Ruma 2:13 - Hanunuu

¹³ Dahil balaw ti manga magpatingi lang sa Kasuguan, nu unman ti manga magtupad sa Kasuguan imaw ti pagkilalan-un Diyus kuntay matadlung.

Ruma 2:13 Iomraidhean Croise

Kanta 143:2

Danga aku pagsintinsiyahi kanmu manugsirbi, dahil unman may una usa ti matadlung sa kanmu atubangan.

Hirimyas 11:6

Bag-u magkun maan sa kangku ti Panginuun, “Sabihun nimu inda tanan kang manga bagaw sa manga banwa Huda hanggan sa manga baklayan Hirusalim: ‘Alalahana niyu ag tupada ti manga pagsabihun sa inda pag kasunduan.

Isikil 20:11

Ati, ipinakaun niku sa kanda kang manga sugu ag manga surundanun kailangan nida sundun hampay magpangabuhi sida.

Lukas 18:14

Magkun si Hisus, “Pagsabihun niku sa kanyu, nuli yi inda pag lalaki pinakan-an siya kahusayan sa atubangan Diyus, dapat tunda pag Parisiyu unman. Dahil ti kada magpalabaw-labaw ipaababa. Dapat tigpakumbaba, ipaabwat ngap Diyus.”

Lukas 8:21

Dapat sinabi ni Hisus magkun, “Inda yi ngani kang ina, kang manga patar-ari ti manga magpatingi sa Bagaw Diyus bag-u kanda pagtupadun.”

Huwan 13:17

Nu naintindihan yi niyu inda pag manga katutuuhanan, masulung kamu nu kanyu tupadun.

Ruma 10:5

Kainda kay sinurat ni Muysis tungkul sa kay pagkilala Diyus sa tawu kuntay matadlung nu sida magtupad sa Kasuguan. Magkun siya, “Ti tawu nu magtupad sa Kasuguan, may buhi siya sa panab-anan waydi Kasuguan.”

Ruma 2:25

Nu kawu napaturi mahalaga lang tunda nu tupadun nimu ti Kasuguan ni Muysis. Dapat nu paglabagun diman nimu ti Kasuguan, bilang ga unman diman kawu tinuri.

Ruma 3:20

Nakan unman gid may tawu pagkilalan-un Diyus kuntay siya matadlung nu dahil lang sa kay pagtupad sa Kasuguan. Kabay ginan ngap sa Kasuguan pag makilala ti kasalanan.

Ruma 3:23

Nagkasala ti tanan tawu. Nakan unman gid karapat-dapat sa magbantay Diyus.

Ruma 3:30

Kabay usa-usa ti Diyus. Una ti manga Hudiyu una ti manga balaw Hudiyu, nu sida sumarig sa kan Kiristu, pagkilalan-un yi sida Diyus kuntay sida manga matadlung.

1 Kurintu 4:4

Unman aku may magkaisipan daut sa kang sadili bilug. Dapat unman pagsarigan niku inda hampay aku tanggapun Panginuun. Dahil ti Panginuun di tigpihu sa kangku nu mayad nu daut.

Galasya 2:16

alam nimi pagkilalan-un Diyus ti tawu kuntay siya matadlung nu sumarig siya sa kan Hisu-Kiristu ag unman dahil sa kay magtupad sa Kasuguan. Hanggan kami manga Hudiyu magsarig sa kan Kiristu Hisus hampay pagkilalan-un Diyus kami matadlung, dahil sa kanmi pagsarig sa kan Kiristu ag unman dahil sa kanmi magtupad sa Kasuguan. Dahil dayu kilalan-un Diyus ti tawu kuntay matadlung nu ginan lang sa kay pagtupad sa Kasuguan.

Galasya 5:4

Nu kamu magkaibug pagkilalan-un Diyus kuntay kamu matadlung dahil sa kanyu magtupad sa Kasuguan, binmulag yi ngap kamu sa kan Kiristu, udyi matanggap niyu kay pakaun kaayadan Diyus.

Diyuturunumiyu 4:1

Bag-u magkun si Muysis sa manga Israilita, “Patingihi niyu kaayad ti pag itudlu niku sa kanyu pag manga sugu hanggan surundanun. Sunda niyu inda hampay mabuhi kamu ag makapangulian sa pag-ipakaun Panginuun pag daga sa kanyu, ti Diyus niyu manga ginurang.

Diyuturunumiyu 5:1

Tinipun ni Muysis ti tanan Israilita ag magkun siya sa kanda, “Manga Israilita, pakidnugi niyu ti ipakaun niku sa kanyu pag manga sugu hanggan surundanun kainda pag sirang. Adalan niyu inda kaayad ag sunda gid.

Diyuturunumiyu 6:3

Pagpatingi kamu, manga nasakupan Israil, ag sunda niyu kaayad kay manga sugu hampay mayad kanyu kahamtangan ati ag hampay lalu waya kamu yumamu sa marinu ag abunda pag daga, angay sa itinaratu sa kanyu Panginuun, ti Diyus niyu manga ginurang.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

1 Huwan 2:29

Alam yi niyu si Kiristu ti matadlung. Nakan magkaalaman diman waydi niyu una hintay pag tawu nu matadlung kay buwat siya anak yi Diyus.

1 Huwan 3:7

Kamu duy pag manga anak niku, danga kamu padaya una sa kantapu. Ti matadlung kay buwat pag tawu, ga kan Kiristu diman waydi matadlung siya.