Ruma 3:30 - Hanunuu

³⁰ Kabay usa-usa ti Diyus. Una ti manga Hudiyu una ti manga balaw Hudiyu, nu sida sumarig sa kan Kiristu, pagkilalan-un yi sida Diyus kuntay sida manga matadlung.

Ruma 3:30 Iomraidhean Croise

Ruma 2:26

Ti tawu unman tinuri nu magbuwat angay sa pagsabihun sa Kasuguan, unman aw siya parihu diman ga tinuri?

Ruma 2:27

Nakan ngani kamu ti manga tinuri sintinsiyahan aban manga balaw tinuri. Dahil sida magtupad sa Kasuguan, dapat kamu madi may isinurat Kasuguan ag manga tinuri kamu, maglabag diman ngap kamu sa tunda pag Kasuguan.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

Ruma 3:28

Dahil naintindihan yi nita isip, ti tawu kinilala Diyus kuntay siya matadlung dahil sa kay sarig sa kan Kiristu, bukun dahil sa kay nagtupad sa Kasuguan.

Ruma 4:16

Nakan ngani ti taratu sigun sa pagsarig hampay ti pangaawa Diyus pihu kay itinaratu ipakaun sa kay linahi ni Abraham, balaw lang sa manga magtupad sa Kasuguan nu unman sa tanan manga magsarig sa Diyus parihu sa kan Abraham. Siya kabay kanta pinagkagurang nu angay sa pagsarig.

Ruma 4:9

Inda pag manga papalad para lang aw sa manga tinuri pag manga Hudiyu? Bukun lang duy, inda hanggan diman para sa manga balaw tinuri, manga balaw Hudiyu. Pagsabihun kabay nita angay sa Banal Kasuratan magkun, “Pagkilalan-un Diyus si Abraham kuntay siya matadlung dahil sa kay pagsarig.”

Galasya 3:20

Dapat ay nu usa lang unman may kailangan siya manugpadangat ag ti Diyus usa lang ngani.

Galasya 3:28

Udyi may tuhay-tuhay una Hudiyu, una Giriyigu, una panawuhun, una bukun panawuhun, una lalaki, una babayi. Kamu tanan urusa dahil sa kanyu pakiusa sa kan Kiristu Hisus.

Galasya 3:8

Udwaya nangyari daan ipinakilala Banal Kasuratan ti manga balaw Hudiyu kilalan-un waydi Diyus kuntay sida manga matadlung nu sumarig sida sa kanya. Kabag-u waya ipinakilala yi sa kan Abraham ti Mayad pag Barita magkun, “Ginan sa kanmu papaladan Diyus ti tanan nasyun tawu.”

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Galasya 6:15

Balaw mahalaga una tinuri una unman tinuri ti usa ka tawu. Ti mahalaga lang nu siya bag-u linalang.

Diyuturunumiyu 6:4

“Pagpatingi kamu, manga nasakupan Israil: Ti Panginuun nita Diyus imaw lang ti Panginuun.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

1 Timutiyu 2:5

Dahil usa-usa lang ti Diyus. Ag usa lang tigpamahala tag sa Diyus tag sa manga tawu, si Kiristu Hisus yi ngani pag tawu.