Ruma 3:2 - Hanunuu

² Daka gid duy. Un-an gid sa tanan, ti manga Hudiyu ti pinaintirgahan manga katutuuhanan bagaw Diyus.

Ruma 3:2 Iomraidhean Croise

Kanta 119:140

Napatutuuhanan masarigan gid kanmu taratu, nakan mahalaga inda sa kangku, sa kanmu manugsirbi.

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Danyil 10:21

Nagsitay aku hampay itultul sa kanmu ti nakasurat sa Ribru Katutuuhanan. Sa kang maglaban, unman may iba nangawat sa kangku nu unman si Mikail lang gid, ti takinan Israil.

Huwan 5:39

Pirmi diman pag-adalun niyu ti manga Banal Kasuratan dahil kanyu pag-isipun siyun kamu pag makakit buhi unman may katapusan. Tunda pag manga Banal Kasuratan tigpakilala nu si unu aku.

Binwat 7:38

Kaibahan diman manga Israilita si Muysis sa kanda magmirinsanan sa pangawakawaan. Siya diman ti naghampang sa anghil pagka nagbagaw ti anghil sa kanya hanggan sa kanta manga ginurang ati sa Bantud Sinai. Siya diman ti pinakan-an manga bagaw may kabuhian hampay kay maan ipadakit sa kanta.

Ruma 1:2

Ti Mayad pag Barita inda kay itinaratu Diyus kaybi di waya ginan, itinultul niya manga Purupita bag-u isinurat sa Banal Kasuratan.

Ruma 2:18

Alam nimu kay kagustuhan, nakilala diman nimu nu hintay ti mayad, dahil imaw ti itinudlu Kasuguan sa kanmu.

Ruma 3:1

Hintay ti mahalaga sa ngaran Hudiyu may sa balaw Hudiyu? Hintay kay pakinabang nu tinuri ti tawu?

Ruma 3:3

Kabitay nu ti iba manga Hudiyu balaw yi matinupadun? Ibug aw lugud sabihun kanda balaw matinupadun ti nagrangga sa kay pagtupad Diyus?

Ruma 9:4

Sida manga Israilita, binwat Diyus manga anak niya. Nakitan nida ti malinaw pag tanda tigpakilala kuntay ti kadayawan Diyus ngap ti kaibahan nida. Tinalaghut Diyus kay taratu sa kanda, sa kanda diman ipinakaun niya ti Kasuguan, ti tutuu gid pag samba ati sa Balay Diyus, hanggan kay manga taratu.

1 Kurintu 9:17

Nu abi inda kang buwatun sa buluntadan, may pirimyu mana aku aban. Dapat magtudlu aku Mayad pag Barita, dahil pagtupadun lang niku ti katungkulan iinintirga Diyus sa kangku.

2 Kurintu 5:19

Kanmi ibug sabihun, ginan sa kan Kiristu nipausa Diyus ti taga kalibutan sa kanya. Udyi pag-alalahanun niya kanda manga kasalanan. Ipiniyar Diyus sa kanmi inda pag barita hampay ti manga tawu ipausa ngani sa kanya.

Galasya 2:7

Bagkus ngap kinilala nida aku kay pinili Diyus hampay iadal niku ti Mayad pag Barita sa manga balaw Hudiyu, parihu diman waydi sa kay nagpili sa kan Pidru hampay iadal niya ti Mayad pag Barita sa manga Hudiyu.

1 Timutiyu 6:20

Kawu duy Timutiyu, ingatan nimu ti iinintirga sa kanmu. Iwasan nimu ti manga harampangan unman ikabaya Diyus hanggan ti salalumpangan.

Hibriyu 5:12

Dahil mana kamu kainda madunung yi magtudlu, dapat kailangan ngap may magtudlu waya maan sa kanyu tungkul sa kabag-u ginan pag umpisa adal Bagaw Diyus. Gatas maan kanyu kailangan, bukun maaw maganit pag karan-unun.

1 Pidru 4:11

Nu kawu magpaliwanag, pagginan sa Diyus kam paliwanag. Nu kawu manugsirbi waydi, gamitun nimu ti kabisugan ipinakaun Diyus sa kanmu magsirbi, hampay sa tanan bagay dayawun ti Diyus dahil sa kan Hisu-Kiristu. Sa kanya ti kadayawan hanggan kamaskihan hanggan di aban. Amin.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 22:6

Bag-u sinabi anghil sa kangku magkun, “Masarigan ag tutuu inda pag manga bagaw. Ti Panginuun Diyus, ti nag-udyuk sa naisipan manga purupita, imaw diman ti nagsugu sa kay anghil hampay ipakakit sa kay manga suruguun ti manga udyi dugay mangyari yi aban.”