Ruma 3:5 - Hanunuu

⁵ Dapat nu kanta kadautan tigpakilala ngap sa kay katadlungan Diyus, unman aw lugud masabi nita ti Diyus salan kay sintinsiya nu kita pagparusahan niya? Katunda ngani ti tawu kay pamagawan.

Ruma 3:5 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

Hub 8:3

Balaw mahimu pihitun Diyus Makamaskihan ti katutuuhanan aw ngatay likuun ti katadlungan.

Nahum 1:2

Balaw magkaibug ti Panginuun Diyus mansamba ti manga tawu sa tuhay pag manga diyus. Galit siya sa kay manga kalaban ag balusan niya sida.

Ruma 12:19

Manga mayad patar-ari, danga kamu magbalus. Ipabahala niyu tunda sa Diyus. Dahil nakasurat sa Banal Kasuratan magkun, “Magkun ti Panginuun, aku ti bahala magganti, pihu gumanti aku.”

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Ruma 3:19

Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.

Ruma 3:7

Dapat nu abi ginan sa kang kapudilan lalu lumutaw ti katutuuhanan Diyus, dahil pag-ipakakit kay katupadan, matadlung aw nguna siya nu parusahan niya aku bilang ga usa ka makasalanan?

Ruma 4:1

Hintay nguna ti masabi nita tungkul sa kanta ginurang sa kan Abraham? Hintay nangus kay nalakawan niya?

Ruma 5:8

Dapat nagbuwat ti Diyus usa ka puruyba tungkul sa kay pagmahal sa kanta, pagka si Kiristu namatay para sa kanta, katpung kita makasalanan waya.

Ruma 6:1

Taynguna hintay nguna kanta sabihun? Pumarargu aw nguna kita sa kasalanan hampay padakaun waydi Diyus kay pangaawa sa kanta?

Ruma 6:19

Maghampang aku angay lang sa ugali tawu hampay balaw makuri maintindihan niyu. Kaybi ipinasakup ngani niyu kanyu sadili sa kayagtingan ag sa kadautan hanggan di mag-amat. Taynguna kailangan ipasakup ngap niyu lubus kanyu sadili sa katadlungan hampay gamitun kamu Diyus.

Ruma 7:7

Kay ibug aw lugud sabihun kasalanan ti Kasuguan ni Muysis? Bukun duy katida. Dapat ay unman niku naintindihan waya nu hintay ti kasalanan nu unman ginan ngap sa Kasuguan. Nu abi ti Kasuguan unman may bilin magkun, “Danga kawu maghirak,” unman mana niku naintindihan nu hintay ti hirak.

Ruma 8:31

Taynguna, nu isipun nita inda pag manga bagay, masabi nita magbaliwa sa kanta ti Diyus, ag dahil sitay, unman may manalu laban sa kanta.

Ruma 9:30

Kainda ti gustu niku sabihun, ti manga balaw Hudiyu una unman nanipag sa mayad pag buwat hampay sida mahimu pagkilalan-un Diyus kuntay manga matadlung, lalu ngap kinilala niya sida kuntay manga matadlung dahil sa kanda pagsarig sa Diyus.

1 Kurintu 15:32

Nu angay lang sa kang pagkatawu aku naglaban sa manga simarun sitay sa Ipisu, hintay kang pakinabangun. Nu abi ti manga namatay unman buhiun uman, “Pagkaun ag pag-inum yi lang kita, aldaw mamatay yi waydi.”

1 Kurintu 9:8

Kang pagsabihun balaw tungkul lang sa ugali tawu. Una sa Kasuguan katida diman.

2 Kurintu 6:4

Bagkus ngap pag-ipakilala nimi sa tanan nimi buruwatun kuntay kami kay suruguun Diyus, sa kanmi pag-agwanta sa masyadu pag kakurian, sa malisud pag kahamtangan hanggan sa manga kagipitan.

2 Kurintu 7:11

Isipa niyu kanyu buhi nu hintay ti nangyari sa kanyu dahil sa kanyu karukuan ginan sa Diyus. Nanipag yi gid ungud kamu hampay makilala kuntay kamu unman may kasalanan sa siyun pag manga nangyari, magkaaburidu kamu sa kanyu sadili bilug, dinurnan kamu dala, magpatigagad yi sa kang pagras-ug, pagpakibudlayan niyu sa gustu lang niyu maparusahan ti nagkasala. Ipinakakit niyu lubus kuntay unman may labut kamu sa siyun pag manga nangyari.

Galasya 2:18

Nu pag-ipatindug maan niku kang dinaut, kay ibug sabihun, pagbalikan niku ti Kasuguan, pag-ipakilala niku kuntay aku makasalanan ngap.

Galasya 3:15

Manga patar-ari, ti taratu imaw ti pirmi paggamitun halimbawa. Pagka napirmahan yi ti taratu dayi mahimu dautun una sitapu pag tawu tunda pag taratu. Dayu waydi mahimu bawasan una dugangan.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”