Ruma 3:4 - Hanunuu

⁴ Bukun ay sa katida. Ti Diyus sa katutuuhanan, una ti kada tawu pudilun, angay sa isinurat sa Kasuratan magkun tag sa Diyus, “Hampay kawu kilalan-un kuntay matadlung sa kanmu manga sinabi ag manalu kawu nu pihuun nida kawu sa daut sa mayad.”

Ruma 3:4 Iomraidhean Croise

Hub 36:3

Mayamu aku magkaalaman ag patutuuhanan niku sa kanmu kuntay kang-ud ti Diyus, ti naglalang sa kangku.

Hub 40:8

Kanmu aw lugud gustu patutuuhanan kuntay salan aku ag kawu ti bumaliw matadlung?

Kanta 100:5

dahil mayad ti Panginuun. Kay pagmahal balaw may katugkaan, matinupadun siya hanggan aban.

Kanta 116:11

Sa kang kadalaan nagsabi aku, “Unman gid may tawu masarigan.”

Kanta 119:160

Tutuu ti tanan nimu bagaw, ag unman may katugkaan ti tanan nimu matadlung pag manga sugu.

Kanta 138:2

Manluhud aku masranguhan sa kanmu Balay ag mandayaw sa kanmu dahil sa kanmu pagmahal ag katapatan. Ipinakakit nimu sa tanan kanmu ngaran hanggan kanmu bagaw makamaskihan.

Kanta 51:4

Sa kanmu lang gid aku nagsalan. Binwat niku ti manga bagay daut sa kanmu magbantay. Nakan tama kawu sa kanmu manga pagbagawun laban sa kangku. Balaw kawu nagsalan sa kanmu pagsintinsiya sa kangku.

Kanta 62:9

Ti manga tawu, kilala man ngatay unman, balaw masarigan. Parihu lang sida unman may pulus; magaan waya sida sa durus.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Matiyu 11:19

Pagka nagsitay aku, ti Anak Tawu, magkaun mag-inum diman bag-u pagkumnun nida, ‘Malu tunda pag tawu daluk-daluk maglangu, mag-ampud siya sa manga manunukut buhis, hanggan sa iba waya ka manga makasalanan.’ Ti pagbuwatun kadunungan Diyus imaw ti puruyba sa katutuuhanan.”

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Huwan 3:33

Nu ti tawu magpaniwala sa kay pag-itultul, tunda ngani pag tawu tigpuruyba sa kay katutuuhanan Diyus.

Ruma 11:1

Inda kang paingana, dinayu aw nguna Diyus kay nasyun? Unman duy dinayu niya kay nasyun. Aku kabay Israilita diman waydi, ginan sa lahi ni Abraham, sinulput sa lahi ni Binhamin.

Ruma 11:11

Kay aw ibug sabihun tunda, pagka nadayaan ti manga Hudiyu rargu yi lang nguna napulid? Balaw waydi. Dapat ay dahil nagkasala ti manga Hudiyu, nakan nagras-ug ngap ti karibrihan sa manga balaw Hudiyu. Pagka katida naghirak ti manga Hudiyu sa manga balaw Hudiyu.

Ruma 3:31

Nu katida ibug aw sabihun udyi pagpahalgaan nimi ti Kasuguan? Bukun sa katida. Kanmi di ngap pagpahalgaan.

Ruma 6:15

Taynguna bumuwat aw waya kita kasalanan dahil udyi kita sakup sa Kasuguan ag sakup yi kita sa kay pangaawa Diyus? Bukun duy katida.

Ruma 6:2

Unman duy. Kita tigbak yi gid sa kasalanan, nakan ngani udyi kailangan kita mag-ugali magkasala.

Ruma 7:13

Kay gustu aw sabihun ti Kasuguan madi mayad imaw aw ngap ti nagpakaun kamatayan sa kangku? Bukun duy katida. Ti kasalanan ngap ti nagmatay sa kangku sa panab-anan mayad pag Kasuguan hampay siti ginan pag ipakilala ti kasalanan kay kadaka pag kadautan.

Ruma 7:7

Kay ibug aw lugud sabihun kasalanan ti Kasuguan ni Muysis? Bukun duy katida. Dapat ay unman niku naintindihan waya nu hintay ti kasalanan nu unman ginan ngap sa Kasuguan. Nu abi ti Kasuguan unman may bilin magkun, “Danga kawu maghirak,” unman mana niku naintindihan nu hintay ti hirak.

Ruma 9:14

Nu katunda masabi aw nita kuntay unman matadlung ti Diyus? Bukun ngap unman matadlung ti Diyus.

1 Kurintu 6:15

Udwaya aw niyu alam kanyu manga bilug gamit ni Kiristu? Bul-un aw lugud niku ti manga gamit bilug ni Kiristu bag-u aw kang buwatun manga garamitun manga uragin? Dayu gid ngapu mahimu tunda.

2 Kurintu 1:18

Alam nita ti Diyus masarigan, katunda diman kang pagsabihun sa kanyu ti “hu,” “hu” yi gid.

Galasya 2:17

Dapat nu kanmi pakiusa sa kan Kiristu pagkilalan-un manga makasalanan kami parihu sa balaw Hudiyu, kay aw ibug sabihun si Kiristu magpaturun sa kasalanan? Unman duy.

Galasya 2:21

Balaw pagbul-an niku halaga kay pangaawa Diyus sa kangku. Nu abi pagkilalan-un Diyus ti tawu kuntay siya matadlung dahil sa kay magtupad sa Kasuguan, unman yi may pulus kay kamatayan ni Kiristu.

Galasya 6:14

Nu bay aku, kay kamatayan lang nita Panginuun Hisu-Kiristu sa kurus ti kang pag-ipakatultul. Dahil ginan sa kamatayan ni Kiristu ti ugali kalibutan bilang ga namatay yi nu sa kangku, ag aku ga namatay yi nu sa ugali kalibutan.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

Titu 1:2

agud magsarig sida sa buhi unman may katapusan. Udwaya linalang ti kalibutan daan di itinaratu Diyus ti buhi unman may katapusan. Ti Diyus unman madunung magpudil.

Hibriyu 6:18

Ti sumpa kag ti taratu balaw magkauman ag dayu mahimu makapudil ti Diyus. Nakan kita ti manga nagdangup sa kanya, marig-un kita sa kanta maghingabut sa kay itinaratu.

1 Huwan 5:10

Ti tawu nu magsarig sa Anak Diyus, may puruyba yi sa kay tagipusuun. Ti tawu nu unman magsarig sa Diyus, pagbangdanan di ngap niya ti Diyus pudilun. Dahil pagpahimudilun niya kay pagsabihun Diyus tungkul sa kay Anak.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu: