung siya dahil sa kay pagsarig una udwaya siya tinuri. Nakan siya yi ti pinagkagurang tanan tawu magsarig sa Diyus. Siyun ginan sida kinilala waydi Diyus kuntay manga matadlung una manga balaw tinuri.

Ruma 4:5

Dapat pagkilalan-un kita Diyus matadlung, una makasalanan kita balaw dahil sa kanta binwat mayad, nu unman dahil sa kanta pagsarig sa kanya.

Ruma 4:9

Inda pag manga papalad para lang aw sa manga tinuri pag manga Hudiyu? Bukun lang duy, inda hanggan diman para sa manga balaw tinuri, manga balaw Hudiyu. Pagsabihun kabay nita angay sa Banal Kasuratan magkun, “Pagkilalan-un Diyus si Abraham kuntay siya matadlung dahil sa kay pagsarig.”

Ruma 9:17

Dahil sa Banal Kasuratan kay sabi Diyus sa hari Ihiptu, “Binwat niku kawu hari hampay sa panab-anan nimu pag-ipakakit niku kang kamaskihan ag hampay milantag kang ngaran sa usa ka kalibutan.”

Santiyagu 2:23

Natupad ti isinurat sa Kasuratan magkun, “Nagsarig si Abraham sa Diyus, nakan ngani siya kinilala Diyus kuntay matadlung.” Pagkumnun yi Diyus, “Kang iribahun si Abraham.”

Santiyagu 4:5

Barang kanyu isip unman mahalaga ti nisurat sa Banal Kasuratan magkun, “Magkaibug gid ti Diyus magpakiusa sa manga tawu, dahil kay pinakan-an sida arup.”