Ruma 2:21 - Hanunuu

²¹ Magtudlu ngani kawu sa manga iba. Bati hayga unman pagtudluan nimu kanmu sadili? Magtudlu kawu magkun, “Danga magtakaw”, bati hayga kawu magtakaw?

Ruma 2:21 Iomraidhean Croise

Isayas 42:20

Mayamu yi kanyu mag-akitan dapat balaw niyu pagpansinun. Magdungug kamu dapat unman kamu magpatingi!”

Isayas 56:11

Ga manga idu sida daluk ud magkabsug. Ti manga manugbantay Israil unman may intindi. Ti kada usa sa kanda magbuwat una lang hintay kanda gustu buwatun. Sadili lang ikaayad ti kanda pagpabalagan.

Isikil 22:27

Kanda manga takinan parihu sa manga talun idu magduksul sa kanda manga bulay. Magpanmatay sida hampay lang maramuun sa kuwarta.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Matiyu 21:13

Sinabi ni Hisus sa kanda, “Nisurat sa Banal Kasuratan magkun, ‘Kang balay ingarnan balay darangin. Dapat binwat ngap niyu paratag-an manga mananakaw!’”

Lukas 11:46

Magkun si Hisus, “Anung kaawaawa kamu diman pag manga manugtudlu Kasuguan, dahil ipagpapas-an niyu sa manga tawu ti manga mabuyat pag dararan-un udyi maraug. Dapat una kanyu ituturu unman niyu pag-iantabay sa manga mabuyat dararan-un.

Lukas 12:47

Dahil ati pag panawuhun nakaalam sa kay amu daan bilin, dapat ay unman nag-alistu, unman diman naniwala sa kay bilin, nakan duru yi pagkabakul sa kanya.

Lukas 19:22

Sinabi hari sa kanya, ‘Kawu minus pag panawuhun, pihuun yi ngap niku kawu ginan sa kam sinabi. Alam maaw nimu aku mahigpit pag tawu, mag-apu bukun kangku, paghanapun maaw niku kay tubas madi balaw aku ti nagpamgas.

Lukas 4:23

Magkun siya sa kanda, “Pihu gid sumabi kamu sa kangku inda pag pahalimbawa, ‘Manugbulung, bulunga duy nimu kanmu sadili bilug.’ Sumabi waydi kamu sa kangku, ‘Una hintay kanmi nadnugan kanmu binwat ati sa Kapirnaum, buwata diman nimu sitay sa kanmu sadili banwa.’ ”

1 Kurintu 9:27

Pagpakurian diman niku kang sadili bilug, pagsupilun niku kang sadili kagustuhan barang nu manudlu aku sa iba, aku ngap ti ipurya Diyus.

Galasya 6:13

Una ti manga nagpaturi unman diman waydi magtupad sa Kasuguan. Kanda lang gustu sida ti dayawun manga iba nu kamu magpaturi waydi, nakan kamu kanda gid pagpilitun.