Ruma 4:25 - Hanunuu

²⁵ Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.

Ruma 4:25 Iomraidhean Croise

Isayas 53:4

Ti tutuu, inagwanta niya ti manga sakit ag manga karukuan mana kita ti lumakaw. Kanta isip pinarusahan siya Diyus dahil sa kay manga kasalanan.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Danyil 9:26

Pagkalawuy 434 ka timpu, matyun ti pinili Diyus pag takinan ag unman may mangawat sa kanya. Rumas-ug ti usa ka hari ag dautun niya manga tawuhan ti banwa hanggan ti Balay Diyus. Ag angay sa itinagka Diyus, ti pagwayak ag paggira pumarargu tugka sa katapusan. Ti katapusan rumas-ug ga baha.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ruma 5:18

Nakan ngani nu kabitay ti kasalanan usa ka tawu dinmamay sa tanan tawu tag sa kaparusahan, katunda diman kay buwat katadlungan usa ka tawu pinun-an kapatawadan hanggan buhi sa tanan tawu.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

1 Kurintu 15:17

Nu abi unman binuhi uman si Kiristu ud may pulus kanyu pagsarig, kamu sa kanyu waya manga kasalanan.

2 Kurintu 5:15

Namatay si Kiristu dahil ngani sa tanan tawu hampay ti manga buhi taynguna danga kanda pag-isipun kanda lang sadili kagustuhan naisipan. Bagkus ngap kailangan si Kiristu yi ti turunuha nida buhi imaw ti namatay dahil sa kanda, siya diman nabuhi maan tungkul sa kanda.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 1:4

Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 8:3

Dahil ti kada pangulu manughandug sa Balay Diyus binugtangan katungkulan hampay kay ihandug niya sa Diyus manga pagkaun hanggan manga hayup pagmatyun pagsunugun. Nakan kailangan diman waydi may alistu siya manga handug sa Diyus.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

1 Pidru 1:21

Dahil sa kan Kiristu nakan kamu nakasarig sa Diyus, imaw waydi ti nagbuhi uman sa kan Kiristu ag ti nagpakaun kadayawan. Dahil sa kan Kiristu nakan ngani kamu may pagsarig ag pag-asa sa Diyus.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.

1 Huwan 2:2

Dahil si Kiristu ti nagbaliwa namatay sa kasalanan nita hampay may kapatawadan kita. Ag balaw sa kanta lang sadili pag kasalanan siya pag namatay, nu unman hanggan diman sa kasalanan tanan manga tawu sa babaw daga.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.