Ruma 3:8 - Hanunuu

⁸ Hayga unman nita masabi magkun, “Pagbuwat yi lang kita daut hampay lalu miburayhaw ti kaayadan?” Magkun ti manga magpuya sa kangku, katunda kunu kang pag-itudlu. Parusahan sida aban Diyus, tunda yi ngani ti kailangan sa kanda.

Ruma 3:8 Iomraidhean Croise

Hirimyas 40:16

Dapat magkun si Gidalyas kay anak ni Ahikam tag kan Huhanan, “Danga nimu pag buwata tunda. Balaw tutuu ti pagsabihun nimu tungkul sa kan Ismail.”

Matiyu 5:11

“Papaladan kamu Diyus nu pagmuransahun una hanggan pag-unuunuhun, una pagbagawan kamu una lang hintay pag daut pasay kapudilan dahil sa kanyu magpasakup sa kangku.

Ruma 5:20

Ipinakaun ti Kasuguan hampay yumamu ti maglabag. Dapat nu nagyamu ti kasalanan, lalu man daka kay pangaawa Diyus.

Ruma 6:1

Taynguna hintay nguna kanta sabihun? Pumarargu aw nguna kita sa kasalanan hampay padakaun waydi Diyus kay pangaawa sa kanta?

Ruma 6:15

Taynguna bumuwat aw waya kita kasalanan dahil udyi kita sakup sa Kasuguan ag sakup yi kita sa kay pangaawa Diyus? Bukun duy katida.

Ruma 7:7

Kay ibug aw lugud sabihun kasalanan ti Kasuguan ni Muysis? Bukun duy katida. Dapat ay unman niku naintindihan waya nu hintay ti kasalanan nu unman ginan ngap sa Kasuguan. Nu abi ti Kasuguan unman may bilin magkun, “Danga kawu maghirak,” unman mana niku naintindihan nu hintay ti hirak.

2 Kurintu 11:15

Nakan ngani balaw paglingutan nu kay manga suruguun ni Satanas magpanaguabi waydi kuntay sida manga manugsirbi sa katadlungan. Kanda patabgan aban angay lang sa kanda pagbuwatun.

2 Kurintu 6:8

Nalakawan yi waydi nimi ti magbaya manga tawu sa kanmi ag ti magkadaut sa kanmi, ti daut pag libak ag ti mayad pag libak. Kami kanda pagsabihun magdaya dapat ngap katutuuhanan kanmi pagbuwatun.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.