Ruma 2:4 - Hanunuu

⁴ Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

Ruma 2:4 Iomraidhean Croise

Kanta 10:11

Kanda isip unman sida pagpansinun Diyus ag unman mag-akitan kanda manga pagbuwatun.

Kanta 104:24

Panginuun, kay kayamu kanmu manga binwat. Linalang nimu sida tanan angay sa kanmu kadunungan. Ti kalibutan punu nimu linalang.

Kanta 31:19

Pagkadaka kanmu iinalistu kaayadan sa manga magsunud sa kanmu. Mintaras mabantayan ti manga tawu, pagpakakitan nimu kaayadan ti manga magdangup sa kanmu.

Kanta 78:38

Dapat una katida, maawaun di ti Diyus sa kanda. Pinatawad niya kanda manga kasalanan ag unman niya sida ipinadamhak. Mayamu bisis niya pinigil kay galit una masyadu yi gid kay pangagalit.

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Pag-ighit 34:6

Linmawuy ti Panginuun sa kay atubangan ni Muysis magkun, “Aku ti Panginuun, ti maawaun ag mainawatun pag Diyus. Mapagmahal ag matinupadun aku, ag balaw madali magkagalit.

Manugtudlu 8:11

Nu ti tawu nagsalan balaw rargu sinintinsiyahan, ti iba mag-isip diman bumwat kasalanan.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Hirimyas 7:10

Bag-u pumakarani kamu ag tumindug sa atubangan niku sitay sa Balay Diyus, nu naan pagdayawun ti ngaran niku. Sabihun niyu, “Ribri kita sitay”. Pagkatapus, pagbuwatun yi maan niyu ti mayagting pag manga buruwatun.

Isikil 11:19

Bag-uhun niku kanyu tagipusuun ag kanyu kaisipan. Balaw yi bumaliw maganit kanyu manga ulu nu unman bumaliw yi matinupadun kamu sa kangku.

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Bilang 14:18

magmahal kawu ag balaw madali magkagalit, mapinatawadun sa kasalanan ag paglabag manga tawu. Dapat pagparusahan nimu ti manga nagkasala tugka sa ikatlu ag ikap-at pag sinulput.

Ruma 10:12

Balaw may nagtuhay ti kahamtangan una Hudiyu una balaw Hudiyu. Usa lang ti Panginuun tanan tawu. Siya tigpakaun kay manga kaayadan sa tanan manga magdangup sa kanya.

Ruma 11:22

Sitay pag makilala nita kay kaayadan Diyus hanggan kay kaisugan. Magpangisug siya sa manga nagkasala sa kanya, dapat mayad siya sa kanmu nu udyi kawu pablag sa kay kaayadan. Nu bay kawu pablag, puldun diman kawu.

Ruma 11:33

Abunda gid ungud kay kayamanan ti Diyus. Udyi kaya isipun tawu kay kadunungan hanggan kay kaalaman niya. Udyi magkatabu magkasuyasid kay manga turunu hanggan kay pamaraan.

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ruma 6:1

Taynguna hintay nguna kanta sabihun? Pumarargu aw nguna kita sa kasalanan hampay padakaun waydi Diyus kay pangaawa sa kanta?

Ruma 6:15

Taynguna bumuwat aw waya kita kasalanan dahil udyi kita sakup sa Kasuguan ag sakup yi kita sa kay pangaawa Diyus? Bukun duy katida.

2 Kurintu 8:2

Nakalakaw sida masyadu pag kakurian, imaw ti mahigpit pagsubuk sa kanda. Madi sida masyadu pugri, sa daka nida pag kabayaan bukas kanda nalub-anan sa kanda magpakaun.

Ipisu 1:18

Kang pag-idarangin kamu hampay marayawan kanyu naisipan hampay maalaman niyu kanta pag-asahan dahil sa kay pagbutung niya sa kanta. Kay ihinanda niya ti daka gid pag kaayadan sa tanan manga binanal,

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Ipisu 2:4

Dapat ay abunda gid kay awa Diyus ag daka gid kay pagmahal sa kanta.

Ipisu 2:7

Binwat niya inda hampay sa pararas-ugun pag kaudasan maipakakit niya kay dayu makarkula pag abunda niya mayad nabubut-un sa kanta, sa manga niusa sa kan Kiristu Hisus.

Ipisu 3:16

Maghagad aku sa Diyus angay sa kay kayamanan hanggan kamaskihan hampay parig-unun ag pabisugun Ispiritu kanyu tagipusuun,

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

Pilipus 4:19

Ginan sa kay kayamanan unman may katabwanan, ipakaun niya ti tanan niyu kailangan dahil sa kanyu gid magpakiusa sa kan Kiristu Hisus.

Kulusas 1:27

Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.

Kulusas 2:2

Nakan katida kang pagbuwatun hampay rumig-un kanda tagipusuun ag hampay sida paminsanun sa pagmahal. Nu katida may kang-ud sida pag-intindi sa katutuuhanan bag-u kilalan-un nida si Kiristu, imaw ti madalum pag katutuuhanan kaybi ginan udwaya ipinaburayhaw Diyus.

1 Timutiyu 1:16

Dapat ay kinaawaan niya aku hampay mipakilala ni Hisu-Kiristu kay lubus matugway naisipan niya sa kangku, sa takinan manga makasalanan, bilang ga mustara sa tanan manga sumarig waydi sa kanya hampay may buhi waydi sida unman may katapusan.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

1 Pidru 3:20

Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

2 Pidru 1:11

Nu katunda, tanggapun kamu may kabayaan sa kay kaharian unman may katapusan ni Hisu-Kiristu, imaw kanta Panginuun ag Manugribri.

2 Pidru 3:15

Isipa gid duy niyu, nakan ngani magpadugay-dugay waya ti Panginuun hampay pakan-an waya kamu rugar agud miribri. Imaw diman kay isinurat ni Pablu, kanta mahal pag patar-ari, sa kay manga surat sa kanyu angay sa kadunungan kay ipinakaun Diyus sa kanya.

2 Pidru 3:3

Un-an gid sa tanan kailangan kanyu alamun kuntay aban sa uryan sirang may manga tawu kanda ugali angay sa kanda mahalay pag kagustuhan naisipan.

2 Pidru 3:9

Ti Panginuun unman gid pumalya sa kay taratu, balaw parihu ga paghantupun manga iba. Nakan udwaya pagtupadun niya tunda pag taratu dahil ngani sa kanyu. Pinakan-an niya rugar ti tanan tawu hampay sida makaampu sa kanda manga kasalanan ag makapasakup sa Diyus. Dahil unman gid gustu niya una si unu pag tawu ipadamhak sa kaparusahan.

Ipinakakit 2:21

Pinakan-an niku siya rugar hampay iampu niya kay manga kasalanan, dapat unman may gustu siya magbag-u kay ugali sa magpanguragin.

Ipinakakit 3:20

Pagbantay kawu, matindugan aku sa dayu sabian, magtaragham. Nu may makadnug sa kang bagaw bag-u nu bukasan niya ti talakup sabian, aku sumaka. Bag-u sumaru aku sa kanya ag sumaru waydi siya sa kangku.