Ruma 3:19 - Hanunuu

¹⁹ Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.

Ruma 3:19 Iomraidhean Croise

Hub 5:16

Nakan may pagsarigan ti manga pugri, dapat ti daut kay pagtamyawun.

Kanta 107:42

Nakitan inda manga matadlung ag nagbaya sida, dapat ti tanan daut balaw gid may masabi.

Kanta 63:11

Magbaya ti hari dahil sa binwat Diyus sa kanya. Magbaya diman ti tanan magtaratu sa ngaran Diyus. Dapat balaw pabagawun Diyus ti manga bibig manga pudilun.

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Huwan 15:25

Dapat nakan katida ti nangyari hampay matupad ti bagaw isinurat sa kanda Kasuguan, magkun, ‘Kinagalitan nida aku madi unman may ikasabi.’

Huwan 8:9

Pagka nadnugan nida kay sinabi ni Hisus, linmakaw sida tigus-a tigus-a, ti maidad ti nag-una. Pagka dugay udyi may tawu nu ud si Hisus hanggan ti babayi matindugan sa kay atubangan.

Ruma 1:20

Kay unman may katapusan pag kamaskihan hanggan kay pagka-Diyus pag-ipakilala malinaw ginan sa manga bagay kay binwat niya ginan waya sa pagkalalang niya sa kalibutan. Nakan ngani unman yi sida may isingyanan.

Ruma 3:2

Daka gid duy. Un-an gid sa tanan, ti manga Hudiyu ti pinaintirgahan manga katutuuhanan bagaw Diyus.

Ruma 3:23

Nagkasala ti tanan tawu. Nakan unman gid karapat-dapat sa magbantay Diyus.

Ruma 3:4

Bukun ay sa katida. Ti Diyus sa katutuuhanan, una ti kada tawu pudilun, angay sa isinurat sa Kasuratan magkun tag sa Diyus, “Hampay kawu kilalan-un kuntay matadlung sa kanmu manga sinabi ag manalu kawu nu pihuun nida kawu sa daut sa mayad.”

Ruma 3:9

Kabitay nguna tunda? Kita manga Hudiyu mayad man aw lugud kanta kahamtangan sa manga balaw Hudiyu? Bukun ay duy. Dahil kanmi pinatutuuhanan yi kuntay sinakup kapangyarihan kasalanan ti tanan manga tawu una Hudiyu una balaw Hudiyu.

1 Kurintu 1:29

Nakan una di usa ka tawu unman may makapadayaw-dayaw sa atubangan Diyus.

Galasya 3:10

Ti tanan manga magsarig sa kanda magtupad sa Kasuguan, nasakup sa saad. Dahil isinurat sa Banal Kasuratan magkun, “Saadan ti unman mag-alaala magtupad sa tanan isinurat sa ribru Kasuguan.”

Galasya 4:21

Inda kang paingana sa kanyu, kamu magkaibug magpasakup sa Kasuguan, unman aw niyu pagpatingihan ti pagsabihun Kasuguan?

Galasya 4:5

hampay lukatun niya ti manga tawu ginan sa kapangyarihan Kasuguan ag hampay kita manga anak yi ngap Diyus.

Galasya 5:18

Nu kamu panguluhan Ispiritu, udyi kamu sa sirung kapangyarihan Kasuguan.

1 Samwil 2:9

Paggiyahan niya kay manga masururundun pag manga nasakupan, dapat ti manga magbuwat daut kay rurisun. Unman may pumanalu sa panab-anan sadili kabisugan.