Ruma 3:27 - Hanunuu

²⁷ Hintay nangus kanta ipadayaw-dayaw? Unman duy may ipadayaw-dayaw kita. Hayga unman? Dahil lang aw nguna sa kanta nagtupad sa Kasuguan? Bukun ay, nu unman dahil sa kanta pagsarig sa kan Kiristu.

Ruma 3:27 Iomraidhean Croise

Sipanyas 3:11

“ ‘Sa ati pag sirang sa kang pagparusa, kamu pag manga taga Hirusalim balaw mangay-a sa manga binwat niyu pag kasalanan sa kangku. Dahil bul-un niku ginan sa kanyu ti manga magpalabaw-labaw ag magpayabang-yabang. Nakan unman yi may pumayabang ati sa kang banal pag bantud.

Markus 16:16

Ti tawu nu sumarig sa kangku bag-u itulbaw, may karibrihan. Dapat ti tawu nu unman magsarig, sintinsiyahan siya ngapu aban sa kaparusahan.

Huwan 3:36

Nu ti tawu magsarig sa Anak, may tutuu pag buhi siya unman may katapusan. Dapat nu ti tawu unman magpaniwala sa Anak, dayu siya makatanggap buhi, bagkus ngap udyi madura sa kanya kay parusa Diyus.

Ruma 10:5

Kainda kay sinurat ni Muysis tungkul sa kay pagkilala Diyus sa tawu kuntay matadlung nu sida magtupad sa Kasuguan. Magkun siya, “Ti tawu nu magtupad sa Kasuguan, may buhi siya sa panab-anan waydi Kasuguan.”

Ruma 11:6

Pinili ngani sida dahil sa kay pangaawa Diyus, balaw dahil sa kanda sadili buwat. Nu abi pinili sida dahil sa kanda sadili buwat, balaw yi masabi kuntay sa kay pangaawa Diyus.

Ruma 2:17

Dapat pagsabihun nimu kawu Hudiyu magpaniwala sa Kasuguan ni Muysis, kanmu pag-ipadayaw-dayaw kanmu pakiusa sa Diyus.

Ruma 2:23

Magdayaw kawu sa Kasuguan, dapat sa kanmu maglabag sa Kasuguan unman ngap paggalangun nimu ti Diyus.

Ruma 3:19

Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.

Ruma 3:26

Dapat kainda, ihinandug yi Diyus kay buhi ni Kiristu hampay ipakakit siya matadlung. Dahil sa inda pag binwat Diyus, napatutuuhanan matadlung ngani siya una pag-itadlung niya ti manga magsarig kan Hisus.

Ruma 4:2

Nu abi siya kinilala Diyus kuntay matadlung dahil sa kay manga binwat, may ipadayaw-dayaw mana siya. Dapat balaw siya may ipadayaw-dayaw sa kay magbantay Diyus.

Ruma 7:21

Inda kang pagtandaan ti magpangyari, nu gustu niku magbuwat mayad, arani ngap sa kangku ti daut.

Ruma 7:23

Dapat naungdan niku may tuhay pag magpangyari sa manga gamit niku bilug laban sa mayad pag kagustuhan niku naisipan. Nakan aku sinakup kapangyarihan kasalanan nangulian sa manga gamit niku bilug.

Ruma 7:25

Diyus ngani ti pumaribri sa panab-anan nita Panginuun Hisu-Kiristu. Salamat gid ungud sa kanya. Nakan kainda kang kahamtangan. Nu sa kang naisipan magsirbi aku sa kay manga bilin Diyus, dapat nu sa kang sadili pagkatawu may kalumuyan, magsirbi aku sa kasalanan.

Ruma 8:2

Udyi kita sakup sa kapangyarihan kasalanan hanggan kamatayan, dahil ti kapangyarihan Ispiritu ti nagparibri sa kanta, imaw diman ti magpakaun buhi. Inda pag kaayadan matanggap nita dahil lang sa kanta pakiusa sa kan Kiristu Hisus.

Ruma 9:11

Ipinakilala Diyus kay nagpili sa usa lang ka anak sa kan Hakub angay sa kay sadili gayak Diyus, balaw angay sa buwat tawu. Dahil nu udwaya inanak ti manga anak, ag udwaya nakabuwat una daut una mayad, daan yi sinabi Diyus sa kan Ribika magkun, “Sumirbi ti aka sa kay ari.”

Ruma 9:31

Dapat ti Israil lalu ngap nanipag hampay matupad nida ti Kasuguan ni Muysis hampay pagkilalan-un mana sida Diyus kuntay manga matadlung, dapat sa kay magbantay Diyus kurang di kanda magtupad.

Ruma 9:32

Hayga nguna katida? Nakan katida dahil nanipag sida sa kanda sadili buwat lang ag balaw angay sa kanda pagsarig sa Diyus. Ga nadayaan sida sa batu karadayaanun,

1 Kurintu 4:7

Hintay ti nagsabi sa kanyu kuntay kamu mayad man sa manga iba? Unman kamu may imaw nu unman ipinakaun Diyus. Dapat nu ipinakaun Diyus sa kanyu hayga pag-ipadayaw-dayaw niyu ga unman may nagpakaun sa kanyu?

Galasya 2:16

alam nimi pagkilalan-un Diyus ti tawu kuntay siya matadlung nu sumarig siya sa kan Hisu-Kiristu ag unman dahil sa kay magtupad sa Kasuguan. Hanggan kami manga Hudiyu magsarig sa kan Kiristu Hisus hampay pagkilalan-un Diyus kami matadlung, dahil sa kanmi pagsarig sa kan Kiristu ag unman dahil sa kanmi magtupad sa Kasuguan. Dahil dayu kilalan-un Diyus ti tawu kuntay matadlung nu ginan lang sa kay pagtupad sa Kasuguan.

Galasya 3:22

Dapat magkun ti Kasuratan, “Ti usa ka kalibutan nasakup kapangyarihan kasalanan.” Nakan ipakaun Diyus sa manga magsarig sa kan Hisu-Kiristu kay itinaratu. Matanggap lang manga tawu kay itinaratu Diyus nu sida magsarig sa kan Hisu-Kiristu.