Ruma 2:5 - Hanunuu

⁵ Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Ruma 2:5 Iomraidhean Croise

2 Krunika 30:8

Nakan danga maganit kanyu ulu parihu sa kanyu manga ginurang, nu unman pagpasakup kamu sa Panginuun. Pag-atag kamu sa Balay Diyus kay pinabanal hanggan aban. Ag pagsirbi kamu sa Panginuun niyu Diyus, hampay madura ti masyadu niya pag galit sa kanyu.

2 Krunika 36:13

Naglaban diman siya kan Hari Nabukudunusur, una ipinasumpa niya siya sa ngaran Diyus kuntay balaw siya manlaban sa kanya. Nagbaliw maganit gid kay tagipusuun ni Sidikyas, ag dayu siya mamabalik sa Panginuun, ti Diyus Israil.

Hub 21:30

pirmi mag-iribri ti daut pag tawu sa sirang pagras-ug kaparusahan Diyus.

Kanta 110:5

Ti Panginuun asan sa kanmu arani; parusahan niya ti manga hari sa udas ipakakit niya kay pangagalit.

Kanta 95:8

danga pagpaganita kanyu manga tagipusuun parihu sa binwat niyu manga ginurang kaybi ati sa Miriba, kumun diman katpung ati sida sa may pangawakawaan Masa.

Pag-ighit 14:17

Paganitun niku ti tagipusuun manga Ihipsiyu hampay bukadun nida kamu. Dapat rurisun niku ti hari Ihiptu hanggan kay manga sundalu, manga manugkabayu ag manga kalisa. Sa panab-anan tunda, madayaw aku.

Pag-ighit 32:34

Paglakaw yi kawu, giyahi ti manga tawu atag sa pagsabihun niku sa kanmu pag rugar, giyahan kamu niku manga anghil. Dapat rumas-ug ti udas parusahan niku sida sa kanda manga kasalanan.”

Pag-ighit 8:15

Dapat pagka nakitan hari Ihiptu udyi ti manga pikaw, nagmaganit yi maan siya, balaw siya naniwala sa kanda ni Muysis ag ni Aarun, parihu sa sinabi Panginuun.

Kabagawan 1:18

Alam manuk masduk siya, dapat tunda pag daut manga tawu unman nida alam kuntay sida ngapu ti masduk sa kanda magsuduk sa iba. Mag-alagad sida kanda maratyun dapat sida ngapu ti mamatay.

Kabagawan 11:4

Ti kasiyunan balaw makaawat sa sirang pagsintinsiya Diyus, dapat ti matadlung kay buhi imaw ti maribri sa kamatayan.

Kabagawan 28:14

Mapalad ti tawu pirmi maggalang sa Panginuun, dapat ti tawu maganit kay tagipusuun midamhak.

Kabagawan 29:1

Ti tawu magpaganit waya gid kay tagipusuun una pira yi ginan siya tamyawun midamhak lang rargu ag unman yi makabangun waya.

Manugtudlu 12:14

Dahil sintinsiyahan Diyus ti tanan nita pagbuwatun, mayad aw ngatay daut, hanggan ti manga pagbuwatun nita sa lihim.

Isayas 48:4

Alam niku nu kabitay ka ganit kanyu ulu. Kanyu liug parihu kay ka ganit sa baul, kanyu bangas parihu kay kaganit sa galang.

Hirimyas 40:3

Ag nangyari inda taynguna. Ungud binuwat gid Panginuun ti sinabi niya. Nangyari inda dahil nagbuwat kasalanan sa Panginuun ti manga kasimanwa nimu ag balaw sida sinmunud sa kanya.

Isikil 11:19

Bag-uhun niku kanyu tagipusuun ag kanyu kaisipan. Balaw yi bumaliw maganit kanyu manga ulu nu unman bumaliw yi matinupadun kamu sa kangku.

Isikil 3:7

Dapat ti nasakupan Israil unman mamatingi sa kanmu, dahil balaw sida magkaibug magpatingi sa kangku. Tanan sida manga maganit kay ulu ag lapastangan.

Danyil 5:20

Dapat dahil sa kay nagpayabang ag nagpadayaw, pinaighit siya sa kay katungkulan bilang hari

Husyas 13:12

Kanyu manga kasalanan balaw gid niku malimtan, parihu inda sa kasuratan sinaput ag itinagu.

