Ruma 4:17 - Hanunuu

¹⁷ Kainda ti isinurat sa Banal Kasuratan magkun, “Binwat niku kawu ti pinagkagurang mayamu nasyun.” Sa atubangan Diyus si Abraham kanta ama, dahil sinarigan ni Abraham ti Diyus imaw tigpakaun buhi sa manga namatay, imaw diman ti naglalang sa tanan bagay.

Ruma 4:17 Iomraidhean Croise

Gimpuunan 17:16

Papaladan niku siya ag pakan-an niku kawu anak sa panab-anan niya. Siya ti ina mayamu nasyun, ag ti iba niya ka linahi bumaliw hari.”

Gimpuunan 17:20

Tungkul waydi sa kan Ismail, nasaydan niku kanmu paghagadun para sa kanya. Papaladan niku siya ag pakan-an mayamu linahi. Bumaliw siya ama 12 ka takinan, ag kay manga linahi bumaliw bantug pag tawu.

Gimpuunan 28:3

Mana papaladan kawu Diyus Makamaskihan ag pakan-an mayamu pag anak hampay kawu ti bumaliw ama mayamu nasyun.

Isayas 43:6

Sabihun niku sa manga nasyun sa kanaway hanggan sa salatan kuntay pabay-ani bumalik sa kanda daga kanmu manga linahi, ag pabay-ani muli una naan pag suuk kalibutan.

Isayas 44:7

Si unu ti makaparihu sa kangku? Tultulan niya sa kang atubangan nu hintay ti nangyari ginan sa ipinatindug niku usa ka nasyun kang nasakupan sa kabag-u pag panahun. Tultulan diman niya sa kangku nu hintay ti mangyari sa aratubangun.

Isayas 48:13

Aku ti nagpauli paratukawan kalibutan hanggan aku diman ti nagbuklad kalangitan. Nu magsugu aku sa kanda, pagsundun nida.

Isayas 49:12

Rumas-ug kang manga nasakupan ginan sa arayu — ti iba ginan sa kanaway, ti iba waydi sa isalpan, ag ti iba ginan waya sa Sinim.”

Isayas 55:12

“Manga Israilita, guminan kamu may kabayaan sa Babilunya ag giyahan kamu Diyus. Ti manga bantud hanggan manga tagudtud ga manga tawu manganta sa kabayaan. Ag ti tanan manga puun kayu ga manga tawu mamalalakpakan.

Matiyu 3:9

Danga kamu mag-isip kuntay balaw kamu parusahan dahil kamu manga linahi ni Abraham. Dahil pagsabihun niku sa kanyu, una inda pag manga batu mahimu buwatun Diyus manga anak ni Abraham.

Huwan 5:21

Dahil nu kabitay pagbuhiun uman Ama ti manga namatay, katunda diman waydi pagbuhiun uman Anak una hintay pag tawu kay gustu buhiun uman.

Huwan 5:25

Ungud duy kang pagsabihun sa kanyu, arani yi ti udas, kainda yi ngapu, ti manga tawu ga tigbak makadnug sa kay magbagaw Anak Diyus bag-u makatanggap sida buhi.

Huwan 6:63

Ispiritu Diyus ti may gimpuunan buhi. Nu tawu lang unman makapakaun buhi. Nu tanggapun niyu kang manga bagaw, matanggap waydi niyu ti Ispiritu imaw ti makapakaun buhi sa kanyu.

Binwat 15:18

Inda kay sinabi ngani Panginuun imaw ti nagpasandam inda kaybi waya ginan.’”

Ruma 3:29

Ti Diyus lugud Diyus lang aw manga Hudiyu? Unman aw lugud siya Diyus diman manga balaw Hudiyu? Balaw unman, Diyus diman ngap siya manga balaw Hudiyu.

Ruma 4:18

Madi udyi may pag-asa si Abraham kuntay manganak waya dapat siya nagsarig di gid, siya di gid aban ti pinagkagurang mayamu nasyun angay sa kay sinabi Diyus sa kanya magkun, “Parihu sa pamgasan kay kayamu kanmu manga linahi aban.”

Ruma 4:2

Nu abi siya kinilala Diyus kuntay matadlung dahil sa kay manga binwat, may ipadayaw-dayaw mana siya. Dapat balaw siya may ipadayaw-dayaw sa kay magbantay Diyus.

Ruma 8:11

Nu nangulian sa kanyu ti Ispiritu Diyus ti nagbuhi uman sa kan Hisus, ti Diyus ti nagbuhi uman sa kan Kiristu Hisus sa kamatayan, pumakaun waydi buhi sa kanyu manga bilug may kamatayan sa panab-anan niya Ispiritu nangulian sa kanyu.

Ruma 9:11

Ipinakilala Diyus kay nagpili sa usa lang ka anak sa kan Hakub angay sa kay sadili gayak Diyus, balaw angay sa buwat tawu. Dahil nu udwaya inanak ti manga anak, ag udwaya nakabuwat una daut una mayad, daan yi sinabi Diyus sa kan Ribika magkun, “Sumirbi ti aka sa kay ari.”

Ruma 9:26

Nu naan sida pagsabihun magkun, ‘Kamu bukun Nasyun niku’, siyun ngap ingarnan sida manga anak Diyus buhi.”

1 Kurintu 1:28

Ag ti manga pagkumnun taga kalibutan unman may halaga hanggan ti manga pagpuyaan nida imaw ngap ti pinili Diyus hanggan ti manga unman may gana hampay mabul-an ngap niya halaga ti manga pagsabihun mahalaga.

1 Kurintu 15:45

Katunda diman ti isinurat sa Banal Kasuratan magkun, “Ti un-an pag tawu si Adam inarupan Diyus bag-u may buhi yi.” Ti sa uryan pag Adam imaw ti Ispiritu tigpakaun buhi sa tawu.

1 Timutiyu 6:13

Sa atubangan Diyus imaw ti gimpuunan tanan magkabuhi ag sa atubangan ni Kiristu Hisus imaw ti nagpatutuu mayad-mayad sa kay pagsarig sa pagdungugan ni Punsiyu Pilatu, kang pagsabihan duy kawu,

Hibriyu 11:12

Nakan madi malumuy yi gid si Abraham pag lalaki, may linahi di parihu sa pamgasan sa langit kay kayamu ag unman mabilang ga baras sa dagat.

Hibriyu 11:3

Dahil sa kanta pagsarig sa Diyus nakan naintindihan nita ti kalibutan namhan dahil sa kay Bagaw Diyus. Ti manga mag-akitan nita, binwat Diyus ginan sa unman may mag-akitan sa mata.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

1 Pidru 2:10

Nu kaybi di waya gid kamu bukun kay nasyun Diyus, taynguna bay kamu kay yi pinili hampay kay nasakupan. Kaybi kamu kay inirangan balaw pagkaawaan. Dapat taynguna kamu kay kinaawaan.

2 Pidru 3:8

Dapat duy manga patar-ari, danga niyu kalimtan, dahil nu sa Panginuun ti usa ka sirang bilang ga usa ka libu timpu, ti usa ka libu timpu ga usa lang ka sirang.