Ruma 2:27 - Hanunuu

²⁷ Nakan ngani kamu ti manga tinuri sintinsiyahan aban manga balaw tinuri. Dahil sida magtupad sa Kasuguan, dapat kamu madi may isinurat Kasuguan ag manga tinuri kamu, maglabag diman ngap kamu sa tunda pag Kasuguan.

Ruma 2:27 Iomraidhean Croise

Matiyu 3:15

Dapat sinmagut si Hisus magkun sa kanya, “Pasnuan lang duy nimu taynguna, dahil kainda ngani ti dapat buwatun hampay tupadun nita ti buu kagustuhan Diyus.” Bag-u pinasnuan ngani siya ni Huwan.

Binwat 13:22

Pagka binahasan yi siya Diyus, si Dabid maan ti pinili Diyus hampay kanda hari. Nagpasnu ti Diyus sa kan Dabid magkun, ‘Nakitan niku kan Isai anak si Dabid, imaw yi gid kang pagbayaun pag tawu, masurundun siya sa tanan niku nagustuhan.’ ”

Ruma 13:10

Ti may pagmahal sa kay kaparihu balaw magbuwat daut una sa kantapu. Nakan ti pagmahal imaw yi gid ti kamhanan buu Kasuguan.

Ruma 2:15

Kanda yi buwat tigpakilala kuntay ti pagsabihun Kasuguan nisurat yi sa kanda manga tagipusuun. Pagpatutuuhanan diman inda nida naisipan, dahil nu kas-a ginan pagtamyawun sida nida naisipan ag nu kas-a ginan kanda diman sadili naisipan tigpatutuu kuntay unman nagbuwat kasalanan.

Ruma 2:20

manugpaanyu sa manga unman madunung, manugtudlu diman sa manga anak, dahil kanmu isip ti Kasuguan yi ngani ti buu kadunungan hanggan katutuuhanan.

Ruma 2:25

Nu kawu napaturi mahalaga lang tunda nu tupadun nimu ti Kasuguan ni Muysis. Dapat nu paglabagun diman nimu ti Kasuguan, bilang ga unman diman kawu tinuri.

Ruma 2:26

Ti tawu unman tinuri nu magbuwat angay sa pagsabihun sa Kasuguan, unman aw siya parihu diman ga tinuri?

Ruma 2:29

Ti tawu nu binag-u yi sa kay tagipusuun hanggan naisipan angay sa Ispiritu balaw lang angay sa nisurat pag Kasuguan, tunda yi ti tutuu Hudiyu. Balaw tawu nu unman Diyus ngap ti dumayaw sa kanya.

Ruma 3:30

Kabay usa-usa ti Diyus. Una ti manga Hudiyu una ti manga balaw Hudiyu, nu sida sumarig sa kan Kiristu, pagkilalan-un yi sida Diyus kuntay sida manga matadlung.

Ruma 8:4

Binwat niya ti tanan inda hampay ti pag-ibilin Kasuguan matupad sa kanta sa manga mag-ugali angay sa Ispiritu, balaw angay sa sadili lang kagustuhan nita pagkatawu.

1 Kurintu 7:19

Unman may hintay ngarana una turi una bukun turi. Ti mahalaga ti pagsunud sa manga bilin Diyus.

2 Kurintu 3:6

Pinakan-an niya kami kadunungan hampay magsirbi sa bag-u pag taratu, balaw nipuun sa nisurat pag Kasuguan bagkus ngap sa Ispiritu. Ti nisurat pag Kasuguan magpakaun kamatayan dapat ti Ispiritu magpakaun ngap buhi.

Galasya 5:14

Dahil matupad ti kabuuhan Kasuguan nu tupadun lang inda pag usa ka bagaw magkun, “Mahala nimu kanmu kaparihu tawu parihu sa kanmu sadili.”

Ipisu 2:11

Isipun niyu kanyu daan pag kahamtangan. Kamu inanak manga balaw Hudiyu. Pagkumnun kamu manga Hudiyu kuntay balaw tinuri. Inda pag manga Hudiyu pagkumnun manga tinuri angay lang sa kanda binwat sa kanda bilug.

2 Timutiyu 3:15

Ginan sa diit di waya kawu, naanad yi kawu sa Banal Kasuratan, imaw ti makapakaun kadunungan sa kanmu sa ikaribri nimu nu kawu magsarig sa kan Kiristu Hisus.

Hibriyu 11:3

Dahil sa kanta pagsarig sa Diyus nakan naintindihan nita ti kalibutan namhan dahil sa kay Bagaw Diyus. Ti manga mag-akitan nita, binwat Diyus ginan sa unman may mag-akitan sa mata.