Ruma 2:29 - Hanunuu

²⁹ Ti tawu nu binag-u yi sa kay tagipusuun hanggan naisipan angay sa Ispiritu balaw lang angay sa nisurat pag Kasuguan, tunda yi ti tutuu Hudiyu. Balaw tawu nu unman Diyus ngap ti dumayaw sa kanya.

Ruma 2:29 Iomraidhean Croise

1 Krunika 29:17

Diyus niku, alam niku pag-usisaun nimu kanmi tagipusuun ag magbaya kawu nu makitan nimu matadlung inda. Imaw tunda buu tagipusuun ag nalub-anan ti pagpakaun niku inda pag manga bagay. Ag una ti kanmu nasakupan atay kainda nakitan niku nagpakaun diman may nalub-anan. Nakan nagbaya gid aku.

Kanta 45:13

Pagkarinu kawu sa sulud nimu sulud-sulud. Kanmu rutay may burda gintu.

Hirimyas 4:14

“Manga taga Hirusalim, lumpiyuha niyu ti kadautan sa kanyu tagipusuun hampay maribri kamu. Tugka kapira kamu mag-isip sa daut?

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Hirimyas 9:25

Magkun waya ti Panginuun, “Rumas-ug ti sirang parusahan niku ti nasyun Ihiptu, Idum, Amun, Muab, hanggan ti tanan mag-uli sa pangawakawaan sa arayu pag manga rugar. Ti manga mag-uli siyun pag nasyun manga tinuri, dapat unman sida magdayaw sa kangku. Ag parihu sida sa manga taga Huda. Kanyu bilug tinuri, dapat kanyu tagipusuun unman magbag-u.”

Lukas 11:39

Sinabi Panginuun sa kanya, “Kamu pag manga Parisiyu kanyu pag-ugasan ti habig lang taya manga ungut. Dapat sa kanyu sulud bilug maramuun kamu ag lunsay kadautan.

Lukas 17:21

Unman masabi manga tawu, ‘Tunda ay ngani’, ngatay ‘Ati ay’. Dahil nu sa ungud nag-umpisa yi naghari yi gid ti Diyus sa kanyu karaw-an.”

Huwan 12:43

Unman mahalaga sa kanda nu sida pagbayaun Diyus. Ti mahalaga lang sa kanda basta sida pagbayaun manga tawu.

Huwan 4:23

Dapat arani yi gid ti udas, kainda yi ngap, ti manga tutuu magsamba sa Ama sumamba sa kanya sa Ispiritu ag sa katutuuhanan. Dahil katida ti paghanapun Ama sa manga magsamba sa kanya.

Huwan 5:44

Magbaya kamu nu kamu magdarayawan sa usa kag sa usa, dapat unman kamu magmasigasid hampay makadayaw sa kanyu ti tutuu Diyus. Nu katunda kamu, kabitay lugud kamu pag pumaniwala sa kangku?

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Ruma 2:27

Nakan ngani kamu ti manga tinuri sintinsiyahan aban manga balaw tinuri. Dahil sida magtupad sa Kasuguan, dapat kamu madi may isinurat Kasuguan ag manga tinuri kamu, maglabag diman ngap kamu sa tunda pag Kasuguan.

Ruma 3:1

Hintay ti mahalaga sa ngaran Hudiyu may sa balaw Hudiyu? Hintay kay pakinabang nu tinuri ti tawu?

Ruma 7:6

Dapat ay taynguna udyi sakup kita sa Kasuguan, dahil nu para sa Kasuguan imaw ti nakasakup sa kanta, kita tigbak yi napausa yi sa kan Kiristu kamatayan. Nakan kita magsirbi sa Diyus balaw angay sa un-an nisurat pag manga bilin dapat angay ngap sa bag-u buhi sa sirung kapangyarihan Ispiritu.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

1 Kurintu 7:19

Unman may hintay ngarana una turi una bukun turi. Ti mahalaga ti pagsunud sa manga bilin Diyus.

2 Kurintu 10:18

Ti mahalaga lang nu ti tawu pagbayaun Diyus. Ti magpadayaw sa kay sadili unman may kabuluhan.

2 Kurintu 3:6

Pinakan-an niya kami kadunungan hampay magsirbi sa bag-u pag taratu, balaw nipuun sa nisurat pag Kasuguan bagkus ngap sa Ispiritu. Ti nisurat pag Kasuguan magpakaun kamatayan dapat ti Ispiritu magpakaun ngap buhi.

Diyuturunumiyu 10:16

Nakan bag-uha niyu kanyu tagipusuun ag danga yi kamu magpaganit kanyu ulu.

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

1 Tisalunika 2:4

Dahil pinili kami Diyus bag-u kay yi iinintirga sa kanmi ti Mayad pag Barita. Nakan ngani kami magpanudlu una abi balaw pagbayaun tawu basta kami pumakaun kabayaan sa Diyus, imaw tig-usisa sa kanta manga tagipusuun.

1 Pidru 3:4

Lalu ngap isipun niyu mahalaga ti rinu mataguan sa basad niyu tagipusuun. Tunda pag rinu unman magpud-as, ginan sa mahuway ag maalumanay pag naisipan, ungud lubus mahalaga sa kay magbantay Diyus.

1 Samwil 16:7

Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”