Ruma 2:25 - Hanunuu

²⁵ Nu kawu napaturi mahalaga lang tunda nu tupadun nimu ti Kasuguan ni Muysis. Dapat nu paglabagun diman nimu ti Kasuguan, bilang ga unman diman kawu tinuri.

Ruma 2:25 Iomraidhean Croise

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

Ruma 2:13

Dahil balaw ti manga magpatingi lang sa Kasuguan, nu unman ti manga magtupad sa Kasuguan imaw ti pagkilalan-un Diyus kuntay matadlung.

Ruma 2:23

Magdayaw kawu sa Kasuguan, dapat sa kanmu maglabag sa Kasuguan unman ngap paggalangun nimu ti Diyus.

Ruma 2:26

Ti tawu unman tinuri nu magbuwat angay sa pagsabihun sa Kasuguan, unman aw siya parihu diman ga tinuri?

Ruma 2:27

Nakan ngani kamu ti manga tinuri sintinsiyahan aban manga balaw tinuri. Dahil sida magtupad sa Kasuguan, dapat kamu madi may isinurat Kasuguan ag manga tinuri kamu, maglabag diman ngap kamu sa tunda pag Kasuguan.

Ruma 2:28

Ti usa ka tawu balaw masabi tutuu Hudiyu, una paman Hudiyu kay manga gurang una waya tinuri siya.

1 Kurintu 7:19

Unman may hintay ngarana una turi una bukun turi. Ti mahalaga ti pagsunud sa manga bilin Diyus.

Galasya 6:13

Una ti manga nagpaturi unman diman waydi magtupad sa Kasuguan. Kanda lang gustu sida ti dayawun manga iba nu kamu magpaturi waydi, nakan kamu kanda gid pagpilitun.

Galasya 6:15

Balaw mahalaga una tinuri una unman tinuri ti usa ka tawu. Ti mahalaga lang nu siya bag-u linalang.

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.