Ruma 2:8 - Hanunuu

⁸ Dapat mahigpit pag galit kay ganti Diyus sa manga magbuwat kaguluhan, sa manga dayu magpaniwala sa katutuuhanan, bagkus naniwala di ngap sa kadautan.

Ruma 2:8 Iomraidhean Croise

2 Krunika 6:23

patingihi inda asan sa langit ag sintinsiyahi kanmu manga manugsirbi — ti magbangdan ag ti pagbangdanan. Parusahi ti nagsalan angay sa kay binwat, ag palpasi ti unman may salan hampay miburayhaw unman siya may salan.

Hub 24:13

“May manga tawu maglaban sa karayawan. Unman sida maglakaw sa karayawan ag balaw nida inda magkasalman.

Kanta 90:11

Balaw may nakalakaw kanmu lubus pangagalit. Ag habang magdugang kanmi naalaman sa kanmu pangagalit magdugang diman kanmi paggalang sa kanmu.

Kabagawan 11:23

Ti pagkaibgan manga matadlung pudu ikaayad, dapat ti pagkaibgan manga daut pag tawu kaguluhan.

Kabagawan 13:10

Sa subra pagpadayaw, may manga tawu unman magpatingi sa patigayun, ag inda pagpun-an kaguluhan. Nu gustu nida dumunung kailangan pagpatingi sida sa patigayun.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Hirimyas 34:18

Ti manga may kangaranan sa Huda ag Hirusalim, ti manga kaawat sa balay hari, hanggan ti manga manughandug ag ti tanan nasakupan nagbuwat kasunduan sa kangku sa panab-anan paglakaw nida sa sinangsang ibun baka. Dapat unman nida tinupad kanda kasunduan sa kangku, nakan buwatun diman niku sa kanda ti binwat nida sa ibun baka.

Isikil 22:31

Nakan ipaagum niku sa kanda kang masyadu pag pangagalit. Ipadamhak niku sida dahil sa kanda manga binwat. Aku, ti Panginuun Diyus, ti magbagaw inda.”

Nahum 1:6

Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Ruma 1:18

Niburayhaw ti pangagalit Diyus ginan sa langit laban sa tanan kadautan manga tawu. Kanda magbuwat kadautan imaw ti mag-ampara sa kanda agud makilala ti katutuuhanan.

Ruma 10:16

Dapat unman tanan nagsunud sa Mayad pag Barita. Kainda kay sabi ni Isayas magkun, “Panginuun, si unu ti naniwala sa kanmi sinabi?”

Ruma 15:18

Dahil pinanghasan niku itinultul kay binwat lang ni Kiristu, ginamit niya aku hampay makabutung sa manga balaw Hudiyu tabug sa pagsunud sa Diyus dahil sa kang manga pagbagawun hanggan pagbuwatun,

Ruma 6:17

Dapat ay salamat sa Diyus, dahil kaybi kamu manga panawuhun kasalanan, taynguna bay masurundun yi kanyu tagipusuun sa iinadal pag katutuuhanan kanyu yi tinanggap.

Ruma 9:22

Katunda diman kay binwat Diyus. Madi kaybi gustu gid niya ipakakit kay pangagalit hanggan kay kamaskihan, dapat lubus inagwanta lang niya ti manga tawu kay pagkagalitan, kay ihinanda hampay parusahan ag tudasun.

1 Kurintu 11:16

Dapat nu may magkaibug magbirba sa kang sinabi inda, udyi aku may iba paanyu. Kami nakan hanggan tanan iba iglisya Diyus kainda diman kanmi ugali sa pagsamba.

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Galasya 5:20

ti magsamba sa diyus-diyusan, ti magpadaya, ti magkutub daut, ti magkagalit, ti mag-imun, ti magkaradat-an, ti maramuun, ti magkinanya-kanya yi isip, ti mag-arapinan,

Pilipus 1:17

Una ti manga maghirak magtudlu diman waydi tungkul sa kan Kiristu, dapat unman buu kanda naisipan sa Panginuun. Kanda turunu sa ikaayad lang nida sadili kahamtangan ag gustu ngap nida pakurian waya aku sitay sa pirisuhan.

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

Titu 3:9

Iwasan nimu ti manga dibati unman may pulus, ti manga tultulanun aba pag listahan nida manga ginurang, ti maglalabanan hanggan mag-arawayan tungkul sa Kasuguan. Dahil ti katunda unman makinabangan, unman diman may pulus.

Hibriyu 10:27

Udyi may iba paraan nu unman mag-alagad lang kita sa madala gid pag patabgan pag sintinsiya aban, bag-u kay pangagalit Diyus tigpapas ga apuy sa manga kalaban niya.

Hibriyu 11:8

Dahil sa kay pagsarig naniwala si Abraham, pagka siya tinawag. Diyus hampay atabug sa usa ka rugar imaw kay tanggapun aban pag maranahun. Linmakaw si Abraham madi unman niya alam nu naan tag.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

Santiyagu 3:14

Dapat kamu nu mahinirakun ag maramuun kanyu tagipusuun, danga waydi niyu iyabang tunda, danga waydi ipaulam ti katutuuhanan.

Santiyagu 3:16

Dahil una naan katpung ti may parahirak ag maramuun, siyun diman ti kaguluhan hanggan ti tanan kadautan buwat.

1 Pidru 3:1

Kamu duy pag manga babayi, pagpasakup kamu sa kanyu sadili asawa, hampay una si unu sa kanda nu udwaya magpaniwala sa Bagaw Diyus, miabay diman sumarig, dahil sa kanyu mayad pag ugali una balaw yi may patapil paliwanag sa kanda.

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?

Ipinakakit 14:10

uminum siya intus lunsay galit Diyus, ayinungyung atag sa ungut sa kay pangaisug. Pakurian sida sa apuy ag asupri sa atubangan manga anghil Diyus hanggan sa atubangan Anak Karanidu.

Ipinakakit 16:19

Natlu ti daka pag banwa. Natumpag yi ti manga banwa tanan nasyun. Udyi nakaribri sa sintinsiya Diyus ti bantug pag banwa Babilunya, pinainman intus, kay kahulugan kay mahigpit ngani pag galit Diyus.