Amus 3:10

Inda ti pagsabihun Panginuun Diyus laban sa Samarya: “Unman sida madunung magbuwat matadlung. Ti mapag-un pag bahagi banwa nida punu manga butang tinakaw hanggan inaghas. Nakan girahun sida manga kalaban ag dautun kanda manga kampu. Bul-un manga kalaban ti manga kasiyunan sa mapag-un pag bahagi banwa.”

Ruma 1:18

Niburayhaw ti pangagalit Diyus ginan sa langit laban sa tanan kadautan manga tawu. Kanda magbuwat kadautan imaw ti mag-ampara sa kanda agud makilala ti katutuuhanan.

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 9:22

Katunda diman kay binwat Diyus. Madi kaybi gustu gid niya ipakakit kay pangagalit hanggan kay kamaskihan, dapat lubus inagwanta lang niya ti manga tawu kay pagkagalitan, kay ihinanda hampay parusahan ag tudasun.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Diyuturunumiyu 2:30

Dapat ay unman nagpasnu si Hari Sihun taga Hisbun kuntay palawuyun kita dahil pinaganit Panginuun niyu Diyus kay tagipusuun hampay iayaw niya siya sa kanta manga kamang, parihu sa kay binuwat niya kainda.

Diyuturunumiyu 32:34

Alam Panginuun kanda pagbuwatun, pagtipunun lang dapu niya inda bag-u mag-alagad sa tama pag udas hampay parusahan sida.

2 Tisalunika 1:5

Inda yi ngani ti puruyba tungkul sa kay katadlungan Diyus sa kay pagkilala sa tawu. Kamu kay pagkilalan-un niya kuntay kang-ud hampay tanggapun niya sa kay kaharian, madi taynguna kamu may pag-agwantahun dapu tungkul sa kay kaharian Diyus.

Hibriyu 3:13

Kailangan kamu magpararig-unan sirang-sirang hanggan may udas waya masabi taynguna. Barang una si unu sa kanyu dayaun di kasalanan ag gumanit kay tagipusuun laban sa Diyus.

Hibriyu 3:15

Una kainda magkun ti Kasuratan, “Taynguna, nu madnugan niyu kay magbagaw, danga pagpaganita niyu kanyu manga tagipusuun parihu sa binwat niyu manga ginurang. Danga ga kaybi pagka kanyu linabanan aku.”

Hibriyu 4:7

Nakan nag-utru ti Diyus nag-alistu usa maan ka sirang kay pagkumnun, “Taynguna.” Pagka lawuy dugay pag timpu imaw diman ti ipinadakit ni Dabid pag binagaw Diyus magkun, “Taynguna nu madnugan niyu kay magbagaw, danga pagpaganita niyu kanyu manga tagipusuun.”

Santiyagu 5:3

Una kanyu manga gintu manga pilak tinayan yi. Tunda ngap pag tayan tigpuruyba aban laban sa kanyu, imaw ti ga apuy humirut sa kanyu bilug. Tunda pag kayamanan kanyu tinipun para sa uryan sirang.

Huswi 11:20

Dahil pinaganit Panginuun kanda tagipusuun hampay lumaban sida sa manga Israilita, hampay mapapas sida lubus ag matyun unman may awa, angay sa isinugu Panginuun sa kan Muysis.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.

2 Pidru 3:7

Sa kay kapangyarihan diman niya bagaw iningatan inda pag langit hanggan daga hampay sunugun aban sa apuy pagka udas yi sintinsiyahan sa kadamhakan ti manga makasalanan pag tawu.

Hudas 1:6

Isipa diman niyu tunda pag manga anghil ti naglakbang sa kanda sadili kahamtangan. Tinayakan ngap nida kanda sadili kahamtangan. Sida ginapus Diyus tunda unman magkabugtas pag tarikada pinirisu sa masyadu kadudulman hanggan sa udway kaudasan sintinsiya.

Ipinakakit 2:21

Pinakan-an niku siya rugar hampay iampu niya kay manga kasalanan, dapat unman may gustu siya magbag-u kay ugali sa magpanguragin.

Ipinakakit 6:17

Dahil nagras-ug yi ti madala gid pag kaudasan, pinahinukdan yi kanda galit. Hintay waya ti umabanti?”

1 Samwil 6:6

Danga yi niyu pagpaganita kanyu manga tagipusuun parihu sa binwat manga Ihipsiyu hanggan nida hari. Pinasnuan lang nida makalakaw ti manga Israilita pagka masyadu yi ti pagpakuri Diyus sa kanda.