Ruma 3:6 - Hanunuu

⁶ Dapat bukun ay sa katida. Nu abi ti Diyus balaw matadlung, kabitay pag mapihu niya ti manga tawu taga kalibutan nu mayad nu daut?

Ruma 3:6 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

Hub 8:3

Balaw mahimu pihitun Diyus Makamaskihan ti katutuuhanan aw ngatay likuun ti katadlungan.

Kanta 50:6

Pag-ipaburayhaw kalangitan ti pagkamatadlung Diyus, dahil siya ti magsintinsiya.

Kanta 9:8

Panguluhan nimu may katadlungan ti manga tawu sa kalibutan, sa unman may pagkampihan.

Kanta 96:13

sa atubangan Panginuun. Dahil pihu yi rumas-ug siya agud intindihun ti manga tawu sa kalibutan. Intindihun niya sida may katadlungan ag angay sa kay katutuuhanan.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Ruma 2:16

Angay sa Mayad pag Barita kang pag-itudlu, mangyari gid tunda nu sa kaudasan aban ti manga ilinihim manga tawu sa kanda tagipusuun pihuun Diyus nu daut nu mayad sa panab-anan ni Kiristu Hisus.

Ruma 3:31

Nu katida ibug aw sabihun udyi pagpahalgaan nimi ti Kasuguan? Bukun sa katida. Kanmi di ngap pagpahalgaan.

Ruma 3:4

Bukun ay sa katida. Ti Diyus sa katutuuhanan, una ti kada tawu pudilun, angay sa isinurat sa Kasuratan magkun tag sa Diyus, “Hampay kawu kilalan-un kuntay matadlung sa kanmu manga sinabi ag manalu kawu nu pihuun nida kawu sa daut sa mayad.”