Ruma 2:3 - Hanunuu

³ Kanmu aw isip makaiwas kawu sa sintinsiya Diyus nu pihuun nimu ti daut buruwatun manga iba, kanmu diman waydi pagbuwatun?

Ruma 2:3 Iomraidhean Croise

2 Samwil 10:3

nagkumun ti manga takinan manga Amunita sa kan Hanun kanda hari, “Sa kanmu pagkaalam, pagpahalagahan aw ni Dabid kanmu ama sa panab-anan pagpadara manga tawuhan hampay damayan kanmu karukuan? Unman! Ipinadara niya tunda pag manga tawu hampay lang tiidan kanta banwa ag wasakun.”

Hub 35:2

“Mag-isip aw kawu kuntay kang-ud kawu sa kanmu pagsabihun kuntay unman kawu may kasalanan sa atubangan Diyus?

Kanta 50:21

Katpung binwat niyu inda pag manga bagay, nanpadung lang aku, ag nag-isip kamu parihu lang aku sa kanyu. Dapat tamyawun niku kamu ag ipakakit niku sa kanyu nu kabitay kamu ka daut.

Kanta 56:7

Diyus, danga sida pagpabay-ani makaiwas sa parusa sa kanda kadautan. Sa kanmu pangagalit parusahi tunda pag manga tawu.

Kabagawan 11:21

Pihu gid parusahan ti manga daut pag tawu, dapat ti manga matadlung unman.

Kabagawan 16:5

Pagkadat-an Panginuun ti tanan palabi-labihun, ag pihu gid parusahan sida.

Isikil 17:15

Dapat naglaban ti hari Huda sa hari Babilunya sa panab-anan pagpadara manga tawu sa Ihiptu sa pagbuul manga kabayu ag mayamu manga sundalu. Manalu aw nguna siya? Makapalagiw aw nguna siya ag makaribri sa parusa sa paglabag niya sa kay kasunduan sa Babilunya?

Isikil 17:18

Linabag hari Huda ti kasunduan kay sinumpaan tupadun sa hari Babilunya, nakan balaw gid siya makaribri.

Danyil 10:19

Magkun siya sa kangku, “Kawu pagmahalun Diyus, danga kawu magkadala ngatay magkaarimputu. Pagpakabisug ag pagpakarig-un kawu.” Pagka nasabi niya tunda sa kangku, binmaskug maan aku. Magkun aku sa kanya, “Pararguhan duy kanmu pagbagawun, dahil pinabisug yi nimu aku.”

Matiyu 23:33

“Kamu ga manga ulay, linahi manga udtu adlaw. Kabitay kamu pag makaiwas sa sintinsiya tabug sa impirnu?

Matiyu 26:53

Unman aw lugud nimu alam aku makahimu manhagad sa kang Ama bag-u susun padaran-an niya aku subra waya sa sampulu may duwa ka kagadhan anghil.

Lukas 12:14

Dapat sinabi ni Hisus sa kanya, “Duy, si unu nguna ti nagpakaun karampatan sa kangku hampay magpaanyu mag-ayaw-ayaw kanyu ginurang sangkap?”

Lukas 22:58

Pagka lagat-lagat, nakitan maan siya usa ka lalaki sinabi sa kanya, “Kawu hanggan kaibahan maaw nida.” Dapat magkun si Pidru, “Unman gid duy aku.”

Lukas 22:60

Dapat sinabi ni Pidru, “Unman gid duy ungud niku alam kanmu pagsabihun.” Nagbagaw waya si Pidru kadaka tinmarauk ti manuk.

Ruma 1:32

Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

Ruma 2:1

Nakan ngani una si unu kawu ti parapihu sa kasalanan manga iba, udyi ngap kawu may idahilan. Dahil sa kanmu magpihu sa manga iba, pagpihuun diman waydi nimu kanmu sadili kasalanan. Kawu magpihu sa kasalanan manga iba, dapat kumun diman waydi kanmu pagbuwatun.

Ruma 2:2

Alam diman nita kay sintinsiya Diyus balaw magsalan laban sa manga tawu magbuwat katida.

Ruma 9:20

Dapat kawu duy tawu lang, si unu lugud kawu nakan nagsagut katida sa Diyus? Masabi aw lugud anglit sa nagpanday sa kanya magkun, “Hayga binwat nimu aku kainda?”

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Hibriyu 2:3

Kabitay kita dayu parusahan gid nu unman intindihun nita ti barita tungkul sa inda pag mahalaga pag karibrihan. Pagka sa kabag-u, Panginuun gid ti nagpaalam bag-u ti manga nakadnug sa kanya nagtultul maan sa kanta, pinatutuuhanan nida ti karibrihan.